Miss Grand Thailand ទម្លាយថា Thae Su Nyein ដែលជាបវរកញ្ញាមីយ៉ានម៉ា តែងតែចាកចេញពីបន្ទប់របស់នាងទាំងព្រឹកព្រលឹម។ យ៉ាងណាមិញ សម្រស់វ័យ១៧ ឆ្នាំរូបនេះ តែងតែមានភាពម៉ត់ចត់ក្នុងសម្លៀកបំពាក់ សក់ និងការតុបតែងខ្លួន រាល់ពេលដែលនាងត្រលប់មកបន្ទប់របស់នាងវិញ។

មិនត្រឹមតែប៉ុណ្ណឹងទេ Miss Grand Thailand បាននិយាយថា ត្រឹមតែប៉ុន្មាននាទីប៉ុណ្ណោះ Miss Grand Myanmar មិនអាចរៀបចំអ្វីគ្រប់យ៉ាងតែម្នាក់ឯងបានទេ។ លើសពីនេះ ការបង្ហាញខ្លួនរបស់ Thae Su Nyein តែងតែបញ្ចេញមតិថា ល្អឥតខ្ចោះ ប្រៀបដូចជានាងមានអ្នកគាំទ្រចាំជួយនាងយ៉ាងដូច្នោះ។

មនុស្ស​ម្នាក់​ក្នុង​ការ​បង្កើត​រូបភាព​របស់ Miss Grand Myanmar ត្រូវ​បាន​គេ​និយាយ​ថា​ជា​អ្នក​ផាត់​មុខ Nang Mo Siang (Sora)។ គេដឹងថានាងគឺជាសហអ្នកសម្របសម្រួលនៃវគ្គផ្សាយផ្ទាល់នៃថ្នាក់តុបតែងមុខអាជីព Grand International ដែលធ្វើឡើងនៅប្រទេសមីយ៉ាន់ម៉ា។

នៅថ្ងៃ Miss Grand Myanmar ចូលប្រទេសកម្ពុជា (ថ្ងៃទី ០៣ ខែតុលា) Nang Mo Siang (Sora) ត្រូវបានលើកឡើងថាជាអ្នកផាត់មុខឲ្យបវរកញ្ញាមីយ៉ានម៉ា។ ទោះបីជាយ៉ាងណាក៏ដោយ អត្តសញ្ញាណរបស់ Sora បានផ្លាស់ប្តូរចាប់តាំងពី Thae Su Nyein ចូលរួមក្នុងសកម្មភាព Miss Grand International លើកដំបូង។ ក្នុង​ការ​បង្ហោះ​រូប​អ្នក​តុបតែង​មុខ​ស្រាប់តែ​ក្លាយ​ទៅ​ជា​អ្នក​ថត​រូប ហើយ​មិន​ត្រូវ​បាន​អនុញ្ញាត​ឲ្យ tag គណនី​ផ្ទាល់ខ្លួន​របស់​នាង​ឡើយ។

មុន​ពេល​កើតហេតុ ទស្សនិកជន​អន្តរជាតិ​មួយ​ចំនួន​ធំ​បាន​សុំឲ្យបវរកញ្ញាមីយ៉ាន់ម៉ាបំភ្លឺ និង​ផ្តល់​ចម្លើយ​គួរ​ឲ្យពេញចិត្ត ។ លើសពីនេះ មនុស្សជាច្រើនជឿថា ក្រុមប្រឹក្សា MGI ត្រូវការស៊ើបអង្កេតលើអាកប្បកិរិយាបោកប្រាស់របស់បេក្ខនារីរូបនេះ។ ជាធម្មតា បេក្ខនារីត្រូវរៀបចំរូបភាពផ្ទាល់ខ្លួន ហើយមិនអាចសុំជំនួយពីក្រុមជម្រើសជាតិបានទេ។

គួរបញ្ចាក់ថា Miss Grand Myanmar គឺជាបេក្ខនារីកំពូលក្នុងបញ្ជីបោះឆ្នោត ដើម្បីចូលរួមពិធីជប់លៀងជាមួយប្រធាន Miss Grand International។ សម្រស់​ដែល​កើត​ក្នុង​ឆ្នាំ ២០០៧ មិន​បាន​ធ្លាក់​ចេញ​ពី Top3 ក្នុង​ការ​បោះឆ្នោត​ទាំង​អស់។ ជាមួយគ្នាដែរ Thae Su Nyein ទទួល​បាន​ការ​គាំទ្រ​យ៉ាង​សាទរ​ពី​ទស្សនិកជន​ជាតិ និង​អន្តរជាតិ​យ៉ាង​ច្រើន​កុះករ។ នៅលើវេទិកា Facebook តែមួយ Miss Grand Myanmar ទទួលបានចំនួន ៤៨២ពាន់Like និង ២.៨ លាន Share ឯណោះ៕

