Miss World Cambodia Archives - Kampuchea Thmey Daily

ខន សូរិយា ទទួលយកការរិះគន់ ហើយសន្យា ២ខែទៀត នឹងធ្វើឱ្យគ្រប់យ៉ាងល្អឥខ្ចោះ

Chan Sotheavy — Tue, 11 Nov 2025 03:51:42 +0000

ថ្វីដ្បិតថ្មីៗនេះ ត្រូវបានទស្សនិកជនធ្វើការរិះគន់ជាច្រើនជុំវិញការឆ្លើយសំំណួររអាក់រអួនដូចស្លាក់ឆ្អឹងត្រី ឬអួលបាយ ប៉ុន្តែតារាសម្តែងកញ្ញា ខន សូរិយា ហាក់មិនមានប្រតិកម្មច្រឡោតខឹងទៅកាន់អ្នកគាំទ្រវិញឡើយ ផ្ទុយទៅវិញខ្លួនថែមទាំងបានសន្យាថា ២ខែទៀត នឹងធ្វើឱ្យគ្រប់យ៉ាងល្អឥខ្ចោះ។

កាលពីថ្មីៗកន្លងទៅអ្នកគាំទ្រនិងនិយមតាមដានវិស័យដើរម៉ូដនៅកម្ពុជា មានការចាប់អារម្មណ៍ ខណ:ស្ងាត់ៗស្រាប់តែតារាសម្តែងកញ្ញា ខន សូរិយា គឺត្រូវបានប្រកាដតែងតាំងក្លាយជាម្ចាស់មកុដ Miss World Cambodia 2026 ត្រៀមតំណាងកម្ពុជាចេញទៅប្រកួតលើឆាកអន្តរជាតិនាពេលខាងមុខ។

ទន្ទឹមគ្នានេះ អ្វីដែលធ្វើឱ្យមហាជនចាប់អារម្មណ៍ថែមទៀតគឺថ្មីៗនេះស្រីស្អាត ខន សូរិយា បែរជារងការរិះគន់យ៉ាងខ្លាំងពីអ្នកគាំទ្រព្រោះនាងឆ្លើយសំណួរហាក់មិនសូវបានល្អដែលធ្វើឱ្យអ្នកប្រើប្រាស់លើបណ្តាញសង្គម ហាក់មានការអស់សង្ឃឹម ខណ:មានការលើកឡើងថា នាងឆ្លើយរអាក់រអួលដូចអួលបាយ និងខ្លះទៀតថា ដូចស្លាក់ឆ្អឹងត្រីជាដើម។

ជាឆ្លើយតបនឹងការរិះគន់នេះ ខន សូរិយា បានទទួលស្គាល់ការរិះគន់ និងយកការរិះគន់មកហ្វឹកហាត់ខ្លួនឯងវិញ ហើយវាក៏មិនបានធ្វើឱ្យប៉ះពាល់ផ្លូវចិត្តនាងដែរ។ ចរិយា បាននិយាយថានាងពិតជាខ្វះខាតទៅលើពីរចំណុចគឺ Catwalk ឬ ការដើរបង្ហាញម៉ូដនិងការឆ្លើយសំណួរ។ នាងអះអាងថា អំឡុងពេល២ខែទៀតខ្លួននឹងធ្វើឱ្យគ្រប់យ៉ាងល្អឥតខ្ចោះមិនរអាក់រអួលទៀតឡើយ។

បវរកញ្ញាពិភពលោកកម្ពុជាឆ្នាំ២០២៦ កញ្ញា សូរិយា បានបញ្ចប់ការសិក្សា នៅសកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ចផ្នែកច្បាប់។ បច្ចុប្បន្ននេះ នាងគឺជាតារាភាពយន្ត, Influencer និងជាអ្នកបង្កើតមាតិកាលើបណ្តាញសង្គម។ កាលពីដើមឆ្នាំ២០២៥ កន្លងទៅ ខន សូរិយា ធ្លាប់បង្ហាញវត្តមានជាបេបក្ខភាពក្នុងកម្មវិធីប្រកួតសម្រស់ Miss Cosmo Cambodia 2025 ប៉ុន្តែក្រោយមកនាងក៏បានដកខ្លួនពីការប្រកួតវិញ៕ ចាន់រ៉ា

