MMA Archives - Kampuchea Thmey Daily

ឡុង ឡា ឡើងសង្វៀន GMA ជាថ្មីត្រូវប្រកួតគូឯកទៀតផងថ្ងៃទី២៥ មេសា ២០២៦ នៅវៀតណាម

Sina Noun — Wed, 22 Apr 2026 03:43:24 +0000

កីឡាករកម្ពុជាពីររូបគឺ ឡុង ឡា និង អធិជ័យ ច័ន្ទរាជ្យ នឹងត្រូវឡើងសង្វៀន GMA ជាថ្មីនៅថ្ងៃទី២៥ ខែមេសា ឆ្នាំ២០២៦ លើទឹកដីវៀតណាមដោយត្រូវតទល់ជាមួយជើងខ្លាំងរបស់ម្ចាស់ផ្ទះ និងប្រកួតក្នុងតំណែងគូឯកប្រចាំកម្មវិធីទៀតផង។

កីឡាករ ឡុង ឡា

សម្រាប់ការប្រកួតនៅឯប្រទេសវៀតណាមលើកនេះគឺកីឡាករ ឡុង ឡា របស់កម្ពុជានឹងត្រូវប្រកួតក្នុងតំណែងជាគូឯកប្រចាំកម្មវិធី GMA ដែលនេះជាមោទកភាពសម្រាប់កម្ពុជាផងដែរ។ ការប្រកួតដែលមិនអាចមើលរំលងមួយនេះច្បាស់ណាស់នឹងជក់ចិត្តសម្រាប់អ្នកគាំទ្រ ព្រោះសមត្ថភាពម្ចាស់ផ្ទះវៀតណាមដែលជាដៃគូចាស់របស់ រិន សារ័ត្ន រូបនេះមានកម្លាំងខ្លាំង និងស៊ូក្នុងការប្រកួត។ ការប្រកួតប្រជែងនឹងមានភាពតានតឹងទម្រាំអាចរកឃើញអ្នកឈ្នះរវាងអ្នកទាំងពីររូបនេះ។

ចំណែកមួយគូទៀតគឺកីឡាករ អធិជ័យ ច័ន្ទរាជ្យ នឹងត្រូវប៉ះកីឡាករវៀតណាម Thong Lu Anh Kiet លើប្រភេទទម្ងន់ ៥៩គីឡូក្រាម។ បើទោះជាការប្រកួតកន្លងទៅសិស្សគុនរបស់ក្លឹប Cambodian Top Team រូបនេះធ្វើមិនសូវបានល្អយ៉ាងណាក្ដី ប៉ុន្តែរូបគេនៅតែបន្តខំប្រឹងប្រែងហ្វឹកហាត់ និងបានប្ដេជ្ញាចិត្តដណ្ដើមយកជ័យជម្នះជាថ្មីជូនអ្នកគាំទ្រកម្ពុជា។

កីឡាករ អធិជ័យ ច័ន្ទរាជ្យ

បញ្ជាក់ដែរថា ការប្រកួតគុនចម្រុះ (MMA) នៅសង្វៀន GMA នេះនឹងធ្វើឡើងនៅថ្ងៃទី២៥ ខែមេសា ឆ្នាំ២០២៦ នៅឯទីក្រុងហូជីមិញ ប្រទេសវៀតណាម។ ការប្រកួតនេះនឹងចាប់ផ្ដើមពីម៉ោង ៧យប់តទៅ។ កីឡាករកម្ពុជាពីររូបដែលនឹងត្រូវប្រកួតនេះគឺ ឡុង ឡា ប៉ះ Nguyen Vu Phuong Hoai ចំណែក អធិជ័យ ច័ន្ទរាជ្យ ប៉ះ Thong Lu Anh Kiet ៕

កម្មវិធីប្រកួតថ្ងៃទី២៥ មេសា ២០២៦

អត្ថបទដោយ៖ នួន ស៊ីណា

The post ឡុង ឡា ឡើងសង្វៀន GMA ជាថ្មីត្រូវប្រកួតគូឯកទៀតផងថ្ងៃទី២៥ មេសា ២០២៦ នៅវៀតណាម appeared first on Kampuchea Thmey Daily.