អត្ថបទ៖ សាង ស្រីល័ក្ខ

ចុចអាន៖សុខៗលោកណាវ៉ាត់ ងាកមកយកចិត្តអតីតម្ចាស់មកុដ MGI ក្រោយទុក Thùy Tiên ចោល ព្រោះរឿងអាស្រូវពេស្យាចារ​ 

The post បវរកញ្ញាថៃ ចោទបវរកញ្ញាមីយ៉ានម៉ាថា បោកប្រាស់ទំនុកចិត្តអ្នកទស្សនា appeared first on Kampuchea Thmey Daily.

រឿងចម្រូងចម្រាសរវាងស្ថាប័ន MGC និង MGI អំពីការដកសិទ្ធិធ្វើជាម្ចាស់ផ្ទះ និងការដកថយពីការប្រកួត Miss Grand International របស់បវរកញ្ញាកម្ពុជា ប៊ី សុធារី បានបង្កជាជម្លោះពាក្យសម្ដីជាច្រើនពីអ្នកលេងបណ្ដាញសង្គមថៃនិងខ្មែរ។ ក្នុងនោះក៏មានតារា បវរកញ្ញា និងប្រជាពលរដ្ឋជាច្រើនគាំទ្រពីសកម្មភាពរបស់ស្ថាប័ន MGC ក្រោយធ្វើការបកស្រាយតាមរយៈសន្និសីទកាសែតស្វែងរកខុសត្រូវនឹងសេចក្ដីពិតជូនប្រទេសជាតិ ខណៈលោក ណាវ៉ាត់ ប្រធាន MGI និងបវរកញ្ញាថៃ នាង Malin បានលើករឿងរ៉ាវមួយចំនួនដែលមិនមែនជាការពិតទម្លាក់កំហុសមកលើកម្ពុជា។

ទន្ទឹមនឹងជម្លោះរវាងថៃនិងខ្មែរលើវិស័យបវរកញ្ញាលើកនេះ ស្រាប់តែអតីត Miss Grand Cambodia ឆ្នាំ ២០២៣ កញ្ញា ភឹម ស្រីណូ ចេញមុខការពារ និងនិយាយចំៗបកទៅឲ្យបវរកញ្ញាថៃ និងស្ថាប័នMGIវិញភ្លាមៗ ដោយមិនក្រែងចិត្តខ្លួនក៏ធ្លាប់បានទៅប្រកួតលើឆាកមួយនេះ។ ការចេញមុខមករបស់ ស្រីណូ បានធ្វើឲ្យប្រជាជនកម្ពុជាសម្ដែងការគាំទ្រ និងពេញចិត្តចំពោះការឈឺឆ្អាលសម្រាប់ប្រទេសជាតិយ៉ាងដូច្នេះ ហើយអតីតបវរកញ្ញារូបនេះក៏ត្រូវបានអ្នកលេងបណ្ដាញសង្គមថៃវាយប្រហារដូចគ្នា ខណៈក៏មាននាង Patcharaporn Chantarapadit Miss Grand Thailand ២០២០ រិះគន់ទៅកាន់ ស្រីណូ វិញដូចគ្នា។ អតីត Miss Grand Thailand ២០២០ រូបនេះ បានបង្ហោះសារឌឺដងផ្លែផ្កាព្រមទាំងវាយប្រហារកញ្ញា ភឹម ស្រីណូ និងអ្នកលេងបណ្ដាញសង្គមខ្មែរចំៗមិនញញើតដៃថែមទៀតផង។

គួររំលឹកថាកាលពីយប់ថ្ងៃទី៧ ខែតុលា ឆ្នាំ ២០២៤ ខាងស្ថាប័ន Miss Grand International ចេញសេចក្ដីប្រកាសដកសិទ្ធិធ្វើជាម្ចាស់ផ្ទះពីកម្ពុជារួមគ្នាជាមួយថៃ ក្រោមហេតុផលមិនធ្វើតាមសង្ដ់ដាកម្មវិធី ហើយស្ថាប័ន Miss Grand Cambodia ក៏បានដកខ្លួនពីការប្រកួតភ្លាមៗដូចគ្នា ព្រមទាំងធ្វើសន្និសីទកាសែតបកស្រាយនៅពីក្រោយរឿងរ៉ាវទាំងអស់នោះផងដែរ៕

The post ភឹម ស្រីណូ ត្រូវអ្នកលេងបណ្ដាញសង្គមថៃតាមវាយប្រហារ ក្នុងនោះក៏មានបវរកញ្ញាថៃឆ្នាំ ២០២០ ផងដែរ appeared first on Kampuchea Thmey Daily.