The post ខន សូរិយា ទទួលយកការរិះគន់ ហើយសន្យា ២ខែទៀត នឹងធ្វើឱ្យគ្រប់យ៉ាងល្អឥខ្ចោះ appeared first on Kampuchea Thmey Daily.

ស្ងាត់ៗ តារាស្ពតពាណិជ្ជកម្ម ខន សូរិយា ក្លាយជាម្ចាស់មកុដ Miss World Cambodia 2026

Chan Sotheavy — Mon, 20 Oct 2025 08:29:35 +0000

អ្នកគាំទ្រ និងនិយមតាមដានវិស័យដើរម៉ូដនៅកម្ពុជា មានការចាប់អារម្មណ៍ ខណ:ស្ងាត់ៗស្រាប់តែតារាសម្តែងកញ្ញា ខន សូរិយា ក្លាយជាម្ចាស់មកុដ Miss World Cambodia 2026 ។

ស្របពេលដែលដំណឹងនេះគឺត្រូវបានប្រកាសដោយស្ថាប័ន Miss World Cambodia បង្ហាញពីម្ចាស់មកុដថ្មីជាផ្លូវការនេះដែរ បានធ្វើឲ្យមហាជនអ្នកគាំទ្របានចូលរួមអបអរ និងផ្តល់ជាកម្លាំងចិត្ត ពិសេសគឺបង្ហាញការពេញចិត្តគាំដោយមើលឃើសមត្ថភាពណេះដឹងព្រមទាំងរូបសម្រស់របស់ ខន សូរិយា ទៀតផង ខណ:សាមុីខ្លួនក៏ពេញចិត្តខ្លាំងចំពោះតំណែងមួយនេះដូចគ្នា។

ស្ថាប័ន Miss World Cambodia បានឱ្យដឹងថា ខន បន្ទាប់ពីត្រូវបានប្រកាសជ្រើសរើសយក្លាយជាបវរកញ្ញាម្ចាស់មកុដថ្មី Miss World Cambodia 2026 នាងនឹងត្រៀមខ្លួនតំណាងកម្ពុជាចូលរួមប្រកួតលើឆាកអន្តរជាតិ Miss World 2026 នាពេលខាងមុខ។ យ៉ាងណា ក៏មានការជូនពរឲ្យតារាស្រីរូបនេះជោគជ័យនៅលើឆាកអន្តរជាតិផងដែរ។

បវរកញ្ញាពិភពលោកកម្ពុជា ឆ្នាំ២០២៦ កញ្ញា សូរិយា បានបញ្ចប់ការសិក្សា នៅសកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ចផ្នែកច្បាប់។ បច្ចុប្បន្ននេះ នាងគឺជាតារាភាពយន្ត Influencer និងជាអ្នកបង្កើតមាតិកាលើបណ្តាញសង្គម។ កាលពីដើមឆ្នាំ២០២៥ កន្លងទៅ ខន សូរិយា ធ្លាប់បង្ហាញវត្តមានជាបេបក្ខភាពក្នុងកម្មវិធីប្រកួតសម្រស់ Miss Cosmo Cambodia 2025 ប៉ុន្តែក្រោយមកនាងក៏បានដកខ្លួនពីការប្រកួតវិញ៕ ចាន់រ៉ា

The post ស្ងាត់ៗ តារាស្ពតពាណិជ្ជកម្ម ខន សូរិយា ក្លាយជាម្ចាស់មកុដ Miss World Cambodia 2026 appeared first on Kampuchea Thmey Daily.

