សេដ្ឋកិច្ច
សហគមន៍កសិកម្មទំនើបដំណាំស្រូវថ្មី ៦ ទើបត្រូវបានបង្កើតឡើងនៅក្នុងរដូវកាលនេះ
សហគមន៍កសិកម្មទំនើបដំណាំស្រូវថ្មីស្រឡាងទាំង ៦ ដែលទើបត្រូវបានបង្កើតឡើងនៅក្នុងរដូវកាលនេះ និងបានតភ្ជាប់ទីផ្សារទុកជាមុនតាមរយៈការចុះកិច្ចសន្យាជាមួយក្រុមហ៊ុនវីរៈប៊ុនថាំ។
លោក ឃឹម ហ្វីណង់ អ្នកនាំពាក្យក្រសួងកសិកម្ម បានឱ្យដឹងថា សហគមន៍កសិកម្មទំនើបដំណាំស្រូវ ទាំង ៦ ដែលទើបតែបង្កើតឡើងនៅក្នុងរដូវកាលនេះ រួមមាន សហគមន៍កសិកម្មទំនើបរូងជ្រៃមានជ័យ (ស្រុកថ្មគោល ខេត្តបាត់ដំបង)៖ មានសមាជិក ១៨៧នាក់ ផ្ទៃដីដាំដុះ ៩៣៥ហិកតា ផលិតស្រូវស្រង៉ែស្រាល, សហគមន៍កសិកម្មទំនើបព្រះនេត្រព្រះមានជ័យ (ស្រុកព្រះនេត្រព្រះ ខេត្តបន្ទាយមានជ័យ)៖ សមាជិក ២៧៤នាក់ ផ្ទៃដីដាំដុះ ២៨១០ហិកតា ផលិតស្រូវស្រង៉ែស្រាលនិងស្រូវសែនក្រអូប។
សហគមន៍កសិកម្មទំនើបស្រូវ-អង្ករសុវត្ថិភាព (ស្រុកឯកភ្នំ ខេត្តបាត់ដំបង)៖ សមាជិក២១០នាក់ ផ្ទៃដីដាំដុះ ១២២០ហិកតា ផលិតស្រូវស្រង៉ែស្រាលនិងស្រូវសែនក្រអូប, សហគមន៍កសិកម្មទំនើបស្រូវ (ស្រុកបាណន់ ខេត្តបាត់ដំបង)៖ សមាជិក១៥៩នាក់ ផ្ទៃដីដាំដុះ ១០០៥ហិកតា ផលិតស្រូវស្រង៉ែស្រាល, សហគមន៍កសិកម្មទំនើបស្រូវប្រព័ន្ធធារាសាស្រ្តកង្ហត (ស្រុកសង្កែ ខេត្តបាត់ដំបង)៖ សមាជិក១៧៨នាក់ ផ្ទៃដីដាំដុះ ៩០០ហិកតា ផលិតស្រូវស្រង៉ែស្រាល និងសហគមន៍កសិកម្មទំនើបស្រូវ-អង្ករគុណភាព (ស្រុកមោងឬស្សី ខេត្តបាត់ដំបង)៖ សមាជិក ១៦៥នាក់ ផ្ទៃដីដាំដុះ ១៧៧៧ហិកតា ផលិតស្រូវស្រង៉ែស្រាល។
ជាមួយគ្នានេះដែរ បើគិតពីចំនួនសហគមន៍កសិកម្ម និងសហគមន៍កសិកម្មទំនើបទាំងអស់នៅប្រទេសកម្ពុជា គិតត្រឹមចុងខែមិថុនា ឆ្នាំ២០២៥ មានចំនួនសរុបប្រមាណ ១ ៤៣០ សហគមន៍ ដែលមានកសិករសមាជិកសរុបចំនួន ១៩៣ ៨៨៩ នាក់។
ដើម្បីធានាឱ្យបានថា សហគមន៍កសិកម្មទំនើបមានដើមទុនគ្រប់គ្រាន់សម្រាប់ប្រតិបត្តិការអាជីវកម្មរបស់ខ្លួន ក្រសួងកសិកម្មបានធ្វើការសម្របសម្រួលជាមួយស្ថាប័នហិរញ្ញវត្ថុដៃគូមួយចំនួន និងស្វែងរកប្រាក់កម្ចីដើមទុនការប្រាក់ទាប និងមិនតម្រូវឱ្យមានវត្ថុបញ្ចាំ ដែលអនុញ្ញាតឱ្យកសិករជាសមាជិកអាចចូលរួមក្នុងផលិតកម្មកសិកម្មបាន ដោយមិនចាំបាច់ជាប់បំណុលធនាគារដោយផ្ទាល់៕
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សន្តិសុខសង្គម២ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៦ ថ្ងៃ agoពូទីន ចំណាយជាង ២៦ពាន់លានដុល្លារ ស្វែងរកវិធីពន្យារជីវិត