ជីវិតកម្សាន្ដ

Miss Grand ខេត្ត Roi Et ត្រូវប្រជាជនថៃជេរព្រាត ក្រោយស្លៀកស្បង់លោក ទៅខួបកំណើត Engfa

បានផុស

១ year មុន

នៅ

ថ្ងៃសៅរ៍ ២៤ កុម្ភៈ ២០២៤

ដោយ

Miss Grand ខេត្ត Roi Et ប្រចាំឆ្នាំ២០២៤ ដោយសារតែចង់ប្លែកពីគេ ទើបរូបនាងបានស្លៀកពាក់ជាព្រះសង្ឃដើម្បីចូលរួមក្នុងកម្មវិធីខួបកំណើតរបស់បវរកញ្ញា Engfa Waraha ប៉ុន្តែនាងបែរជាទទួលរងនូវការជេរនិងសន្ដីបន្ទោស ពីសំណាក់មហាជនថៃ ដែលរូបនាងហ៊ានប្រមាថព្រះពុទ្ធសាសនាដែលគេគោរព។

នៅលើប្រព័ន្ធផ្សព្វផ្សាយសង្គម មហាជនថៃជាច្រើននាក់បានសម្រុកចែកចាយនិងបង្កើតខ្លឹមសារដែលនាងប្រមាថព្រះពុទ្ធសាសនា រហូតក្លាយជារឿងក្ដៅគគុក ដោយម្នាក់ៗបានលើកឡើងឈ្មោះខេត្ត ខណៈដែលម្ចាស់មកុដ Miss Grand Roi Et 2024 ថតវីដេអូលើកដៃសុំទោសសង្គម ក្រោយនាងព្រហើនហ៊ានស្លៀកពាក់ជាព្រះសង្ឃទៅចូលរួមពិធីខួបកំណើតរបស់អតីតម្ចាស់មកុដ Engfa Waraha។

ត្រលប់ទៅថ្ងៃទី ១៨ ខែកុម្ភៈឆ្នាំ ២០២៤ ទំព័រហ្វេសប៊ុក Busy x Beauty Queen បានបង្ហោះរូបភាពរបស់នាងស្លៀកស្បង់ជីពរដែលមានពណ៌ស្រដៀងនឹងព្រះសង្ឃ ទន្ទឹមនឹងនេះនៅក្នុងដៃរបស់នាងធ្វើកាយវិការសូត្រធម៌ហើយព្រមតាំងបញ្ចេញខេបសិនថា “ស្លៀកវាហើយមានកម្លាំងព្រើស Miss Grand Roi Et ចូលរួមកម្មវិធីខួបកំណើត Engfa”។

ទោះយ៉ាងណាក៏ដោយ បន្ទាប់ពីរូបភាពប៉ុន្មានសន្លឹកនិងឃ្លិបវីដេអូត្រូវបានគេបញ្ចេញជាសាធារណៈ នាងបែរជាត្រូវគេរិះគន់យ៉ាងខ្លាំងចំពោះអាកប្បកិរិយារបស់នាង ដែលភាគច្រើនចាត់ទុកថាជារឿងមិនស័ក្តិសមជាខ្លាំង។ បើទោះជាធ្វើដោយគ្មានកំហុស ប៉ុន្តែត្រូវបានគេចាត់ទុកថា ជាការប្រមាថព្រះពុទ្ធសាសនាដែលប្រជាជនថៃភាគច្រើនបានគោរពយ៉ាងច្រើនលើសលប់។

ដោយឡែក កាលពីទី២២ ខែកុម្ភៈ Tik Tok channel ch7hd_news បានបង្ហាញឃ្លិបមួយរបស់នាងបានធ្វើការសុំទោសយ៉ាងជ្រាលជ្រៅ ចំពោះបងប្អូនប្រុសស្រីនៅខេត្ត Roi Et និងមហាជនផ្សេងទៀត ចំពោះអំពើខុសឆ្គងដែលនាំឲ្យខូចកេរ្តិ៍ឈ្មោះ និងការមិនពេញចិត្តចំពោះមនុស្សគ្រប់គ្នា។ ទោះបីជាយ៉ាងណា នាងបានសុំឲ្យរឿងនេះជាករណីសិក្សាសម្រាប់នាង សម្រាប់ការប្រើប្រាស់ការគិត និងការវិនិច្ឆ័យក្នុងការបង្កើតមាតិកាបន្ថែមទៀតនាពេលអនាគផងដែរ។

នៅចុងបញ្ចប់នៃឃ្លិប បវរកញ្ញារូបនេះសុំទោសមនុស្សចាស់ព្រឹត្តិចារ្យ ហើយចង់ទទួលយកការបង្រៀន ការព្រមានពីមនុស្សគ្រប់គ្នា ព្រោះនាងមានបំណងចូលរួមប្រកួតប្រជែងក្នុងកម្មវិធី Miss Grand មានការតាំងចិត្តខ្ពស់ក្នុងការកសាងកេរ្តិ៍ឈ្មោះ ជូនប្រជាពលរដ្ឋក្នុងខេត្ត Roi Et ហើយខ្លួនសន្យាថា រឿងបែបនេះនឹងមិនកើតឡើងជាថ្មីម្ដងទៀតទេ៕

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

@ch7hd_news
#มิสแกรนด์ร้อยเอ็ด2024 ขอโทษ กรณีดรามาแต่งกายคล้าย #พระ ร่วมงานวันเกิด #อิงฟ้าวราหะ สัญญาจะไม่ทำแบบนี้อีก #Ch7HDNews #ข่าวออนไลน์7HD #ข่าวTikTok
♬ เสียงต้นฉบับ – Ch7HD News – Ch7HD News

អត្ថបទ៖ សាង ស្រីល័ក្ខ

ចុចអាន៖អតីតម្ចាស់មកុដ Thuy Tien ព្រលយថា ចង់រៀបការ ក្រោយឃើញមិត្តសំឡាញ់មានសុភមង្គល