អបអរសាទរ! កញ្ញា តេង ស្រីពេជ្រ ម្ចាស់មកុដថ្មី Miss World Cambodia ២០២២

Sorn Phanith — Fri, 08 Jul 2022 07:38:53 +0000

ឆ្លងកាត់ការប្រកួតយ៉ាងស្វិតស្វាញ និងវគ្គជម្រុះជាច្រើនខែកន្លងមកនោះ ទីបំផុតបានរកឃើញម្ចាស់មកុដ Miss World Cambodia២០២២ ហើយ គឺបានទៅលើកញ្ញា តេង ស្រីពេជ្រ ពាក់ស្លាកសម្គាល់លេខ ៧ មកពីខេត្តបន្ទាយមានជ័យ។

សម្រាប់ការប្រឡងវគ្គផ្តាច់ព្រ័ត្ត Miss World Cambodia២០២២ នេះដែរ គឺបានធ្វើការផ្សាយផ្ទាល់នៅលើស្ថានីយទូរទស្សន៍បាយ័នកាលពីរាត្រីថ្ងៃទី ០៧ ខែកក្កដា ឆ្នាំ ២០២២ ។ បេក្ខនារីម្ចាស់មកុដMiss World Cambodia២០២២ ដែលបានទៅលើកញ្ញា តេង ស្រីពេជ្រ នេះត្រូវបានទស្សនិកជនកត់សម្គាល់ឃើញថា មានភាពលេចធ្លោទាំងរូបសម្ផស្ស និងចំណេះដឹងដែលអាចធ្វើបានល្អរហូតដណ្ដើមបានមកុដខាងលើ។

យ៉ាងណាមិញក្រៅពីកញ្ញា តេង ស្រីពេជ្រ បានគ្រងមកុដ Miss World Cambodia២០២២ នោះក៏នៅមានបេក្ខនារី ដែលទទួលជយលាភីរងទី ១ គឺបានទៅលើកញ្ញា វុន ស្រីនិច ដែលជាបេក្ខភាពពាក់ស្លាកលេខ ១០ មកពីរាជធានីភ្នំពេញ រីឯជយលាភីលំដាប់រងទី ២ គឺបានទៅលើកញ្ញា ឈាង លីនដា ពាក់ស្លាកលេខ ១៥ មកពីខេត្តកណ្ដាល។

សូមបញ្ជាក់ដែរថាសម្រាប់ម្ចាស់មកុដកញ្ញា តេង ស្រី ពេជ្រ គឺនឹងត្រូវតំណាងឱ្យប្រទេសកម្ពុជាចូលរួមប្រកួតកម្មវិធី Miss World ២០២៣ លើឆាកអន្តរជាតិជាមួយបណ្តាប្រទេសជាច្រើនទៀតមកពីជុំវិញពិភពលោកនាពេលខាងមុខផងដែរ៕

អត្ថបទ៖ ចាន់រ៉ា

The post អបអរសាទរ! កញ្ញា តេង ស្រីពេជ្រ ម្ចាស់មកុដថ្មី Miss World Cambodia ២០២២ appeared first on Kampuchea Thmey Daily.

ដល់វគ្គផ្ដាច់ព្រ័ត្រថ្ងៃនេះ កម្មវិធី Miss World 2021 ស្រាប់តែប្រកាសផ្អាកយ៉ាងទាន់ហន់

Sonya — Fri, 17 Dec 2021 03:02:50 +0000

ប្រភពពី ហ្វេសប៊ុកផេក ផ្លូវការ របស់កម្មវិធីប្រកួតបវរកញ្ញា Miss World 2021 កាលពីប៉ុន្មានម៉ោងមុននេះ បានចេញសេចក្ដីប្រកាសផ្អាកការប្រកួតវគ្គផ្ដាច់ព្រ័ត្រជាបណ្ដោះអាសន្ន ដែលនឹងប្រារព្ធធ្វើនៅប្រទេស ព័រតូរីកូ ក្នុងថ្ងៃទី ១៧ ខែធ្នូ ឆ្នាំ ២០២១ នេះ ដើម្បីរក្សាសុវត្ថិភាពសុខភាពរបស់បេក្ខភាពប្រកួត បុគ្គលិក ក្រុមការងារ និងសាធារណេជនទូទៅដែលពាក់ព័ន្ធ។