ធ្ងន់បន្តិចហើយសហព័ន្ធគុនចម្រុះ ចេញ ៥នាក់ចាញ់ទាំង ៥ ក្នុងការប្រកួត AMMA នៅប្រទេសចិន

Sina Noun — Mon, 12 Jan 2026 02:24:57 +0000

ក្រុមគុនចម្រុះកម្ពុជាដែលចេញទៅប្រកួតតាមរយៈសហព័ន្ធអំឡុងថ្ងៃទី៩ ដល់ ១១ ខែមករា ឆ្នាំ២០២៥ នៅឯប្រទេសចិន ក្នុងកម្មវិធី 3rd AMMA Championship កន្លងទៅនេះកីឡាករ កីឡាការិនី ៥នាក់គឺចាញ់ទាំង ៥តែម្ដង និងអស់ឱកាសឡើងទៅជុំបន្តនៅកីឡាអាស៊ី លើកទី២០ នៅជប៉ុន និងព្រឹត្តិការណ៍សំខាន់ផ្សេងទៀត។

កីឡាករ គោរមៈ ច័ន្ទរាជ្យ ចាញ់ចិន

បើតាមការលើកឡើងរបស់កីឡាករ ផេង សុបញ្ញា ឬមហាជនតែងហៅថា គោរមៈ ច័ន្ទរាជ្យ នោះគឺក្រុមកម្ពុជាទាំង ៥នាក់នោះគឺចាញ់ទាំងអស់តែម្ដងរួមទាំងខ្លួនផងដែរ។ ប៉ុន្តែរូបគេចាញ់ត្រឹមពិន្ទុប៉ុណ្ណោះស្របពេលមិត្តរួមក្រុមផ្សេងៗទៀតសុទ្ធតែចាញ់ដោយបោះបង់ការប្រកួត។

អ្នកប្រដាល់រូបនេះបន្តទៀតថា ចំពោះការប្រកួតនៅឯប្រទេសចិនក្នុងកម្មវិធី 3rd AMMA Championship គឺពិតជាមានការពិបាកខ្លាំងសម្រាប់ក្រុមកម្ពុជាលើបច្ចេកទេសមិនដល់គេ កម្លាំង និងការហ្វឹកហាត់នៅមានកម្រិតនៅឡើយ។ កីឡាករបរទេសដែលចូលរួមការប្រកួតនេះគឺម្នាក់ៗបច្ចេកទេសល្អ លឿន និងកម្លាំង។ និយាយជារួមកីឡាករ កីឡាការិនីរបស់គេគឺល្អមួយឈុតតែម្ដង។

រូបភាព Olympic Cambodia

បញ្ជាក់ដែរថា ក្រុមគុនចម្រុះកម្ពុជា រួមមាន ផេង សុបញ្ញា ស៊ា វិច្ឆិកា ខៀវ ចិន្តារ័ត្ន ចេង ដាលីន គន្ធ វណ្ណនីតា និង ម៉ាប់ សុខហួយគឺសុទ្ធតែចាញ់ការប្រកួតនៅឯប្រទេសចិននេះទាំងអស់។ ក្រុមរបស់កម្ពុជាអស់ឱកាសឡើងទៅជុំបន្តនៃព្រឹត្តិការណ៍ កីឡាអាស៊ី លើកទី២០ ឯប្រទេសជប៉ុន និងការប្រកួតកីឡាអាស៊ីក្នុងសាល និងយុទ្ធគុនលើកទី៧ អារ៉ាប៊ីសាអូឌីត នោះឡើយ៕

អត្ថបទដោយ៖ នួន ស៊ីណា

The post ធ្ងន់បន្តិចហើយសហព័ន្ធគុនចម្រុះ ចេញ ៥នាក់ចាញ់ទាំង ៥ ក្នុងការប្រកួត AMMA នៅប្រទេសចិន appeared first on Kampuchea Thmey Daily.

មិនទាន់បានសម្រាកស្រួលបួលផង គោរមៈ ច័ន្ទរាជ្យ ទៅដល់ប្រទេសចិន និងកំពុងត្រៀមប្រកួត AMMA ទៀតហើយ

Sina Noun — Fri, 09 Jan 2026 02:09:24 +0000

កីឡាករវ័យក្មេង និងកំពុងល្បីឈ្មោះខ្លាំង គោរមៈ ច័ន្ទរាជ្យ សម្រាកមិនទាន់បានប៉ុន្មានថ្ងៃផងឥលូវនេះរូបគេត្រូវប្រកួតកម្មវិធីធំ AMMA Championship នៅថ្ងៃនេះហើយដោយប៉ះជាមួយម្ចាស់ផ្ទះចិន។

គោរមៈ ច័ន្ទរាជ្យ និងលោក ហ៊ុន ច័ន្ទរាជ្យ

កីឡាករ គោរមៈ ច័ន្ទរាជ្យ បានលើកឡើងថា ឥលូវនេះរូបគេបានថ្លឹងទម្ងន់រួចរាល់ហើយនៅមុននេះ និងកំពុងញុំអាហារប៉ូវកម្លាំងដើម្បីត្រៀមការប្រកួតនៅម៉ោង ១០ព្រឹកខាងមុខនេះ។ រូបគេនឹងត្រូវប្រកួតមុនគេទាំងអស់ក្នុងចំណោមកីឡាករ កីឡាការិនីដែលទៅចូលរួមព្រឹត្តិការណ៍ AMMA Championship នេះ។