ជ័យ​ជម្នះរបស់បវរកញ្ញាថៃវ័យ ២៨ឆ្នាំរូបនេះថ្វីដ្បិតតែបានបញ្ចប់ជាយូរហើយក្ដី ក៏ប៉ុន្តែមកដល់ពេលនេះនាងនៅតែជាប់មន្ទិលថាមិនសក្តិសម​ក្នុងតំណែងជា Miss Grand ថៃ តំណាងឲ្យប្រទេសទៅប្រកួតលើឆាកអន្តរជាតិឡើយ។ ជាមួយគ្នានោះថែមទៀត ​កាលណោះមហាជនក្នុងប្រទេសថៃបានចោទលើនាងថា ម៉ាលីនឈ្នះការប្រកួតមិនមែនបានដោយសមត្ថភាពនិងសម្រស់គួបផ្សំឡើយ ប៉ុន្តែគឺនាងជះលុយច្រើនសន្ធឹកដើម្បីបានគ្រងមកុដ។

មិនត្រឹមប៉ុណ្ណឹងទេ នៅពេលដែលនាងម៉ាលីនឡើងទទួលមកុដ មានការចោទប្រកាន់ជាហូរហែរថា នាងទទួលបានការពេញចិត្តពីលោកណាវ៉ាត់ដែលជាប្រធាន MGI ដោយសារតែនាងមានប្រវត្តិសេដ្ឋកិច្ចគួរឲ្យចាប់អារម្មណ៍និងជា Influencer ដ៏ល្បីប្រចាំប្រទេសតែប៉ុណ្ណោះ។ ជាពិសេសនៅពេលជាប់ជ័យលាភី ម៉ាលីនបាន​ឈ្នះ​ពាន​រង្វាន់​បន្ទាប់​បន្សំ​ដ៏​សំខាន់​មួយ​គឺ​ពាន​រង្វាន់ Boss Choice Awards ដែល​ជ្រើស​រើស​ដោយ​ថៅកែ MGI ​ថែមទៀត។

អ្វីដែលកាន់តែចាប់អារម្មណ៍ខ្លាំងបំផុតនោះគឺ រាជិនីសម្រស់រូបនេះត្រូវហ្វេនជនជាតិថៃឯងបានបញ្ចេញមតិរិះគន់ឥតសំចៃមាត់ថា ​នាងមាន​កម្ពស់​ត្រឹមតែ ១.៦៥ ម៉ែត្រ​ ដែល​គេចាត់ទុកថា​ជា​កម្ពស់​ទាប​បំផុត​ក្នុង​ចំណោម​ម្ចាស់​មកុដ Miss Grand Thailand ពីមុន​។ លើសពីនេះ សម្រស់ម៉ាលីនក៏មិនសូវជាលេចធ្លោខ្លាំងដែរ។ នាង​មាន​មុខ​មាត់ដូចមនុស្សស្រីទូទៅ គ្មានភាពលេចធ្លោចេញពីដងខ្លួននៃរាងរៅស្ដងដារសម្រស់ ហើយនាងក៏មានគុណវិបត្តិនៃការមានភ្នែកមិនស្មើគ្នាផងដែរ។

ទោះបីជាប្រឈម​មុខ​នឹង​ការ​ចោទ​ប្រកាន់​សូកលុយទិញមកុដយ៉ាងណាក្ដី ម្ចាស់ជ័យលាភ MGT បានចេញមុខឆ្លើយ​តបទៅកាន់អ្នកអ្នករិះគន់យ៉ាងខ្លីថា «ព្រោះ​ខ្ញុំ​សក្ដិសមបំផុត»។ ក្រោយមកទៀត ទើបទស្សនិកជនយល់បានថា ថ្វីត្បិតតែរូបសម្រស់ធម្មតារបស់នាងសាមញ្ញក៏ពិតមែន ប៉ុន្តែនាងត្រូវបានមេធំៗប្រចាំ MGI ពេញចិត្ត ដោយសារតែនាងមានប្រវត្តិការងារជាអ្នករកស៊ីដ៏ជោគជ័យម្នាក់ដែរ។

