បទចម្រៀងមួយនេះបានចេញផ្សាយកាលពី​ល្ងាច​ថ្ងៃ​ទី ៨ខែ​ឧសភា តាមរយៈបទចម្រៀងក្នុង MV ភាពយន្ត តារាចម្រៀងកូរ៉េ បានបង្ហាញនូវសកម្មភាពដើរកាត់ទេសភាពទីក្រុងបាពេលយប់ ដោយឆ្លងកាត់ហ្វូងមនុស្ស ហើយឈរស្ងៀមនៅលើយ៉រនៃអគារខ្ពស់មួយ។ សកម្មភាពទាំងនោះ គឺជាឈុតឆាកនៅក្នុងខ្សែភាពយន្តប្រណាំង «F1» ដែលមានលោក Brad Pitt ជាតួឯកប្រុស។

«Messy» គឺជាបទចម្រៀងមួយក្នុងចំណោមបទចម្រៀងជាច្រើន ដែលរួមបញ្ចូលក្នុងអាល់ប៊ុមចម្រៀង F1 និងបានប្រកាសដោយសាជីវកម្ម Atlantic Records កាលពីថ្ងៃទី ០១ ខែឧសភា។ ក្រៅពីសមាជិក BlackPink គម្រោងនេះក៏ប្រមូលផ្តុំសិល្បករល្បីៗដូចជា Ed Sheeran, Tate McRae, RAYE, Burna Boy, Roddy Ricch, Dom Dolla, Chris Stapleton, Tiësto, Sexyy Red និង Mykes Towers។ កាលពីមុនតារារ៉េប Don Toliver និងតារាចម្រៀង Doja Cat បានចេញបទចម្រៀង «Lose My Mind» សម្រាប់គម្រោងនេះ នៅចុងខែមេសា។

ខ្សែភាពយន្តនេះដឹកនាំដោយលោក Joseph Kosinski និងសម្តែងដោយ Brad Pitt, Javier Bardem និង Damson Idris ចូលរោងកុន នៅថ្ងៃទី ២៧ ខែមិថុនា ស្របពេលជាមួយនឹងការចេញអាល់ប៊ុមបទចម្រៀងជាបណ្ដើរៗ។

ចែករំលែកអំពីការចូលរួមក្នុងគម្រោងភាពយន្តលើកដំបូង Rosé បានបង្ហោះរូប F1: The Album នៅលើ Instagram ផ្ទាល់ខ្លួនរបស់នាង ដោយបង្ហាញពីក្តីរំភើបរបស់នាងថា «ខ្ញុំពិតជារំភើបណាស់ដែលគ្រប់គ្នាបានស្តាប់បទភ្លេងភាពយន្តដំបូងរបស់ខ្ញុំ រឿងនេះនឹងផ្ទុះកក្រើជាក់ជាមិនខានឡើយ»។

ជាមួយនឹងបទ «Messy» ជាការកត់សម្គាល់ធំបំផុត​ ពោលគឺការវិលត្រលប់មកវិញលើកដំបូងរបស់ Rosé ចាប់តាំងពីអាល់ប៊ុមទោល «Rosie» បានចេញផ្សាយក្នុងខែធ្នូ បាននិងឡើងដល់កំពូលលេខ ៣ នៅលើ Billboard 200។ អាល់ប៊ុមនេះមានបទចម្រៀងល្បី APT ច្រៀងរួមជាមួយ Bruno Mars ហើយក៏កាន់កាប់តំណែងកំពូលនៅលើ Billboard Global 200 អស់រយៈពេល ១២ សប្តាហ៍ជាប់ៗគ្នាដែរ។