ដោយសារតែអាកាសធាតុត្រជាក់ខ្លាំងគឺបានផ្ដល់ការលំបាកខ្លាំងដល់ក្រុមកម្ពុជាអំឡុងពេលប៉ុន្មានថ្ងៃដែលទៅដល់ឯប្រទេសចិននេះ។ យ៉ាងណាកូនសិស្សលោក ហ៊ុន ច័ន្ទរាជ្យ រូបនេះសង្ឃឹមថានឹងធ្វើបានល្អ ឬដណ្ដើមជ័យជម្នះក្នុងការប្រកួតសំខាន់ដណ្ដើមសិទ្ធចូលរួមនៅកម្មវិធីបន្ទាប់ទៀត។

គោរមៈ ច័ន្ទរាជ្យ

បញ្ជាក់ដែរថា ការប្រកួត AMMA Championship លើកទី៣ នេះធ្វើឡើងចាប់ពីថ្ងៃទី៩ ដល់ ១១ ខែមករា ឆ្នាំ២០២៦ នៅឯប្រទេសចិន។ បន្ទាប់ពីធ្វើដំណើរទៅប្រទេសចិន និងថ្លឹងទម្ងន់រួចរាល់ហើយនោះក្រុមកម្ពុជាទាំង ៥នាក់នឹងត្រូវប្រកួតនៅថ្ងៃនេះហើយ។ គោរមៈ ច័ន្ទរាជ្យ ទើបតែបញ្ចប់ភារកិច្ចដណ្ដើមខ្សែក្រវាត់នៅឯប្រទេសវៀតណាមក្នុងកម្មវិធី GMA កាលពីថ្ងៃទី២៧ ខែធ្នូ ឆ្នាំ២០២៥ នេះប៉ុណ្ណោះ៕

អត្ថបទដោយ៖ នួន ស៊ីណា

The post មិនទាន់បានសម្រាកស្រួលបួលផង គោរមៈ ច័ន្ទរាជ្យ ទៅដល់ប្រទេសចិន និងកំពុងត្រៀមប្រកួត AMMA ទៀតហើយ appeared first on Kampuchea Thmey Daily.

កញ្ញា ឈិន រីយ៉ា ម្នាក់នេះហើយដែលតែងតែនៅពីក្រោយភាពជោគជ័យរបស់ក្រុមគុនចម្រុះ Cambodian Top Team

Sina Noun — Wed, 31 Dec 2025 07:38:14 +0000

ភាពជោគជ័យកន្លងមករបស់ក្រុមគុនចម្រុះ Cambodian Top Team រួមមានកីឡាករ គោរមៈ ច័ន្ទរាជ្យ រិន សារ័ត្ន និងកីឡាករមួយចំនួនទៀតគឺមានការរួមចំណែកធំពីកញ្ញា ឈិន រីយ៉ា ដែលតែងតែនៅជាមួយជានិច្ចស្ទើគ្រប់កម្មវិធីទាំងក្នុងស្រុក និងក្រៅស្រុកកន្លងមក។

កញ្ញា ឈិន រីយ៉ា

កញ្ញា ឈិន រីយ៉ា បានឲ្យដឹងមកថា ចំពោះការងារមកជួយក្លឹបប្រដាល់ Cambodian Top Team នេះចាប់តាំងពីឆ្នាំ២០១៦ រហូតមកដល់ពេលបច្ចុប្បន្ន។ ទីតាំងក្លឹបនៅឯទួលទំពូងនេះក៏ជាស្នាដៃរួមគ្នារវាងកញ្ញា និងលោក ហ៊ុន ច័ន្ទរាជ្យ ជួល និងកសាងតាំងពីដីទទេមកម្ល៉េះអំឡុងឆ្នាំ២០១៨។

កញ្ញា ឈិន រីយ៉ា

អតីត MC កម្មវិធីម៉ាអ៊ែម រូបនេះបន្តទៀតថា ការងារចាប់គូ ទំនាក់ទំនងជាមួយម្ចាស់កម្មវិធីតូច-ធំ ក្នុងស្រុក អន្តរជាតិផ្សេងៗគឺលោក ហ៊ុន ច័ន្ទរាជ្យ ជាអ្នកធ្វើលើកិច្ចការងារនេះ។ ចំណែកខាងផ្នែកគ្រប់គ្រងក្នុងក្លឹបទូទៅគឺលើកញ្ញាផ្ទាល់ ដូចជាការងារជួយរកថវិកាអភិវឌ្ឍន៍ក្លឹប ទិញសម្ភារហ្វឹកហាត់ សម្ភារប្រើប្រាស់ផ្សេងៗ គ្រប់គ្រងថវិកាក្លឹប គ្រប់គ្រងការចំណាយលើម្ហូបអាហារប្រចាំថ្ងៃ អាហារប៊ូវកម្លាំងកីឡាករ ថ្នាំពេទ្យ ការពិនិត្យសុខភាពមុនចេញប្រកួតជាដើម។

