ព័ត៌មានជាតិ

ក.វ ឦសាន្ត ជួបអ្នកវិនិយោគដើម្បីបញ្ជ្រាបពីផលប្រយោជន៍នៃការវិនិយោគក្នុងតំបន់

បានផុស

៧ ខែ មុន

នៅ

ថ្ងៃសៅរ៍ ១៥ វិច្ឆិកា ២០២៥

ដោយ

ក្រសួងសេដ្ឋកិច្ច និងរដ្ឋបាលខេត្តមណ្ឌលគិរីបានជួបជាមួយបណ្ដាក្រុមហ៊ុន និងអ្នកវិនិយោគក្នុងខេត្តនេះដើម្បីបញ្ជ្រាបពីគោលនយោបាយរបស់រដ្ឋាភិបាលសម្រាប់តំបន់នេះដែលផ្ដល់អត្ថប្រយោជន៍ជាច្រើនដល់អ្នកវិនិយោគ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងជំនួបកាលពីថ្ងៃទី១៤ ខែវិច្ឆិកា ឆ្នាំ២០២៥ អនុរដ្ឋលេខាធិការក្រសួងសេដ្ឋកិច្ច និងជាសមាជិកនៃក្រុមការងារជំរុញការវិនិយោគក្នុងភូមិភាគឦសាន្ត (ក.វ ឦសាន្ត) លោក ពេជ្រ សម្បត្តិ បានលើកឡើងថា ពីឆ្នាំ២០២៥ ដល់ឆ្នាំ២០២៨ អ្នកវិនិយោគទាំងអស់ក្នុងខេត្តភូមិភាគឦសាន្តនឹងទទួលការអនុគ្រោះមួយចំនួនលើផ្នែកពន្ធដារ និងគយ រួមទាំងទទួលបានការគាំទ្រពីហិរញ្ញប្បទានក្រោមអាត្រាការប្រាក់សមរម្យពីធនាគារសហគ្រាសធុនតូច និងមធ្យម និងធនាគារអភិវឌ្ឍន៍ជនបទនិងកសិកម្ម។ លោកថា វិធានការទាំងនេះនឹងជួយកាត់បន្ថយថ្លៃដើមផលិត ជាមួយគ្នានឹងការសម្រួលនីតិវិធី និងការគាំទ្រសកម្មភាពវិនិយោគឯកជន ខណៈ បច្ចុប្បន្នក្រុមការងារទទួលបន្ទុកបានចុះមូលដ្ឋានទាក់ទាញនិងជំរុញលើកទឹកចិត្តដល់វិនិយោគគិនក្នុងវិស័យទាំង៣ឱ្យឃើញពីសក្តានុពលនៃការវិនិយោគមកតំបន់នេះផងដែរ។

កម្ពុជាបានប្រកាសជាផ្លូវការដាក់ឱ្យអនុវត្ត «កម្មវិធីពិសេសជំរុញការវិនិយោគក្នុងខេត្តទាំងបួននៅភូមិភាគឦសាននៃព្រះរាជណាចក្រកម្ពុជា២០២៥-២០២៨» កាលពីថ្ងៃទី៩ ខែមេសា ឆ្នាំ២០២៥។ គោលដៅនៃកម្មវិធីនេះគឺដើម្បីកែប្រែមុខមាត់ខេត្តភូមិភាគឦសាន្តទាំង៤ ក្រចេះ ស្ទឹងត្រែង មណ្ឌលគិរី រតនៈគិរី ឲ្យទៅជាខេត្តដែលមានមូលដ្ឋានសេដ្ឋកិច្ចពឹងផ្អែកលើ កសិកម្ម កសិ-ឧស្សាហកម្ម និងវិស័យទេសចរ៕