លើសពីនេះដែរ តារាស្រីវ័យ២៨ឆ្នាំ ក៏កំពុងរៀបចំការជួបជុំជាមួយសមាជិក BlackPink បន្ទាប់ពីដំណើរទេសចរណ៍ Born Pink បញ្ចប់នៅឆ្នាំ ២០២៣។ ក្នុងខែកុម្ភៈ ម្ចាស់បទ APT បានបង្ហើបថា ក្រុមកំពុងរៀបចំផលិតផលថ្មី ស្របគ្នានឹងការប្រកាសថា Black Pink នឹងចាប់ផ្តើមដំណើរទេសចរណ៍ពិភពលោកនៅរដូវក្តៅនេះ។ ទន្ទឹមគ្នាដែរ សមាជិកបីនាក់រួមមាន Rosé, Jennie និង Lisa ទើបតែបង្ហាញខ្លួននៅក្នុងកម្មវិធីលំដាប់អន្តរជាតិ Met Gala 2025 ក្នុងទីក្រុង New York កាលពីល្ងាចថ្ងៃទី ០៥ ខែឧសភា៕

អត្ថបទ៖ សាង ស្រីល័ក្ខ

ចុចអាន៖ក្រុមហ៊ុន​​​​​ផលិត​កម្ម​ YG រកប្រាក់ចំណេញ​ភ្លាម ដោយគ្រាន់​តែដូរក្បាល​ម៉ាស៊ីនដឹកនាំ​

The post Rosé បង្ហាញខ្លួនក្នុងបទចម្រៀងភាពយន្ត «F1» ជាមួយតារាហូលីវូដ Brad Pitt appeared first on Kampuchea Thmey Daily.

កាលពីថ្ងៃទី១៦ខែមេសា សារព័ត៌មានអាមេរិកប្រចាំសប្តាហ៍ Time បានប្រកាសបញ្ជីឈ្មោះបុគ្គលឆ្នើមនិងមានឥទ្ធិពលបំផុតទាំង១០០ នៅលើពិភពលោក។ ក្នុងនោះផងដែរ ​ក៏​មាន​កញ្ញា Rosé គឺជាសិល្បករ Kpop របស់​កូរ៉េខាងត្បូង​ តែម្នាក់គត់ ដែលត្រូវបានទស្សនាវដ្ដីផ្ដល់កិត្តិយស ដោយបានបង្ហាញខ្លួននៅក្នុងប្រភេទអ្នកត្រួសត្រាយផ្លូវនៃបញ្ជីនេះ។

កញ្ញា Rosé ត្រូវបានទទួលស្គាល់ដោយសារឥទ្ធិពលរបស់នាង ក្នុងនាមជាសិល្បករ និងភាពជោគជ័យដ៏អស្ចារ្យនៃ​បទ​ចម្រៀង​ «APT» ​ដែល​បាន​ចាប់ដៃ​ច្រៀងរួមគ្នាជាមួយតារាប្រុស Bruno Mars នៅក្នុងអាល់ប៊ុម Rosie ដែលបានចេញផ្សាយកាលខែតុលា ឆ្នាំ២០២៤។ បន្ទាប់ពីការចេញផ្សាយភ្លាមៗ បទចម្រៀងនេះបានបង្កើតភាពល្បីល្បាញជាសាកល ដោយសារបទភ្លេងដ៏ទាក់ទាញរបស់វា ដោយគ្របដណ្តប់លើតារាងតន្ត្រីអន្តរជាតិជាច្រើន។

មក​ដល់​ពេល​នេះ បទ​ចម្រៀង​របស់សមាជិកក្រុម Blackpink រូបនេះ មាន​អ្នក​ស្តាប់​លើស​មួយ​ពាន់​លាន​នាក់​នៅ​លើ Spotify ជាង ១.៤ ពាន់​លាន​មើល​នៅ​លើ YouTube និង​បាន​បង្កើត​កំណត់ត្រា​ផ្សេង​ទៀត។ ក្បាច់រាំ​ក្នុង​បទ​នេះ​ក៏​បាន​បង្កើត​ឲ្យមាន​ការ​ពេញ​និយម​លើ TikTok តាម​ពី​ក្រោយ​ដោយ​តារា​ល្បីៗ និង​អ្នក​បង្កើត​មាតិកា​ជា​ច្រើន។ លើសពីនេះ បទចម្រៀង APT របស់ Bruno និង Rosé បានឈ្នះពានរង្វាន់ Global Sensation នៅក្នុងកម្មវិធីវពានរង្វាន់ MAMA ឆ្នាំ ២០២៤ ថែមទៀតផង។