កញ្ញា ឈិន រីយ៉ា ពេលកីឡាករប្រកួតនៅវៀតណាម

ក្រៅពីការងាររៀបរាប់ខាងលើហើយនោះរាល់ការប្រកួតនៅឯក្រៅប្រទេសគឺភាគច្រើនមានវត្តមានកញ្ញាទៅជាមួយផងដែរដើម្បីជួលសម្រួលលើការទំនាក់ទំងអំឡុងពេលប្រកួត បកប្រែភាសា បំពេញឯកសារ រួមទាំងមើលការខុសត្រូវលើការធ្វើដំណើរ ហូបចុកប៊ូវកម្លាំង។ បន្ថែមពីនេះការងារកាន់ផេករបស់ក្លឹប ថតវីដេអូ ថតរូបភាពបង្ហោះផ្សព្វផ្សាយ និងធ្វើសេចក្ដីជូនដំណឹងផ្សេងៗ ប្រម៉ូតក្លឹបក៏កញ្ញាជាអ្នកធ្វើដូចគ្នា។ ដូច្នេះហើយការងារក្នុងក្លឹបមួយភាគធំគឺកញ្ញាជាអ្នកជួយ។

កញ្ញា ឈិន រីយ៉ា និងកីឡាករ

បញ្ជាក់ដែរថា ក្លឹបប្រដាល់គុនចម្រុះ Cambodian Top Team គឺជាក្លឹបចំណាស់មួយនៅកម្ពុជា និងកសាងឡើងដោយលោក ហ៊ុន ច័ន្ទរាជ្យ។ បច្ចុប្បន្នក្លឹបប្រដាល់មួយនេះកំពុងមានភាពល្បីល្បាញខ្លាំងពិសេសនៅឯប្រទេសវៀតណាមបន្ទាប់ពីឈ្នះខ្សែក្រវាត់ GMA ៣គ្រឿងថ្មីៗនេះ។ គេឃើញដំណើរការរបស់ក្លឹបមួយនេះមានលក្ខណស្ដង់ដារ និងសកម្មផងដែរដូចជាការបង្ហោះរូបភាព ការធ្វើមាតិការផ្សេងៗអំពីសកម្មភាពកីឡាករក្នុងក្លឹប និងមានមាតិការថ្មីៗទៅតាមព្រឹត្តិការណ៍បុណ្យទានរបស់ខ្មែរផងដែរ។ ក្រៅពីនេះរាល់ការប្រកួតរបស់កីឡាករក្នុងក្លឹបនៅក្រៅប្រទេសតែងតែមានព័ត៌មានផ្សព្វផ្សាយដូចជា បង្ហោះរូបភាព ឡាយការប្រកួត និងចេញលទ្ធផលផ្សេងៗជូនអ្នកគាំទ្រ។ ការងារ និងភាពជោគជ័យទាំងនេះគឺជាការរួមចំណែកធំរបស់កញ្ញា ឈិន រីយ៉ា ។ កញ្ញាធ្លាប់ទៅចូលរួមការប្រកួតជាមួយកីឡាករនៅក្រៅប្រទេសដូចជានៅប្រទេសវៀតណាម សិង្ហបុរី ជប៉ុន ហ្វីលីពីន និងថៃនាពេលកន្លងមក៕

កញ្ញា ឈិន រីយ៉ា និងកីឡាករ

អត្ថបទដោយ៖ នួន ស៊ីណា

The post កញ្ញា ឈិន រីយ៉ា ម្នាក់នេះហើយដែលតែងតែនៅពីក្រោយភាពជោគជ័យរបស់ក្រុមគុនចម្រុះ Cambodian Top Team appeared first on Kampuchea Thmey Daily.

ក្លឹបគុនចម្រុះ Cambodian Top Team កាន់តែល្បីនៅវៀតណាមក្រោយឈ្នះខ្សែក្រវាត់ GMA សរុប ៣គ្រឿង

Sina Noun — Tue, 30 Dec 2025 02:00:36 +0000

ក្លឹបប្រដាល់គុនចម្រុះ Cambodian Top Team របស់កម្ពុជាកាន់តែមានឈ្មោះល្បីហើយនៅឯប្រទេសវៀតណាមក្រោយឈ្នះខ្សែក្រវាត់ GMA សរុប ៣គ្រឿង និងទទួលបានការសរសើរ លើកទឹកចិត្តពីម្ចាស់កម្មវិធីនេះថាជាក្រុមល្អប្រចាំឆ្នាំទៀតផង។