ដោយឡែក ការប្រកួតវគ្គផ្ដាច់ព្រ័ត្រនៃកម្មវិធី Miss World 2021 នឹងសម្រេចធ្វើឡើងជាថ្មីនៅប្រទេស ព័រតូរីកូ ដដែល ប៉ុន្តែក្នុងរយៈពេល ៩០ ថ្ងៃខាងមុខ។ ចំណែកបេក្ខភាពបវរកញ្ញាទាំងអស់ ត្រូវបានអនុញ្ញាតឱ្យត្រឡប់ទៅមាតុភូមិរបស់ខ្លួនវិញ។

ប្រភពដដែលបន្តថា ការសម្រេចចិត្តផ្អាកការប្រកួតកម្មវិធីដ៏ធំមួយនេះ គឺធ្វើឡើងក្រោយរកឃើញករណីឆ្លងវីរុសកូវីដ-១៩ លើបេក្ខភាព និងក្រុមការងារ Miss World ជាបន្តបន្ទាប់ ហើយក្រោយការប្រឹក្សាគ្នាជាមួយមន្ត្រីខាងសុខាភិបាល ខាងគណៈកម្មការរៀបចំកម្មវិធីសម្រេចពន្យារពេលប្រកួតតែម្ដង៕

ប្រែសម្រួល៖ សន្យា

ចុចអាន៖ តារាចម្រៀងនិងសម្តែងម៉ិកស៊ិកម្នាក់ត្រូវគេបាញ់សម្លាប់ពេលកំពុងចាំកូន

ចុចអាន៖ ហេតុផលមួយចំនួន ធ្វើឲ្យអ្នកគាំទ្រជឿជាក់ថា ប៊ី សុធារី អាចចូលTOP ឬយកជ័យជម្នះនៅ Miss Charm ២០២១

The post ដល់វគ្គផ្ដាច់ព្រ័ត្រថ្ងៃនេះ កម្មវិធី Miss World 2021 ស្រាប់តែប្រកាសផ្អាកយ៉ាងទាន់ហន់ appeared first on Kampuchea Thmey Daily.

មកដឹងពីអត្ថន័យនៃឈុត«យក្សរាមសូរ»ដែលបវរកញ្ញាកម្ពុជា ត្រៀមប្រកួត Miss World

Sorn Phanith — Thu, 09 Dec 2021 02:33:24 +0000

គ្រាន់តែឈុតតំណាងជាតិចេញជាផ្លូវការភ្លាម ធ្វើឲ្យផ្ទុះការចាប់អារម្មណ៍ពីអ្នកគ្រាំទ្របវរកញ្ញា ភុំ សោភ័ណ្ឌ ដែលត្រៀមប្រកួតMiss World ២០២១ ថាវាពិតជាស្រស់ស្អាត និងសាកសមជាមួយនាង មិនត្រឹមតែមានភាពស្រស់ស្អាតនោះទេ ថែមទាំងបង្កប់នៅអត្ថន័យល្អថែមទៀតផង។