ក្រៅពី Rosé សិល្បករលេចធ្លោជាច្រើនត្រូវបានបញ្ចូលក្នុង Time 100 ដូចជាតារា Demi Moore, Scarlett Johansson, Blake Lively, តារាសម្តែង Adrien Brody, តារា Shogun Hiroyuki Sanada, តារាចម្រៀង Ed Sheeran, Hozier, តារារ៉េប Snoop Dogg ជាដើម។

ដោយឡែក សូម្បីតែតារាសម្តែង Lily Collins ក៏បានចូលទៅបញ្ចេញមតិលើកសរសើរ Rosé ដោយសរសេរថា «Rosé គឺជាអ្នកសម្ដែង និងជាអ្នកនិពន្ធបទចម្រៀង ជាសមាជិកនៃក្រុមចម្រៀងស្រីកំពូលរបស់ពិភពលោក និងជាសិល្បករទោលដ៏មានឥទ្ធិពល។ ខ្ញុំ​គិត​ថា​វត្តមាន​លើ​ឆាក​របស់​នាង​ គឺ​គួរ​ឲ្យកត់​សម្គាល់​ក្នុង​ការ​ចាប់​អារម្មណ៍​មនុស្ស​រាប់​មិន​អស់»។

សូមបញ្ចាក់ដែរថា បញ្ជីឈ្មោះ Time 100 ត្រូវបានបោះឆ្នោតជារៀងរាល់ឆ្នាំចាប់តាំងពីឆ្នាំ ២០០៤ ដោយចូលរួមពីក្រុមអ្នកសារព័ត៌មាន អ្នកនយោបាយ និងអ្នកប្រាជ្ញអាមេរិកល្បីៗ។ ទស្សនាវដ្តី Time បានចាត់ថ្នាក់តួអង្គជាប្រាំមួយប្រភេទដែលរួមមាន៖ សិល្បករ, រូបតំណាង, អ្នកដឹកនាំ, titans, អ្នកត្រួសត្រាយ និងអ្នកច្នៃប្រឌិត៕

អត្ថបទ៖ សាង ស្រីល័ក្ខ

ចុចអាន៖តារាថៃ Tono ​ដែល​ប្រឈម​រឿងអាស្រូវស្នេហា​ដ៏ក្តៅ​គគុក​ មានតម្លៃខ្លួន​មិនធម្មតា​​

The post តារាសម្តែង Kpop កញ្ញា Rosé ជាប់ក្នុងបញ្ចីអ្នកមានឥទ្ធិពលទាំង១០០ លើពិភពលោក appeared first on Kampuchea Thmey Daily.

ថ្មីៗនេះ វីដេអូ​ចម្រៀង​ថ្មី​របស់ Suzy បាន​បង្ក​ឱ្យ​មាន​ពាក្យ​ចចាម​អារ៉ាម​កាន់​តែ​ច្រើន​អំពី​ទំនាក់​ទំនង​របស់​ពួក​គេ។ យោងតាមអ្នកគាំទ្រមួយចំនួន ចិញ្ចៀនដែលនាងពាក់ក្នុង MV គឺជាចិញ្ចៀនមួយ ដែលត្រូវបានគេដឹងថា ជាចិញ្ចៀនរបស់គូស្នេហ៍។

អ្នកលេងបណ្ដាញអ៉ិនធើណែតម្នាក់ បានបញ្ចេញមតិថា “នៅជុំវិញឆ្នាំ 59 នៃសញ្ញា “ត្រលប់មកវិញ” មិនមែនជាចិញ្ចៀនដែលនាងពាក់ Tiffany & Co’s Milgrain ទេ? ខ្ញុំ​ឃើញ​ខ្សែ​មាស​នៅ​ខាង​លើ និង​ខាង​ក្រោម​ប្រាក់។ បើមែននោះ វាជាគូដែល Rosé តែងតែពាក់ម្រាមដៃទីបួនរបស់នាង។”

