ជីវិតកម្សាន្ដ

ម្សិលមិញ តារាថៃ៣គូ រៀបពិធីមង្គលការព្រមគ្នាក្នុងថ្ងៃតែមួយ

បានផុស

១ ថ្ងៃ មុន

នៅ

ថ្ងៃចន្ទ ១៣ វិច្ឆិកា ២០២៣

ដោយ

នៅថ្ងៃទី១២ ខែវិច្ឆិកា ឆ្នាំ ២០២៣ម្សិលមិញ ចាត់ទុកជាឱកាសល្អមួយដែលតារាថៃ៣គូបានសម្រេចជ្រើសថ្ងៃតែមួយដើម្បីរៀបមង្គលការយ៉ាងអធិកអធមពុំធ្លាប់មានអមដោយអ្នកចូលរួមសុទ្ធតែជាកំពូលតារាល្ពីៗថែមទៀត។

គូស្នេហ៍ទីមួយ គឺតារាសម្ដែងសិចស៊ី Pu Praya និងមិត្តប្រុសជាអ្នកជំនួញវ័យក្មេងក្រៅវិស័យសិល្បៈ ដែលពួកគេបានស្គាល់គ្នាមក ១២ ឆ្នាំ និងរៀបអាពាធ៍ពិពាធ៍លើទឹកដីនៃសហរដ្ឋអាមេរិក។ ព្រឹត្តិការណ៍នេះ មានកំពូលតារាស្រី Chompoo Araya ធ្វើដំណើរទៅចូលរួមផងដែរ។ ត្បិតថាពិធីនេះគឺសាមញ្ញ តែបានបង្ហាញថាវាមានកក់ក្តៅខ្លាំងបំផុត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចំណែកគូស្នេហ៍ទី២ Mark Prin-Kimberly ដែលបានរៀបចំពិធីមង្គលការនៅប្រទេសថៃម្តងទៀត និងបានអញ្ជើញភ្ញៀវរាប់ពាន់នាក់ ហើយក៏ផ្តល់ឱកាសឱ្យអ្នកគាំទ្រសំណាងចំនួន ១០០ នាក់បានចូលរួមក្នុងពិធីមង្គលការលើកនេះផងដែរ។កាន់តែពិសេសទៀតនោះក្នុងពិធីគូស្នេហ៍មួយគូនេះក៏លេចវត្តមាន Mint Chalida មកចូលរួមបង្ហាញការភ្ញាក់ផ្អើលយ៉ាងខ្លាំង។

ចំណែកគូស្នេហ៍ទីបីគឺ Teeratep Winothai អតីតកីឡាករបាល់ទាត់ជម្រើសជាតិថៃ បានចាប់ដៃគ្នាជាមួយមិត្តស្រី Fiat ឬ Apisararat Jiradechphong ដែលជាមហាសេដ្ឋីជំនួញសម្រស់។ ពិធីមង្គលការដ៏សប្បាយរីករាយមួយ នេះក៏បានបង្ហើបថា កូនកំលោះកូនក្រមុំចង់បានអ្នកស្នងភ្លាមៗផងដែរ៕