បវរកញ្ញាតំណាងឲ្យកម្ពុជាកញ្ញា ភុំ សោភ័ណ្ឌ គិតមកដល់ពេលនេះមានរយៈពេលមួយសប្តាហ៍ ដែលនាងបានធ្វើដំណើរចាកចេញពីប្រទេសកំណើត ដើម្បីចូលរួមប្រកួតក្នុងកម្មវិធី Miss Word 2021លើកទី ៧០ នៅទីក្រុងSan Juan ប្រទេសព័រ តូរីកូ។ គេកត់សម្គាល់ថា ដំណើរឆ្លងទ្វីបរបស់កញ្ញា ភុំ សោ ភ័ណ្ឌ ដែលជាម្ចាស់មកុដ Miss World Cambodia 2020 ដើម្បីទៅចូលរួមការប្រកួតនៅលើឆាកអន្ត រជាតិកាលពីថ្មីៗកន្លងទៅក៏ទទួលបានការគាំទ្រនិងលើកទឹកចិត្តពីមហាជនជាច្រើន ខណៈដែលនាងគឺជាបេក្ខភាពបវរកញ្ញាពិភពលោករបស់កម្ពុជាដែលមានរូបសម្រស់ដ៏ស្រស់ស្អា តនិងទាក់ទាញទៀតផង។

ស្របពេលជាមួយគ្នានេះដែរ ឈុតតំណាងជាតិដែលច្នៃឲ្យកញ្ញា ភុំ សោភ័ណ្ឌ ម្ចាស់មកុដ Miss World Cambodia2020 ក៏បានរំលេចចេញជារូបរាងហើយ ខណៈឈុតនេះកំពុងទទួលបានការគាំទ្រ និងសរសើរពីមហាជនព្រមទាំងអ្នកប្រើប្រាស់បណ្តាញសង្គមហ្វេសប៊ុកជាច្រើន។ ចំពោះឈុតផ្លូវការដែលបវរកញ្ញារបស់កម្ពុជាកញ្ញា ភុំ សោភ័ណ្ឌ ត្រៀមបង្ហាញនៅលើឆាកអន្តរជាតិនាប្រទេសព័រតូរីកូមានឈ្មោះថា «យក្សរាមសូរ» ដែលបានរចនាម៉ូដសម្រិតសម្រាំងយ៉ាងល្អប្រណីត ដើម្បីត្រៀមបង្អួតលើឆាកអន្តរជាតិនាពេលឆាប់ៗនេះ។

ជាក់ស្តែងមុននេះ គេបានឃើញអ្នកច្នៃម៉ូដនៃឈុតតំណាងជាតិឲ្យកញ្ញា ភុំ សោភ័ណ្ឌ ក៏បានទម្លាយចេញនូវអត្ថន័យដ៏ស៊ីជម្រៅរបស់ឈុតតំណាងជាតិឈ្មោះថា«យក្សរាមសូរ»ផងដែរ។ អ្នកច្នៃម៉ូដលោក សួន តាមីង បានរៀបរាប់ថា តោះមកអានអត្ថន័យ ឈុត «យក្សរាមសូរ» បន្តិចសិន! រៀបចំរចនាច្នៃ និងដំឡើងដោយខ្ញុំបាទលោក សួន តាមីង(ក្រុមរបាំខ្មែរ)គូររូបដោយលោក ឡាយ សេងលី។

រាមសូរ តួអង្គមួយស្ថិតក្នុងកម្រងអក្សរសិល្ប៍ប្រជាប្រិយខ្មែរ ឬរឿងព្រេងនិទានខ្មែរ ដែលបង្ហាញនូវប្រភពដើមកំណើត ផ្លេកបន្ទោរ ផ្គរ និងរន្ទះ។ រឿងនិទាននេះ ត្រូវបានបុព្វបុរសខ្មែរចងក្រងច្នៃប្រឌិតទៅជាទម្រង់របាំព្រះរាជទ្រព្យ ឬរបាំក្បាច់បុរាណខ្មែរ ដែលមានការសម្តែងឡើងប្រកបដោយក្បាច់រស់រវើកសមសួនក្រៃលែង។ របាំព្រះរាជទ្រព្យ ក៏ត្រូវបានដាក់បញ្ចូលទៅក្នុងបញ្ជីបេតិភណ្ឌពិភពលោក នៃមរតកអរូបីយតំណាងឱ្យមនុស្សជាតិរបស់អង្គការ (UNE SCO)នាថ្ងៃទី០ ៧ ខែវិច្ឆិកា ឆ្នាំ ២០០៣។