ការ​បង្ហោះ​អំពី​ចិញ្ចៀន​ចាប់​តាំង​ពី​នោះ​ បាន​រីក​រាល​ដាល​នៅ​លើកម្មវិធី X ដោយ​មាន​អ្នក​ចូល​មើល​ជាង ២ លាន​ដង ធ្វើឲ្យអ្នក​គាំទ្រ​រំភើប​ចិត្ត​ដែល​ កប៉ាល់​ របស់​ពួក​គេ​ហាក់​ដូច​ជា​កំពុង​ធ្វើ​ដំណើរ មានន័យថា គូផ្គងរបស់ពួកគេកំពុងតែបន្ដទៅមុខទៀតហើយ៕

The post Suzy ចេញចម្រៀងថ្មី ផ្ទុះការសង្ស័យជាថ្មី លួចទាក់ទងស្នេហាជាមួយ Rosé appeared first on Kampuchea Thmey Daily.

កាលពីឆ្នាំ២០២២ តារាសម្ដែងប្រុស Evan mock បានបង្ហោះរូបនៅក្នុង Story Instagram ដោយមានការថើបមាត់គ្នាជាមួយ Dominic Fike ដែលជាតារាប្រុសដូចគ្នា។ ជាមួយគ្នានេះដែរ រូបភាពថើបមាត់គ្នានេះ ត្រូវបានគាស់កកាយឃើញសារជាថ្មី កំឡុងពេលដែលអ្នកគាំទ្ររបស់ ROSÉ កំពុងតែសង្ស័យអំពីទំនាក់ទំនងរបស់នាង និង Evan។

យ៉ាងណាមិញ រូបមួយសន្លឹកនេះ បានធ្វើឲ្យអ្នកគាំទ្រមានការអស់ចម្ងល់ខ្លះដែរ ពាក់ព័ន្ធនឹងទំនាក់ទំនងស្នេហារបស់ ROSÉ និង Evan ដោយពេលនេះ​ ពួកគេបានគិតថា Evan គឺជាភេទទី៣ ឬស្រឡាញ់មនុស្សប្រុសដូចគ្នា។ ចំណែកឯ អ្នកគាំទ្រមួយចំណែកទៀតគិតដែរថា ROSÉ និង Evan គឺដូចគ្នា ដែលថាស្រឡាញ់ភេទដូចគ្នានេះឯង ការសង្ស័យមកកាន់ ROSÉ នេះ កើតឡើងយូរណាស់មកហើយ៕

The post តួសង្សារចាស់ ROSÉ ត្រូវបានគេរកឃើញរូបថតថើបមាត់គ្នា ជាមួយមនុស្សប្រុស appeared first on Kampuchea Thmey Daily.

ជាមួយគ្នានោះ​​​ បទ Toxic till the end របស់ ROSÉ ដែលជាចម្រៀងនិយាយរៀបរាប់អំពីរឿងរ៉ាវឈឺចាប់របស់នាង ជាមួយនឹងអតីតគូស្នេហ៍ ដែលកន្លងផុត២ឆ្នាំហើយ ប៉ុន្ដែនាងនៅតែមិនអាចបំភ្លេចរូបគេបាន។ ទន្ទឹមនឹងនោះ​ តួប្រុសដែលសម្ដែងជាសង្សារចាស់របស់ ROSÉ ក៏កំពុងតែត្រូវបានគេចាប់អារម្មណ៍ជាខ្លាំង។

តាមរយៈសកម្មភាពដ៏ស្និទស្នាល អោប ថើប របស់ Evan Mock សម្ដែងជាមួយតារាចម្រៀងស្រីរាងតូចច្រឡឹងរូបនេះ ធ្វើឲ្យអ្នកទស្សនាមានការចង់ស្គាល់បន្ថែមអំពីរូបលោកជាខ្លាំង។ តួយ៉ាង Evan មិនមែនជាមនុស្សប្លែកអំពីវិស័យសម្ដែងនេះទេ រូបលោកក៏ធ្លាប់ទទួលបានប្រជាប្រិយភាពនៅក្នុងការសម្ដែងក្នុងរឿងភាគហូលីវូដ Gossips Girls កាលពីឆ្នាំ2021។