ដោយឡែក ពាក់ព័ន្ធនឹងការផ្ទុះរឿងចម្រូងចម្រាសរវាងម្ចាស់ស្ថាប័ន​ MGC និងមេ MGI ដែលដកសិទ្ធកម្មវិធី រហូតបវរកញ្ញាគ្រប់ប្រទេសត្រូវហោះឡើងទៅថៃភ្លាមៗនោះ នាង ម៉ាលីន ឆារ៉ា អាណាន់ បានបញ្ឍេះកំហឹងប្រជាជនកម្ពុជាយ៉ាងខ្លាំង។ ក្នុងពេលដែលរូបនាងទៅដល់ប្រទេសកំណើតភ្លាម ស្រាប់តែសម្រកទឹកភ្នែកទួញសោក ហាក់បង្ហាញចេតនាថាប្រទេសកម្ពុជាមិនបានស្វាគមន៍និងមើលថែរនាងល្អឡើយ។ ទង្វើរបស់បវរកញ្ញារូបនេះបានបង្កឲ្យមហាជនខឹងសម្បារនិងឲ្យរហស្សនាមនាងថា រាជិនីពូកែដ្រាម៉ាលេខ១ថែមទៀតផង។

គួររម្លឹកដែរថា ម៉ាលីន ឆារ៉ា អាណាន់ ជា CEO នៃម៉ាកគ្រឿងសំអាងដ៏ល្បី KOL ក្នុងប្រទេសថៃ។ នាងក៏មានហាងកាហ្វេ, ស្ប៉ា ហាងកែសម្ផស្សព្រមទាំងមានទំព័រផ្ទាល់ខ្លួនដែលមានអ្នកតាមដានជាង ៤០ម៉ឺននាក់ថែមទៀតផង។ ជាមួយនឹងលក្ខណៈវិនិច្ឆ័យអាជីវកម្មរបស់ការប្រកួតប្រជែងកាន់តែខ្លាំង អ្នកគាំទ្រជឿថា ការឡើងគ្រងមកុដបស់ម៉ាលីន មិនគួរឲ្យភ្ញាក់ផ្អើលពេកនោះទេ. ក្នុងពេលដែលទស្សនិកជនអន្តរជាតិបានបញ្ចេញមតិចំៗថា លោកណាវ៉ាត់ជ្រើសរើសនាងជារាជនីសម្រស់ព្រោះនាងជាអ្នកមាន៕

អត្ថបទ៖ សាង ស្រីល័ក្ខ

ចុចអាន៖ផេកដ៏ល្បីមួយទស្សន៍ទាយថា​ បេក្ខភាពតំណាងទាំង១២រូបនឹងមានឱកាសឈ្នះមកុដ ខណៈគ្មានវៀតណាមនិងថៃទេ

The post ម៉ាលីនដែលយំយែកពេញព្រលានយន្តហោះ កាលគ្រងតំណែង Miss Grand ថៃ ត្រូវគេចោទថា សូកលុយទិញមកុដ appeared first on Kampuchea Thmey Daily.

អ្នកគ្រូហុងស៊ុយបែបវិទ្យាសាស្រ្ដតែម្នាក់ដែលបានក្លាយជាសមាជិកពេញសិទ្ធិរបស់ស្ថាប័នហុងស៊ុយពិភពលោក ណាលី បានស៊ែរវីដេអូ Miss Grand Thailand នាង Malin Chara-anan ស្រែកយំយែកនៅក្នុងព្រលានយន្តហោះ ក្រោយចាកចេញពីប្រទេសកម្ពុជា បន្ទាប់ពីមានរឿងចម្រូងចម្រាសរវាងខ្មែរនិងថៃ។ អ្នកគ្រូ ណាលី បានដាក់ចំៗថា “ពានរង្វាន់ មាយាដកខ្ញី” មួយមាត់យ៉ាងខ្លីនេះដូចបាននឹងបង្ហាញអំពីអត្តចរឹករបស់បវរកញ្ញាថៃរូបនេះ។

គួររំលឹកថា កាលពីថ្ងៃទី៧ ខែតុលា ឆ្នាំ២០២៤ ខាងស្ថាប័ន Miss Grand International បានដកសិទ្ធិធ្វើជាម្ចាស់ផ្ទះពីកម្ពុជាភ្លាម ក្រោមហេតុផលធ្វើការគ្មានស្ដង់ដាតាមកម្មវិធីដែលបង្កជារឿងចម្រូងចម្រាស៕

The post អ្នកគ្រូហុងស៊ុយ ណាលី ថាបវរកញ្ញាថៃសមបាន ពានរង្វាន់ មាយាដកខ្ញី appeared first on Kampuchea Thmey Daily.