ខ្សែក្រវាត់ទាំង៣គ្រឿង

លោក ហ៊ុន ច័ន្ទរាជ្យ បានឲ្យដឹងថា ក្រុមកម្ពុជាគឺមានការយកចិត្តទុកដាក់ និងការស្រឡាញ់ចូលចិត្តខ្លាំងពីខាងម្ចាស់សង្វៀន GMA និងអ្នកគាំទ្រនៅទីនោះ។ ម្ចាស់កម្មវិធីសរសើរកីឡាករកម្ពុជាប្រកួតបានល្អ និងមានការជក់ចិត្តរាល់ពេលប្រកួតម្ដងៗ។

រិន សារ័ត្ន និងម្ចាស់កម្មវិធី GMA

គ្រូបង្វឹកគុនចម្រុះខាងលើបន្តទៀតថា បន្ទាប់ពីឈ្នះបានខ្សែក្រវាត់ ៣គ្រឿងខាងលើនេះខាងកម្មវិធី GMA ប្រាប់ថាក្រុមកម្ពុជាបានជាប់ជាក្រុមល្អជាងគេប្រចាំឆ្នាំ២០២៥ ដែលមានការប្រកួតល្អ និងមានកីឡាករចូលរួមការប្រកួតក្នុងសង្វៀននេះមានចំនួនច្រើនៗ ប្រកួតតែងតែជក់ចិត្ត។

លោក ហ៊ុន ច័ន្ទរាជ្យ និងសិស្សទាំងពីរ

បញ្ជាក់ដែរថា គិតមកដល់ពេលបច្ចុប្បន្ននេះក្រុមកីឡាគុនចម្រុះកម្ពុជា Cambodian Top Team ឈ្នះបានខ្សែក្រវាត់ GMA ចំនួន ៣គ្រឿងមកហើយ។ កីឡាករ គោរមៈ ច័ន្ទរាជ្យ ឈ្នះបាន ២គ្រឿងម្នាក់ឯង និងកីឡាករ រិន សារ័ត្ន ឈ្នះបាន ១គ្រឿង៕

រិន សារ័ត្ន និង គោរមៈ ច័ន្ទរាជ្យ ពេលឈ្នះខ្សែក្រវាត់

អត្ថបទដោយ៖ នួន ស៊ីណា

The post ក្លឹបគុនចម្រុះ Cambodian Top Team កាន់តែល្បីនៅវៀតណាមក្រោយឈ្នះខ្សែក្រវាត់ GMA សរុប ៣គ្រឿង appeared first on Kampuchea Thmey Daily.

អបអរសារទរ ក្រុមគុនចម្រុះនាំភាពរីករាយជូនកម្ពុជាបន្ទាប់ពីឈ្នះខ្សែក្រវាត់២គ្រឿងនៅវៀតណាម

Sina Noun — Sun, 28 Dec 2025 05:02:49 +0000

អបអរសារទរចំពោះក្រុមកីឡាករគុនចម្រុះកម្ពុជា រួមមានកីឡាករ រិន សារ័ត្ន គោរមៈ ច័ន្ទរាជ្យ ដែលយកឈ្នះដៃគូប្រកួតដណ្ដើមបានខ្សែក្រវាត់ចំនួន ២គ្រឿងជូនកម្ពុជា និងការបង្ហាញទង់ជាតិខ្មែរ ភាពរីករាយជូនប្រជាពលរដ្ឋខ្មែរ អ្នកគាំទ្រកាលពីយប់មិញនេះ។

ទិដ្ឋភាពការប្រកួតយប់មិញ

ជ័យជម្នះខ្សែក្រវាត់ ២គ្រឿងកាលពីយប់ថ្ងៃទី២៧ ខែធ្នូ ឆ្នាំ២០២៥ យប់មិញនេះបានធ្វើឲ្យអ្នកគាំទ្រកម្ពុជាពិសេសក្នុងមជ្ឈដ្ឋានប្រដាល់មានភាពសប្បាយរីករាយ និងបានលើកមកនិយាយ ស៊ែចែករំលែកច្រើនក្នុងជំនួបដ៏ធំនៅឯប្រទេសវៀតណាមនេះ។

ដោយតែសារអាក់ខានឃើញការប្រកួតនានាយូរផង រួមផ្សំជាមួយព្រឹត្តិការណ៍ឈ្លានពានពីសត្រូវសៀមអំឡុងពេលនេះម្នាក់ៗសុទ្ធតែមានទុក្ខកង្វល់ និងតាមដានព័ត៌មានអំពីស្ថានការណ៍ព្រំដែលប៉ុណ្ណោះក្នុងរយៈពេលជាង ២០ថ្ងៃកន្លងទៅ។