សង្ខេបខ្លះៗ អំពី Evan Mock:

– កូនកាត់ ហ្វីលីពីន-អាមេរិក

– អាយុ ២៧ឆ្នាំ កើតនៅថ្ងៃទី០៧ ខែមេសា ១៩៩៧

-​ មានកម្ពស់ 1.78cm

– ជាតារាម៉ូដែល តារាសម្ដែង និង ជាអ្នកលេងស្គីក្ដាដ៏ជំនាញម្នាក់

Evan ហាក់ដូចជាស្និទស្នាលខ្លាំងជាមួយ rosé ទាំងក្នុង MV និងនៅក្រៅផងដែរ គេបានឃើញ rosé បណ្ដើរ Evan ចូលក្នុងកម្មវិធីជប់លៀងរបស់នាងទៀតផង៕

The post មកស្គាល់ពីតួប្រុសសង្សារចាស់ នៅក្នុង MV ចម្រៀងរបស់ ROSÉ appeared first on Kampuchea Thmey Daily.

ទន្ទឹមនឹងនោះ Rosé បានច្រៀងបទ APT ដែលជាបទកំពុងពេញនិយមរបស់នាង និងមួយបទទៀតគឺជាបទចម្រៀងដ៏ពេញនិយមនៅរដូវធ្លាក់ព្រិល បទ “Last Christmas” របស់ម្ចាស់ដើម Wham!។ ក្រោយពីវីដេអូនៃការច្រៀងផ្ទាល់របស់ Rosé ជាមួយនឹងបទ Cover របស់នាង ត្រូវបានអ្នកលេងបណ្ដាញសង្គមរិះគន់យ៉ាងចាស់ដៃ។

ភាគច្រើនគេបានខមិននៅក្រោមវីដេអូនោះថា​ រូបនាង ច្រៀងមិនពិរោះនោះទេ ពិបាកស្ដាប់ណាស់​ ហើយអ្នកលេងបណ្ដាញសង្គមក៏បានយកការច្រៀងរបស់ Rosé ទៅប្រៀបធៀបនឹងតារាចម្រៀងផ្សេងៗ ដែលធ្លាប់ឡើងមកកម្មវិធីនេះ ដែលមានសម្លេងពិរោះរណ្ដំ ស្ដាប់ហើយព្រឺសម្បុរ។

នៅក្នុងនោះ គេក៏បានប្រៀបធៀបនាងទៅនឹងតារាចម្រៀងស្រី Ariana Grande ដែលនាងស្រែកច្រៀងនៅលើកម្មវិធី ធ្វើឲ្យអ្នកទស្សនាស្រែកហ៊ោគ្រប់ៗគ្នា។ យ៉ាងណាមិញ អ្នកគាំទ្ររបស់សមាជិក Blackpink រូបនេះ នាំគ្នាចេញមុខការពារនាងពីពាក្យសម្ដីនៃការរិះគន់ ដោយតបទៅវិញថា Rosé ច្រៀងទាំងផ្ដាសាយ ប៉ុន្ដែវាពិរោះហើយ។

លើសពីនោះ ពួកក្រុម Blink ដែលជាអ្នកគាំទ្ររបស់ Blackpink បានចេញមកតវ៉ាថា នៅថ្ងៃដែលនាងឡើងច្រៀងនោះ នាងបាននិយាយថា មិនស្រួលខ្លួន ហ៊ាសំបោរ និង គ្រុនផ្ដាសាយ ហើយថតច្រៀងទាំងឈឺ វាជាមូលហេតុដែលនាងច្រៀងមិនសូវបានល្អ ប៉ុន្ដែយ៉ាងណាក៏វាពិរោះដែរ៕

The post Rosé ច្រៀង Live បទ Last Christmas មិនពិរោះ ! ត្រូវគេរិះគន់យ៉ាងចាស់ដៃ (មានវីដេអូ) appeared first on Kampuchea Thmey Daily.