អ្វីដែលកាន់តែចាប់អារម្មណ៍ខ្លាំងបំផុតនោះគឺ រាជិនីសម្រស់រូបនេះ ​មាន​កម្ពស់​ត្រឹមតែ ១.៦៥ ម៉ែត្រ​ប៉ុណ្ណោះ ដែល​ចាត់ទុកថា​ជា​កម្ពស់​ទាប​បំផុត​ក្នុង​ចំណោម​ម្ចាស់​មកុដ Miss Grand Thailand ពីមុន​។ លើសពីនេះ សម្រស់ Malin Chara Anan ក៏មិនលេចធ្លោខ្លាំងដែរ។ នាង​មាន​មុខ​មាត់ដូចមនុស្សស្រីទូទៅ គ្មានភាពលេចធ្លោចេញពីដងខ្លួន ហើយនាងក៏មានគុណវិបត្តិនៃការមានភ្នែកមិនស្មើគ្នាផងដែរ។

ដូច្នេះហើយ នៅពេលដែល ​Malin ឡើងទទួលមកុដ មានការចោទប្រកាន់ជាច្រើនថា នាងទទួលបានការពេញចិត្តពីលោក ណាវ៉ាត់ត្រា ដែលជាប្រធាន Miss Grand International ។ កន្លង​មក Malin ក៏​បាន​ឈ្នះ​ពាន​រង្វាន់​បន្ទាប់​បន្សំ​ដ៏​សំខាន់​មួយ​គឺ​ពាន​រង្វាន់ Boss Choice Awards ដែល​ជ្រើស​រើស​ដោយ​លោក ណាវ៉ាត់ផងដែរ។

ថ្វីបើយ៉ាងណាក៏ដោយ បន្ទាប់ពីប្រឈម​មុខ​នឹង​ការ​ចោទ​ប្រកាន់​ទាំង​នេះ Malin Chara Anan បានចេញមុខឆ្លើយ​តបដោយត្រង់នៅក្នុង​ការ​បង្ហោះ​ដំបូង​លើ​ទំព័រ​ផ្ទាល់​ខ្លួនថា៖ «ព្រោះ​ខ្ញុំ​សក្ដិសម»។ ក្រោយមកទៀត ទើបទស្សនិកជនបាននិយាយថា ថ្វីត្បិតតែរូបសម្រស់ធម្មតារបស់នាងសាមញ្ញក៏ពិតមែន ប៉ុន្តែ Malin ត្រូវបានលោក ណាវ៉ាត់ត្រា ពេញចិត្ត ដោយសារតែនាងមានប្រវត្តិសេដ្ឋកិច្ចគួរឲ្យចាប់អារម្មណ៍។

សូមជម្រាបជូនថា Malin Chara-anan មានអាយុ ២៧ ឆ្នាំ ជា CEO នៃម៉ាកគ្រឿងសំអាង និង KOL នៅលើបណ្តាញសង្គម។ នាងក៏មានហាងកាហ្វេ ស្ប៉ា ហាងកែសម្ផស្សព្រមទាំងមានទំព័រផ្ទាល់ខ្លួនដែលមានអ្នកតាមដានជាង ៤០ ម៉ឺននាក់ថែមទៀតផង។ ជាមួយនឹងលក្ខណៈវិនិច្ឆ័យអាជីវកម្មរបស់ការប្រកួតប្រជែងកាន់តែខ្លាំង អ្នកគាំទ្រជឿថា ការឡើងគ្រងមកុដបស់ Malin Chara-anan មិនគួរឲ្យភ្ញាក់ផ្អើលនោះទេ។ ក៏មានទស្សនិកជនជាច្រើនបានបញ្ចេញមតិចំៗថា លោក ណាវ៉ាត់ត្រា ជ្រើសរើសMalin ជារាជនីសម្រស់ ព្រោះនាងជាអ្នកមាន៕

អត្ថបទ៖​ សាង ​ស្រីល័ក្ខ

ចុចអាន៖គ្រងឈុតអប្សរាលើទឹកដី កម្ពុជា ម្ចាស់មកុដ MU ទទួលការសរសើរយ៉ាងគគ្រឹកគគ្រេង

The post Miss Grand ថៃ ឆ្នាំ២០២៤ ​ប្រតិកម្ម​តបវិញ​​ ក្រោយគេចោទ​ថា​ទិញមកុដ appeared first on Kampuchea Thmey Daily.