ទិដ្ឋភាពការប្រកួតយប់មិញ

ស្ថានការណ៍ព្រំដែនមានបទឈប់បាញ់រយៈពេល ៧២ម៉ោងបង្ករឲ្យមានភាពធូរស្រាលផង ស្របពេលក្រុមកីឡាករកម្ពុជាឈ្នះខ្សែក្រវាត់ដល់ទៅ ២គ្រឿងនៅលើឆាកអន្តរជាតិឯប្រទេសវៀតណាមទៅទៀតប្រជាជនកម្ពុជាពិសេសអ្នកតាមដានវិស័យប្រដាល់មានភាពរីករាយជាខ្លាំងចំពោះសមិទ្ធិផលដ៏ល្អមួយនេះ និងការបង្ហាញទង់ជាតិខ្មែរប្រាប់ពិភពលោកថា «កម្ពុជាត្រូវការសន្តិភាព កម្ពុជាមិនត្រូវការសង្គ្រាមទេ»។

ទិដ្ឋភាពការប្រកួតយប់មិញ

បញ្ជាក់ដែរថា ក្រុមគុនចម្រុះ (MMA) កម្ពុជាដែលដឹកនាំដោយលោក ហ៊ុន ច័ន្ទរាជ្យ និងក្រុមការងារ Cambodian Top Team កាលពីយប់ថ្ងៃទី២៧ ខែធ្នូ ឆ្នាំ២០២៥ នេះមានកីឡាករកម្ពុជា ២រូបប្រកួតឈ្នះខ្សែក្រវាត់ God Of Martial Art (GMA) គឺកីឡាករ រិន សារ័ត្ន ឈ្នះពិន្ទុ ចំណែក គោរមៈ ច័ន្ទរាជ្យ ផ្ដួលវៀតណាមដែលជាម្ចាស់ផ្ទះឲ្យសន្លប់នៅទឹកទី១។ ចំពោះកីឡាករកម្ពុជាមួយរូបទៀតគឺ អធិជ័យ ច័ន្ទរាជ្យ ចាញ់ពិន្ទុវៀតណាមក្នុងជំនួបមិត្តភាព៕

ទិដ្ឋភាពការប្រកួតយប់មិញ

អត្ថបទដោយ៖ នួន ស៊ីណា

The post អបអរសារទរ ក្រុមគុនចម្រុះនាំភាពរីករាយជូនកម្ពុជាបន្ទាប់ពីឈ្នះខ្សែក្រវាត់២គ្រឿងនៅវៀតណាម appeared first on Kampuchea Thmey Daily.

អធិជ័យ ច័ន្ទរាជ្យ ប្រកួតនៅឯវៀតណាម ប៉ុន្តែអារម្មណ៍គិតពីឪពុក-ម្ដាយនៅឧត្ដរមានជ័យ

Sina Noun — Fri, 26 Dec 2025 02:11:24 +0000

កីឡាករ អធិជ័យ ច័ន្ទរាជ្យ ថាអារម្មណ៍មិនសូវនៅជាមួយគ្នានោះឡើយ ក៏ព្រោះតែបារម្ភចំពោះឪពុកម្ដាយក្រុមគ្រួសារនៅឯខេត្តឧត្ដរមានជ័យ ដែលកំពុងជួបទុក្ខលំបាកពីការឈ្លានពានរបស់សត្រូវសៀម ស្របពេលដែលខ្លួនត្រូវប្រកួតនៅសង្វៀនធំ GMA ថ្ងៃទី២៧ ធ្នូ ២០២៥ ឯវៀតណាម។

កីឡាករ អធិជ័យ ច័ន្ទរាជ្យ

កីឡាករ អធិជ័យ ច័ន្ទរាជ្យ បានឲ្យដឹងថា ពេលផ្ទុះការឈ្លានពានពីសត្រូវសៀមអំឡុងថ្ងៃទី៨-៩ ខែធ្នូ ដំបូងៗនោះគឺប៉ះដល់ក្រុមគ្រួសារបងប្អូនរបស់ខ្លួនទាំងអស់។ បងប្អូនរបស់ខ្លួនខ្លះនៅឯតាមាន់ ខ្លះទៀតនៅតាក្របី សុទ្ធតែអ្នករស់នៅឧត្តរមានជ័យ។

កូនសិស្សលោក ហ៊ុន ច័ន្ទរាជ្យ បន្តទៀតថា អារម្មណ៍នៃការហ្វឹកហាត់គឺមិនបានពេញលេញនោះឡើយ ដោយនៅតែបារម្ភចំពោះគ្រួសារ។ ប៉ុន្តែក្រោយមកក៏ចាប់ប្រមូលអារម្មណ៍បានល្អឡើងវិញ និងផ្ដោតលើការហ្វឹកហាត់ខ្លាំងដើម្បីត្រៀមលក្ខណៈឲ្យបានប្រសើរសម្រាប់ការប្រកួតនៅឯវៀតណាមលើកនេះ។