នៅក្នុងកិច្ចសម្ភាសន៍មួយ ដែលបានធ្វើឡើងនៅប្រទេសជប៉ុន ដើម្បីផ្សព្វផ្សាយអាល់ប៊ុមចម្រៀងថ្មីរបស់ Rosé នាងបាននិយាយសន្ទនាទៅវិញទៅមកជាភាសាជប៉ុន ដោយមិនត្រូវការអ្នកបកប្រែ សូម្បីតែអ្នកដែលសម្ភាសន៍រូបនាងផ្ទាល់ ក៏ហាក់ដូចជាបង្ហាញការភ្ញាក់ផ្អើលជាមួយនឹងការនិយាយដ៏ល្អ ប្រៀបដូចជាជនជាតិជប៉ុន។

មូលហេតុដែលអ្នកលេងបណ្ដាញអ៉ិនធើណែតបង្ហាញការភ្ញាក់ផ្អើលចំពោះ Rosé គឺព្រោះតែគេមិនដែលបានឮនាងនិយាយជាភាសានេះឡើយ ភាគច្រើនគេឮតែនាងនិយាយអង់គ្លេស​ តែមិនដែលដឹងសោះថា Rosé អាចនិយាយភាសាជប៉ុន ប្រៀបដូចជាភាសារបស់ខ្លួនអញ្ចឹងដែរ។

យ៉ាងណាមិញ បើនិយាយអំពីតារា Kpop វិញ ភាគច្រើនពួកគេចេះនិយាយភាសាជប៉ុន ដែលភាសានេះ គេតម្រូវឲ្យតារាម្នាក់ៗរៀនឲ្យចេះស្ទាត់ ហើយវាក៏មិនមានអ្វីប្លែកដែរ ដែល Rosé អាចនិយាយបានល្អយ៉ាងនេះ គ្រាន់តែយើងមិនដែលបានឮ ព្រោះនាងមិនសូវចេញតាមកម្មវិធីណាមួយ ដែលត្រូវប្រើប្រាស់វាជាចាំបាច់៕

The post ផ្ទុះការភ្ញាក់ផ្អើល Rosé អាចនិយាយភាសាជប៉ុន បានយ៉ាងស្ទាត់ជំនាញ (មានវីដេអូ) appeared first on Kampuchea Thmey Daily.

សមាជិកក្រុម BLACKPINK បាន​ចែករំលែក​ក្នុង​បទសម្ភាសន៍​ថា «​ ខ្ញុំ​ប្រាប់ Taylor ថា ​ខ្ញុំ​ជា​អ្នក​គាំទ្រ​ដ៏​ធំ​របស់​នាង ហើយ​ខ្ញុំ​មាន​សំណួរ​មួយ​ចំនួន។ ពេល​នាង​ជួប​ខ្ញុំ នាង​បាន​និយាយ​ភ្លាម​ថា ប្រាប់​ខ្ញុំ ខ្ញុំ​នឹង​ជួយ​ខ្ញុំ។​ នាពេលនោះ នាងបានចែករំលែកបទពិសោធន៍ជាច្រើនជាមួយខ្ញុំ ហើយមានឆន្ទៈយ៉ាងខ្លាំងក្នុងការជួយខ្ញុំ។ នាង​បាន​ឲ្យ​លេខ​ទូរសព្ទ​របស់​នាង​មក​ខ្ញុំ ហើយ​និយាយ​ថា ហៅ​មក​ខ្ញុំ​ប្រសិន​បើ​អ្នក​ត្រូវ​ការ​ជំនួយ»។

Rosé ក៏បានសម្តែងការពេញចិត្តចំពោះការទទួលបានការណែនាំពី Taylor Swift នៅពេលនាងចាប់ផ្តើមអាជីពទោលរបស់នាងថា «​ ខ្ញុំពិតជាដឹងគុណចំពោះ Taylor ព្រោះនៅពេលនោះខ្ញុំមានអារម្មណ៍ថាខ្ញុំហត់បន្តិច។ នាងពិតជាមនុស្សដែលនាងស្រលាញ់បំផុត និងគាំទ្រស្ត្រី Taylor បានបង្រៀនខ្ញុំពីអ្វីដែលត្រូវយកចិត្តទុកដាក់ ដូចជាការដឹកជញ្ជូននៅពេលធ្វើការលើគម្រោងតន្ត្រី»។