លោកបន្ថែមថា ឈុតនេះ ត្រូវបានលាយបញ្ចូលគ្នាក្រោមទម្រង់សិល្បៈនៃរចនាបទអង្គរនិងរចនាបថនៃសម័យនានា ដោយការសំយោគសហសម័យច្នៃ ប្រឌិតយ៉ាងល្អឥតខ្ចោះក្នុងគោលបំណងលើកស្ទួយស្នាដៃអក្សរសិល្ប៍និងរបាំដែលជាកេរ្តិ៍តំណែលដូនតាខ្មែរឱ្យស្ថិតនៅក្នុងក្រអៅបេះដូងនៃកូនខ្មែរជាដរាបរៀងរហូតតទៅ៕

អត្ថបទ៖ ចាន់រ៉ា

The post មកដឹងពីអត្ថន័យនៃឈុត«យក្សរាមសូរ»ដែលបវរកញ្ញាកម្ពុជា ត្រៀមប្រកួត Miss World appeared first on Kampuchea Thmey Daily.

ស្រស់ស្អាតណាស់! បវរកញ្ញាកម្ពុជា ភុំ សោភ័ណ្ឌ គ្រងសំលៀកបំពាក់បែបនេះក្នុងវគ្គមួយនៅឆាកMiss World

Kang Tola — Wed, 08 Dec 2021 15:19:50 +0000

ភ្នំពេញ ៖ បវរកញ្ញាតំណាងឲ្យកម្ពុជាកញ្ញា ភុំ សោភ័ណ្ឌ គិតមកដល់ពេលនេះមានរយៈប្រមាណជិតមួយសប្តាហ៍ ដែលនាងបានធ្វើដំណើរចាកចេញពីប្រទេសកម្ពុជាចេញទៅចូលរួមប្រកួតក្នុងកម្មវិធី Miss Word 2021 លើកទី៧០នៅទីក្រុងSan Juan ប្រទេសព័រតូរីកូ។

ដំណើរឆ្លងទ្វីបរបស់កញ្ញា ភុំ សោភ័ណ្ឌ ដែលជាម្ចាស់ម្កុដMiss World Cambodiaដើម្បីទៅចូលរួមការប្រកួតនៅលើឆាកអន្តរជាតិកាលពីថ្មីៗកន្លង ទៅក៏ទទួលបានការគាំទ្រនិងលើកទឹកចិត្តពីមហា ជនជាច្រើនផងដែរ ខណៈដែលនាងគឺជាបេក្ខភាព បវរកញ្ញាពិភពលោករបស់កម្ពុជាដែលមានរូបសម្រស់ដ៏ស្រស់ស្អាតនិងទារទាញទៀតផង។

ដោយឡែករឿងដែលគេចាប់អារម្មណ៍ទៀតនោះ គឺនៅទំព័រហ្វេសប៊ុកផេកផ្លូវការរបស់Miss World Cambodiaបានឱ្យដឹងថា នៅរាត្រីថ្ងៃទី០៦ ខែធ្នូ ឆ្នាំ២០២១ ដែលត្រូវនឹងព្រឹកថ្ងៃទី០៧ ខែធ្នូ ឆ្នាំ២០២១ នៅកម្ពុជាកញ្ញា ភុំ សោភ័ណ្ឌ បានចូលរួមប្រ កួតវគ្គTop Model and Designer Contests ក្នុងកម្មវិធីប្រកួតMiss World 2021ដោយមានបណ្ដាប្រទេសនានាជាច្រើនទៀតចូលរួម។