នៅលើប្រព័ន្ធផ្សព្វផ្សាយសង្គម​ មហាជនថៃជាច្រើននាក់បានសម្រុកចែកចាយនិងបង្កើតខ្លឹមសារដែលនាងប្រមាថព្រះពុទ្ធសាសនា រហូត​ក្លាយ​ជា​រឿង​ក្ដៅ​គគុក ដោយម្នាក់ៗបានលើក​ឡើង​ឈ្មោះ​ខេត្ត​​ ខណៈដែលម្ចាស់មកុដ Miss Grand Roi Et 2024 ថតវីដេអូលើកដៃសុំទោសសង្គម ក្រោយនាងព្រហើនហ៊ាន​ស្លៀកពាក់​ជា​ព្រះសង្ឃ​ទៅ​ចូលរួម​ពិធី​ខួបកំណើត​របស់អតីតម្ចាស់មកុដ ​Engfa Waraha។

ត្រលប់ទៅថ្ងៃទី ១៨ ខែកុម្ភៈឆ្នាំ ២០២៤ ទំព័រហ្វេសប៊ុក Busy x Beauty Queen បានបង្ហោះរូបភាពរបស់​នាងស្លៀកស្បង់ជីពរដែលមានពណ៌ស្រដៀងនឹងព្រះសង្ឃ ទន្ទឹមនឹងនេះនៅក្នុងដៃរបស់នាងធ្វើកាយវិការសូត្រធម៌ហើយព្រមតាំងបញ្ចេញខេបសិនថា “ស្លៀក​វា​ហើយ​មាន​កម្លាំងព្រើស Miss Grand Roi Et ចូលរួមកម្មវិធីខួបកំណើត Engfa”។

ទោះយ៉ាងណាក៏ដោយ បន្ទាប់​ពី​រូប​ភាពប៉ុន្មានសន្លឹក​និងឃ្លិបវីដេអូ​ត្រូវ​បាន​គេ​បញ្ចេញ​ជាសាធារណៈ នាងបែរជាត្រូវគេ​រិះគន់​យ៉ាង​ខ្លាំង​ចំពោះ​អាកប្បកិរិយា​របស់នាង ដែល​ភាគ​ច្រើន​ចាត់​ទុក​ថា​ជា​រឿង​មិន​ស័ក្តិសម​ជា​ខ្លាំង។ បើ​ទោះ​ជា​ធ្វើ​ដោយ​គ្មាន​កំហុស ប៉ុន្តែ​ត្រូវ​បាន​គេ​ចាត់​ទុក​ថា​ ជា​ការ​ប្រមាថ​ព្រះ​ពុទ្ធ​សាសនា​ដែល​ប្រជាជន​ថៃ​ភាគ​ច្រើន​បានគោរពយ៉ាងច្រើនលើសលប់។

ដោយឡែក កាលពីទី២២ ខែកុម្ភៈ Tik Tok channel ch7hd_news បានបង្ហាញឃ្លិបមួយរបស់នាងបានធ្វើការសុំទោសយ៉ាងជ្រាលជ្រៅ ចំពោះបងប្អូនប្រុសស្រីនៅខេត្ត Roi Et និងមហាជនផ្សេងទៀត ចំពោះ​អំពើ​ខុស​ឆ្គង​ដែល​នាំ​ឲ្យ​ខូច​កេរ្តិ៍ឈ្មោះ និងការមិនពេញចិត្តចំពោះមនុស្សគ្រប់គ្នា។ ទោះ​បី​ជា​យ៉ាង​ណា នាងបានសុំ​ឲ្យរឿង​នេះ​ជា​ករណី​សិក្សា​សម្រាប់​នាង សម្រាប់ការប្រើប្រាស់ការគិត និងការវិនិច្ឆ័យក្នុងការបង្កើតមាតិកាបន្ថែមទៀតនាពេលអនាគផងដែរ។

នៅចុងបញ្ចប់នៃឃ្លិប បវរកញ្ញារូបនេះសុំទោសមនុស្សចាស់ព្រឹត្តិចារ្យ ហើយចង់ទទួលយកការបង្រៀន ការព្រមានពីមនុស្សគ្រប់គ្នា ព្រោះ​​នាង​មាន​បំណង​ចូល​រួម​ប្រកួត​ប្រជែង​ក្នុង​កម្មវិធី Miss Grand មានការតាំងចិត្តខ្ពស់ក្នុងការកសាងកេរ្តិ៍ឈ្មោះ ជូនប្រជាពលរដ្ឋក្នុងខេត្ត Roi Et ហើយខ្លួន​សន្យា​ថា​​ រឿង​បែប​នេះ​នឹង​មិន​កើត​ឡើង​ជាថ្មីម្ដងទៀត​ទេ៕