កីឡាករ អធិជ័យ ច័ន្ទរាជ្យ

អ្នកប្រដាល់ដើមកំណើតពីខេត្តឧត្តរមានជ័យរូបនេះបន្តទៀតថា ដោយសារតែខ្លួនមិនសូវមានបទពិសោធច្រើនលើការប្រកួតគុនចម្រុះនេះទើបធ្វើមិនសូវបានល្អ។ ព្រោះកីឡាមួយនេះត្រូវការបទពិសោធឡើងប្រកួតច្រើនទើបធ្វើឲ្យមានសមត្ថភាពរីកចម្រើន ឬឈានទៅដល់ទទួលបានលទ្ធផលល្អ។

កីឡាករ អធិជ័យ ច័ន្ទរាជ្យ

បញ្ជាក់ដែរថា កីឡាករ អធិជ័យ ច័ន្ទរាជ្យ នឹងត្រូវប្រកួតមិត្តភាពអន្តរជាតិជាមួយកីឡាករម្ចាស់ផ្ទះវៀតណាម Le Quang Linh នៅថ្ងៃទី២៧ ខែធ្នូ ឆ្នាំ២០២៥ ស្អែកនេះ។ ជាមួយគ្នានោះដែរក៏មានកីឡាករកម្ពុជា២រូបទៀតប្រកួតដណ្ដើមខ្សែក្រវាត់ផងដែរគឺ រិន សារ័ត្ន និង គោរមៈ ច័ន្ទរាជ្យ ក្នុងកម្មវិធី GMA៕

ក្រុមកម្ពុជា

អត្តបទដោយ៖ នួន ស៊ីណា

The post អធិជ័យ ច័ន្ទរាជ្យ ប្រកួតនៅឯវៀតណាម ប៉ុន្តែអារម្មណ៍គិតពីឪពុក-ម្ដាយនៅឧត្ដរមានជ័យ appeared first on Kampuchea Thmey Daily.

កីឡាករ រិន សារ័ត្ន៖ ដណ្ដើមខ្សែក្រវាត់ប៉ះម្ចាស់ផ្ទះទាល់តែវាយឲ្យដាច់ៗទើបគេឲ្យឈ្នះ

Sina Noun — Thu, 25 Dec 2025 03:32:14 +0000

កីឡាករ រិន សារ័ត្ន បានស្វែងយល់ច្រើនលើដៃគូដែលជាជនជាតិវៀតណាម Phuong Hoai មុនប៉ះគ្នាដណ្ដើមខ្សែក្រវាត់ GMA ថ្ងៃទី២៧ ខែធ្នូ ឆ្នាំ២០២៥ ខណៈខ្លួនដឹងច្បាស់ថាបើវាយម្ចាស់ផ្ទះមិនដាច់ទេគឺមិនអាចឈ្នះបានឡើយ។

កីឡាករ រិន សារ័ត្ន និងដៃគូ

កីឡាករដើមកំណើតពីខេត្តព្រៃវែង រិន សារ័ត្ន បានឲ្យដឹងថា ការប្រកួតដណ្ដើមខ្សែក្រវាត់ GMA ដែលត្រូវប៉ះកីឡាករម្ចាស់ផ្ទះ Phuong Hoai ប្រសិនបើវាយមិនដាច់ពិន្ទុនោះទេគឺមិនអាចឈ្នះបានឡើយ។ ដូច្នេះចាញ់-ឈ្នះ យ៉ាងណារយៈពេល ៥ទឹកនេះខ្លួននឹងព្យាយាមវាយឲ្យដាច់តែម្ដង។

កីឡាករ រិន សារ័ត្ន

Phuong Hoai ដែលជាដៃគូរូបនេះគឺជាម្ចាស់សង្វៀនផ្ទាល់របស់ GMA នេះផង និងជាកីឡាករជើងខ្លាំងមួយរូបដែលទទួលបានជ័យជម្នះច្រើនកន្លងមក។ ស្នៀតឃ្លេ ក្បាច់វាយគឺមិនលើសខ្វះគ្នានោះទេ។ អ្វីដែលខ្លួនត្រូវពង្រឹងចាំបាច់នោះគឺហាត់បន្ថែមកម្លាំង និងការចាប់ ការចេញ-ចូល ការវាយ។