ប្រភពបានបន្តថា សូមប្រិយមិត្តនឹងហ្វេនៗចូលរួមផ្តល់កម្លាំងចិត្តនិងគាំទ្រកញ្ញាឱ្យទទួលបានជោគ ជ័យក្នុងកម្មវិធីMiss World 2021។ ឈុតដែលកញ្ញា ភុំ សោភ័ណ្ឌ បានគ្រងនោះគឺជាឈុតរាត្រី សមោសរយ៉ាងស្រស់ស្អាតបង្ហាញពីភាពទន់ភ្លន់ ដែលបានច្នៃឡើងយ៉ាងសម្រិតសម្រាំងផងដែរ។

គួររម្លឹកថា កញ្ញា ភុំ សោភ័ណ្ឌ បវរកញ្ញាតំណាងឲ្យកម្ពុជាកាលពីថ្ងៃទី០២ ខែធ្នូ ឆ្នាំ២០២១ កន្លងទៅបានចាកចេញពីប្រទេសកំណើតទៅប្រទេសព័រតូរីកូ ដើម្បីចូលរួមប្រកួតក្នុងកម្មវិធីMiss Word 20 21 លើកទី ៧០ដែលនឹងប្រព្រឹត្តទៅនាថ្ងៃទី១៦ ខែធ្នូ ឆ្នាំ២០២១ខាងមុខនេះ៕

ដោយ ៖ ចាន់រ៉ា

The post ស្រស់ស្អាតណាស់! បវរកញ្ញាកម្ពុជា ភុំ សោភ័ណ្ឌ គ្រងសំលៀកបំពាក់បែបនេះក្នុងវគ្គមួយនៅឆាកMiss World appeared first on Kampuchea Thmey Daily.

មិនទម្លាក់ទឹកដៃទេ! ទោះគ្មានការប្រកួតយកពានរង្វាន់ឈុតតំណាងជាតិស្អាតជាងគេ ក្នុងកម្មវិធី Miss World 2021

Sorn Phanith — Mon, 06 Dec 2021 09:17:38 +0000

បើទោះបីជា មិនមានការប្រកួតយកពានរង្វាន់ឈុតស្អាតជាងគេ ក្នុងកម្មវិធី Miss World 2021 តែអ្នករចនាឈុតតំណាងជាតិឲ្យ កញ្ញា ភុំ សោភ័ណ្ឌ Miss World Cambodia 2022 មិនទម្លាក់ទឹកដៃបន្ដិចណាសោះ គឺមានតែខិតខំឲ្យរឹតតែស្រស់ស្អាតបន្ថែមទៀត។

កញ្ញា ភុំ សោភ័ណ្ឌ ជាបរវកញ្ញាតំណាងឲ្យប្រទេសកម្ពុជា ដើម្បីចូលរួមក្នុងកម្មវិធី Miss World 2021 នៅប្រទេស ព័រតូ រីកូ ដែលត្រៀមប្រកួតវគ្គផ្ដាច់ព្រ័ត្រថ្ងៃទី ១៦ ខែធ្នូ ឆ្នាំ ២០២១ ហើយឈុតតំណាងជាតិមួយនេះ ក៏ត្រូវបានរចនាឡើងដោយលោក សួន តាមីង។ ដោយកាលពីថ្ងៃទី ២ ខែធ្នូ ឆ្នាំ ២០២១ វេលា ៩ យប់ កញ្ញាក៏បានធ្វើដំណើរពីព្រលានយន្តកម្ពុជា ដើម្បីទៅប្រកួតនោះលើទឹកដីប្រទេស ព័រតូ រីកូ។

គួរបញ្ជាក់ផងដែរថា Miss World Cambodia ២០២០ កញ្ញា ភុំ សោភ័ណ្ឌ គឺជាស្រ្តីខ្មែរទី ២ ដែលបានតំណាងឱ្យកម្ពុជាទៅប្រកួតនៅលើឆាកអន្តរជាតិ បន្ទាប់ពីកញ្ញា វី ស្រីវីន ដែលជាអតីត Miss World Cambodia 2019 ធ្លាប់តំណាងឱ្យកម្ពុជា ទៅប្រកួតនៅឯចក្រភពអង់គ្លេស កាលពីឆ្នាំ ២០១៩ កន្លងទៅនោះ៕