អត្ថបទ៖ សាង ស្រីល័ក្ខ

ចុចអាន៖​អតីតម្ចាស់មកុដ Thuy Tien ព្រលយថា ចង់​រៀប​ការ​ ក្រោយ​​ឃើញ​​មិត្តសំឡាញ់មានសុភមង្គល

The post Miss Grand ខេត្ត Roi Et ត្រូវប្រជាជនថៃជេរព្រាត ក្រោយស្លៀកស្បង់លោក ទៅខួបកំណើត Engfa appeared first on Kampuchea Thmey Daily.

តាមរយៈបណ្ដាញសង្គម ​Instagram របស់តារាស្រីរូបនេះបានបង្ហោះនូវរូបភាពប៉ុន្មានសន្លឹកពីសកម្មភាពរបស់នាងធ្វើដំណើរទៅកាន់ប៉ុស្តិ៍ប៉ូលីស Wang Thonglang ដោយខ្លួនឯងដើម្បីរាយការណ៍ទៅប៉ូលិស បន្ទាប់ពីត្រូវបានអ្នកលេងអ៊ីនធឺណេតបង្ហោះនៅលើបណ្តាញសង្គមក្នុងន័យបំផ្លាញកេរ្តិ៍ឈ្មោះរបស់នាង ជាពិសេសនឹងចាត់វិធានការជាអតិបរមាលើអ្នកទាំងនោះជាដាច់ខាត។

ជាមួយគ្នានោះដែរ អតីតបវកញ្ញាស្រីរូបនេះបានសរសេរច្បាស់ៗលើបណ្ដាញសង្គមផ្ទាល់ខ្លួនថា “សូមការពារខ្លួនអ្នក! ថ្ងៃនេះ ខ្ញុំបានចូលក្នុងកំណត់ហេតុប្រចាំថ្ងៃ ហើយបានប្តឹងពីបទបង្ហោះក្នុងលក្ខណៈបង្ខូចកេរ្តិ៍ឈ្មោះ។ ការផ្សាយពាណិជ្ជកម្មបង្កការខូចខាតដល់ជនរងគ្រោះ និងធ្វើឲ្យខូចកេរ្តិ៍ឈ្មោះ”។

លើសពីនេះ Charlotte​ បានបង្ហាញបន្ថែមទៀតថា “លើកនេះ គណនីសរុបចំនួន ៥ ត្រូវបានរាយការណ៍។ ត្រៀម​សារភាពថា​នរណា​ធ្វើ​រឿងទាំងនេះ? សូម​ឈប់ភ្លាម! ព្រោះវាមិនមានលទ្ធផលល្អ ឬផ្ញើអត្ថប្រយោជន៍ណាមួយទៅនរណាម្នាក់”។

យ៉ាងណាក៏ដោយ នេះមិនមែនជារឿងថ្មីទេនៅពេលដែលបេក្ខភាពលំដាប់រងទី៥ក្នុងកម្មវិធី Miss Grand Thailand 2022 Charlotte ទទួលរងនូវការប្រមាថកាតទានលើសពីការពិត ពីបណ្ដាក្រុមអ្នកលេងអ់ីនធើណេតមិនស្គាល់មុខ។ រហូតដល់ពេលនេះ នាងទ្រាំលែងបាននឹងការនិយាយបរិហារកេរ្តិ៍គ្មានព័ស្តុតាង ទើបសម្រេចចិត្តទៅកាន់ប៉ុស្តិ៍ប៉ូលីសដាក់ពាក្យប្ដឹងតែម្ដង៕

អត្ថបទ៖ សាង ស្រីល័ក្ខ

ចុចអាន៖តារាថៃ Pim រៀបរាប់​រឿងហេតុទាំង​ទឹកភ្នែក ក្រោយជួបហេតុការណ៍មិននឹកស្មានដល់នៅរុស្ស៊ី

The post បវកញ្ញា Charlotte ដាក់ពាក្យប្ដឹងអ្នកពូកែបរិហារកេរ្តិ៍លើនាងឥតព័ស្តុតាង appeared first on Kampuchea Thmey Daily.