មិនត្រឹមប៉ុណ្ណឹងទេ តារាស្រីកូរ៉េវ័យ២៧ឆ្នាំបានបញ្ចាក់បន្ថែមទៀតថា «​ Taylor បាន​ការពារ​ខ្ញុំ។ ការ​ក្លាយ​ជា​អ្នក​សិល្បៈ​ឯករាជ្យ​មិន​មែន​ជា​រឿង​ងាយ​ស្រួល​ទេ ហើយ​មាន​រឿង​ជា​ច្រើន​ដែល​ខ្ញុំ​ត្រូវ​ប្រយ័ត្ន។ នាង​បាន​ណែនាំ​ខ្ញុំ​យ៉ាង​យក​ចិត្ត​ទុក​ដាក់​លើ​គ្រប់​រឿង​ដែល​ខ្ញុំ​ត្រូវ​យក​ចិត្ត​ទុក​ដាក់។ នោះ​ជា​រឿង​ល្អ​បំផុត នាង​ជា​អ្នក​សិល្បៈ​ជោគជ័យ​ម្នាក់ និង​ចិត្ត​ល្អ​បំផុត​នៅ​ពេល​ដែល​នាង​មាន​ឆន្ទៈ​ណែនាំ​ខ្ញុំ អ្នក​ចម្រៀង​សំខាន់​របស់ BLACKPINK បាន​បង្ហើប​ប្រាប់​ »។

គួរបញ្ចាក់ថា អាល់ប៊ុមទោលដំបូងរបស់ Rosé ដែលមានចំណងជើងថា Rosie ត្រូវបានគេរំពឹងថា នឹងចេញជាផ្លូវការនៅខែធ្នូខាងមុខ។ និយាយអំពីហេតុផលនៃការជ្រើសរើសចំណងជើងសម្រាប់អាល់ប៊ុមដំបូងរបស់នាង Rosie ម្ចាស់បទ hybrid rose ជនជាតិអូស្ត្រាលី និយាយថា «​ ជាច្រើនយប់ដែលខ្ញុំងងុយគេងមានអារម្មណ៍ច្របូកច្របល់ និងបាត់បង់។ ប៉ុន្តែអរគុណចំពោះការគាំទ្រពីមនុស្សជាទីស្រឡាញ់ ក្រុមគ្រួសារ ក្រុមការងារ និងជាពិសេសជាទីស្រឡាញ់របស់ខ្ញុំ។ អ្នកគាំទ្រ ថ្ងៃនេះ ខ្ញុំពិតជារំភើបណាស់ក្នុងការប្រកាសកាលបរិច្ឆេទចេញអាល់ប៊ុមរបស់ខ្ញុំ។ ខ្ញុំដាក់បេះដូង និងកម្លាំងកាយចិត្តទៅក្នុងអាល់ប៊ុម ហើយមិនអាចរង់ចាំឲ្យអ្នកគ្រប់គ្នាស្តាប់កំណត់ហេតុប្រចាំថ្ងៃរបស់ខ្ញុំបានទេ។ Rosie ជា​ឈ្មោះ​ដែល​មិត្ត​ភក្តិ និង​គ្រួសារ​ខ្ញុំ​នៅ​តែ​ហៅ​ខ្ញុំ។ តាម​រយៈ​អាល់ប៊ុម​នេះ ខ្ញុំ​សង្ឃឹម​ថា​អ្នក​រាល់​គ្នា​នឹង​មាន​អារម្មណ៍​ជិត​ស្និទ្ធ​ជាមួយ​ខ្ញុំ»៕

អត្ថបទ៖ សាង ស្រីល័ក្ខ

ចុចអាន៖អ្នកបើកយន្តហោះ​ស្រីដំបូងគេរបស់ចិន ក្លាយជាបុគ្គលល្បី ដោយសារមុខដូច Song Hye-kyo

The post Rosé បង្ហាញការដឹងគុណដល់ Taylor Swift ពេលក្លាយជាតារាឯករាជ្យពេញទី appeared first on Kampuchea Thmey Daily.