អត្ថបទ៖ ផានិត

The post មិនទម្លាក់ទឹកដៃទេ! ទោះគ្មានការប្រកួតយកពានរង្វាន់ឈុតតំណាងជាតិស្អាតជាងគេ ក្នុងកម្មវិធី Miss World 2021 appeared first on Kampuchea Thmey Daily.

មានអ្វីខ្លះជូនពរ បវរកញ្ញាកម្ពុជា ចេញទៅប្រកួត Miss World 2021 ?

KC Virak — Fri, 03 Dec 2021 07:41:32 +0000

ភ្នំពេញ៖ ទីបំផុតបវរកញ្ញាតំណាងឱ្យកម្ពុជា កញ្ញា ភុំ សោភ័ណ្ឌ ដែលម្ចាស់ជ័យលាភីគ្រងមកុដ Miss World Cambodia ២០២០ បានឡើងយន្តហោះចេញទៅចូលរួមប្រកួតនៅលើឆាកអន្តរជាតិ Miss Word 2021 ដែលធ្វើឡើងនៅប្រទេសព័រតូរីកូ។

កញ្ញា ភុំ សោភ័ណ្ឌ បេក្ខភាពបវរកញ្ញាពិភពលោកកម្ពុជា (Miss World Cambodia) បានចេញទៅកាន់ប្រទេសព័រតូរីកូ (Puerto Rico) កាលពីវេលាម៉ោងប្រមាណ ៩ យប់ ថ្ងៃទី២ ខែធ្នូ ឆ្នាំ២០២១។ កញ្ញា តំណាងឱ្យកម្ពុជាចូលរួមការប្រកួតបវរកញ្ញាពិភពលោក Miss World លេីកទី ៧០ ឆ្នាំ ២០២១ នេះ។

សូមបញ្ជាក់ថា Miss World Cambodia ២០២០ កញ្ញា ភុំ សោភ័ណ្ឌ គឺជាស្រ្តីទី ២ នៃបវរកញ្ញាពិភពលោកកម្ពុជាដែលបានតំណាងឱ្យកម្ពុជាទៅប្រកួតនៅលើឆាកអន្តរជាតិ បន្ទាប់ពីកញ្ញា វី ស្រីវីន ដែលជាអតីត Miss World Cambodia 2019 ធ្លាប់តំណាងឱ្យកម្ពុជាទៅប្រកួតនៅឯចក្រភពអង់គ្លេស កាលពីឆ្នាំ ២០១៩ កន្លងទៅ។

ទន្ទឹមគ្នានេះដែរគេសង្កេតឃើញថា ក្នុងការចេញដំណើរទៅប្រកួតនៅប្រទេសព័រតូរីកូ កញ្ញា ភុំ សោភ័ណ្ឌ ត្រូវបានមហាជន និងអ្នកគាំទ្របានធ្វើការជូនពរ និងផ្តល់កម្លាំងចិត្តដល់នាងគ្រប់ៗគ្នា។ ក្នុងដំណើរនេះគេជឿជាក់ថា Miss World Cambodia ២០២០ កញ្ញា ភុំ សោភ័ណ្ឌ នឹងបង្ហាញនូវអ្វីដែលជាភាពអស្ចារ្យរបស់ស្ត្រីខ្មែរនៅលើឆាកអន្តរជាតិ៕

អត្ថបទ៖ ចាន់រ៉ា

The post មានអ្វីខ្លះជូនពរ បវរកញ្ញាកម្ពុជា ចេញទៅប្រកួត Miss World 2021 ? appeared first on Kampuchea Thmey Daily.