យ៉ាងណាមិញ​ មានការជជែកវែកញែកលើបណ្ដាញសង្គម​ក្នុងប្រទេសថៃ​នាពេលបច្ចុប្បន្ន​នេះ​ថា តើ​គួរ​តែ​ទៅ​ថ្វាយបង្គំ គ្រូគ្រូកៃកែវ ឬអត់ ស្របពេល​ដែលអ្នក​មាន​ជំនឿ​បាន​នាំគ្នា​ទៅ​គោរព​ រូបចម្លាក់មួយនេះ​នៅសណ្ឋាគារ The Bazaar Ratchadaphisek ហើយ​គេជឿថា​ ជាព្រះនៃសំណាង ជួយ​ជំរុញ​ជោគជ័យ​ក្នុង​អាជីព ពាណិជ្ជកម្ម​កាន់តែ​រីកចម្រើន​ខ្លាំង​ឡើងៗ។

ប៉ុន្តែតាមទស្សនៈផ្សេង​ទៀត មនុស្សជាច្រើន​ភ្ញាក់ផ្អើល​ជាមួយនឹងរូបរាងដ៏គួរ​ឲ្យ​ភ័យខ្លាច​​ ​ក្នុងពេល​ពិធី​ថ្វាយ​បង្គំ​ថ្ងៃដំបូង មេឃស្រាប់តែ​ភ្លៀង ខ្យល់​បក់​មក​យ៉ាង​ខ្លាំង ​រហូត​ដល់​បង្គោល​ភ្លើង​បាក់ចុះមក។

លើសពីនេះទៀតដែរ អ្នកដែលមានជំនឿងុបងុលខ្លាំង បាននាំយកសត្វចិញ្ចឹមទៅបូជាសម្រាប់គ្រូកៃកែវ បង្កឲ្យមានការមិនពេញចិត្តពីក្រុមអ្នកស្រលាញ់សត្វ។ ហើយវា​បានក្លាយជាប្រធានបទនៃការពិភាក្សា និងការយល់ឃើញ​ផ្សេងៗគ្នានៅក្នុង​បណ្ដាញ​អ៊ីនធឺណិត​។

យ៉ាងណាមិញ​ ដោយសារតែ​និន្នាការ​អបិយជំនឿដោយគ្មានការពិចារណា​របស់​ប្រជាជនថៃមួយចំនួន​ធំ ​ធ្វើឲ្យលោក Nawat មិនបាននៅស្ងៀមឡើយ។ ដើម្បីទប់ស្កាត់​បញ្ហាកើតឡើង លោកបានចេញសារព្រមានដល់អ្នកដែលមកប្រកួតក្នុងកម្មវិធី​ Miss Grand លើ Instagram ផ្ទាល់ខ្លួនថា “Miss Grand Thailand និង​អ្នក​ដែល​ត្រៀម​ចូល​ប្រលង​ទាំង​អស់ ​សុំ​ការ​សហការ​កុំ​ឲ្យ​លូក​ដៃ​ចូល​គោរព​សាសនាគ្រូកៃកែវ ក្នុង​ករណី​ណា​មួយក៏ដោយ”។

ទោះយ៉ាង​ណា បញ្ចា​ដាក់​ញាតិ​និងដាច់អហង្ការ​ពី​សំណាក​ថៅកែ Miss Grand រូបនេះ​ ក៏ធ្វើឲ្យ​មហាជន​ភ្ញាក់ផ្អើល​មិនតិចនាក់ដែរ។ ក្នុងនោះមានទាំង​មតិ​គាំទ្រ​និង​មិន​គាំទ្រ​ដោយ​ថា​​នេះ​ជា​សិទ្ធ​បុគ្គល​ប៉ុណ្ណោះ!​ ប៉ុន្តែនៅ​តែមាន​អ្នក​បញ្ចេញ​មតិ​មិន​ចង់​ឲ្យ​ពាក់ព័ន្ធ​នឹង​ជំនឿ​ហួសហេតុ​ពេក ប្រសិនបើពួកនាងជាមនុស្សរបស់មហាជន៕

ប្រែសម្រួល៖ សាង ស្រីល័ក្ខ

ចុចអាន៖អ្នកយកសត្វចិញ្ចឹមទៅបូជាឲ្យរូបចម្លាក់នៅថៃ ប្រឈមមុខចំពោះការកាត់ទោស

The post ស្ថាបនិក Miss Grand ព្រមានដល់បវរកញ្ញាមកប្រលង កុំថ្វាយបង្គំឬគោរពលើរូបចម្លាក់គ្រូកៃកែវ appeared first on Kampuchea Thmey Daily.