កីឡាករ រិន សារ័ត្ន

បញ្ជាក់ដែរថា កីឡាករ រិន សារ័ត្ន និងត្រូវប៉ះម្ចាស់ផ្ទះវៀតណាម Phuong Hoai ដណ្ដើមខ្សែក្រវាត់ GMA លើប្រភេទទម្ងន់ ៦៣គីឡូក្រាម។ នៅព្រឹកថ្ងៃទី២៥ ខែធ្នូ ឆ្នាំ២០២៥ នេះក្រុមកម្ពុជាមានកីឡាករ ៣រូប គ្រូបង្វឹក អ្នកឲ្យទឹកបានចេញដំណើរតាមរយៈឡានទៅប្រទេសវៀតណាមហើយដើម្បីត្រៀមការប្រកួតថ្ងៃទី២៧ ខែធ្នូ ខាងមុខនេះ៕

ក្រុមកម្ពុជា

អត្ថបទដោយ៖ នួន ស៊ីណា

The post កីឡាករ រិន សារ័ត្ន៖ ដណ្ដើមខ្សែក្រវាត់ប៉ះម្ចាស់ផ្ទះទាល់តែវាយឲ្យដាច់ៗទើបគេឲ្យឈ្នះ appeared first on Kampuchea Thmey Daily.

MMA Archives - Kampuchea Thmey Daily

ឡុង​ ឡា​ ​ឡើង​សង្វៀន​ GMA​ ជា​ថ្មី​ត្រូវ​ប្រកួតគូឯក​ទៀត​ផងថ្ងៃ​ទី២៥​ មេសា​ ២០២៦​ នៅ​វៀតណាម​

ធ្ងន់​បន្តិច​ហើយ​សហព័ន្ធ​គុន​ចម្រុះ ​ចេញ​ ៥​នាក់​ចាញ់​ទាំង​ ៥​ ក្នុង​ការ​ប្រកួត​ AMMA នៅ​ប្រទេស​ចិន​

កញ្ញា​ ឈិន​ រីយ៉ា​ ម្នាក់នេះហើយដែលតែងតែនៅ​ពីក្រោយ​ភាព​ជោគជ័យ​របស់​ក្រុម​គុន​ចម្រុះ​ Cambodian Top Team

ក្លឹប​គុន​ចម្រុះ​ Cambodian Top Team​ កាន់​តែ​ល្បី​នៅ​វៀតណាម​ក្រោយ​ឈ្នះ​ខ្សែក្រវាត់​ GMA សរុប​ ៣គ្រឿង

អបអរសារទរ ក្រុម​គុន​ចម្រុះ​នាំ​ភាព​រីករាយ​ជូន​កម្ពុជា​បន្ទាប់​ពី​ឈ្នះខ្សែក្រវាត់​២គ្រឿង​នៅ​វៀតណាម​

អធិជ័យ​ ច័ន្ទរាជ្យ​ ប្រកួត​នៅ​ឯ​វៀតណាម​​ ប៉ុន្តែ​អារម្មណ៍​គិត​ពី​ឪពុក-ម្ដាយ​នៅ​ឧត្ដរមានជ័យ​

កីឡាករ​ រិន​ សារ័ត្ន​៖ ដណ្ដើម​ខ្សែក្រវាត់​ប៉ះ​ម្ចាស់​ផ្ទះ​ទាល់​តែ​វាយ​ឲ្យ​ដាច់ៗ​ទើប​គេ​ឲ្យ​ឈ្នះ

ឡុង ឡា ឡើងសង្វៀន GMA ជាថ្មីត្រូវប្រកួតគូឯកទៀតផងថ្ងៃទី២៥ មេសា ២០២៦ នៅវៀតណាម

ធ្ងន់បន្តិចហើយសហព័ន្ធគុនចម្រុះ ចេញ ៥នាក់ចាញ់ទាំង ៥ ក្នុងការប្រកួត AMMA នៅប្រទេសចិន

កញ្ញា ឈិន រីយ៉ា ម្នាក់នេះហើយដែលតែងតែនៅពីក្រោយភាពជោគជ័យរបស់ក្រុមគុនចម្រុះ Cambodian Top Team

ក្លឹបគុនចម្រុះ Cambodian Top Team កាន់តែល្បីនៅវៀតណាមក្រោយឈ្នះខ្សែក្រវាត់ GMA សរុប ៣គ្រឿង

អបអរសារទរ ក្រុមគុនចម្រុះនាំភាពរីករាយជូនកម្ពុជាបន្ទាប់ពីឈ្នះខ្សែក្រវាត់២គ្រឿងនៅវៀតណាម

អធិជ័យ ច័ន្ទរាជ្យ ប្រកួតនៅឯវៀតណាម ប៉ុន្តែអារម្មណ៍គិតពីឪពុក-ម្ដាយនៅឧត្ដរមានជ័យ

កីឡាករ រិន សារ័ត្ន៖ ដណ្ដើមខ្សែក្រវាត់ប៉ះម្ចាស់ផ្ទះទាល់តែវាយឲ្យដាច់ៗទើបគេឲ្យឈ្នះ