សន្តិសុខសង្គម
បុរសម្នាក់ ធ្លាក់ពីលើអគារជួលជាន់ទី ២ ស្លាប់ក្នុងថ្លុកឈាម នៅខណ្ឌដង្កោ
បុរសម្នាក់ ត្រូវបានគេប្រទះឃើញដេកស្លាប់ក្នុងថ្លុកឈាមដោយធ្លាក់ពីលើអគារជាន់ទី ២ បង្កការភ្ញាក់ផ្អើលនៅវេលាម៉ោង ៦ និង ៣០ នាទី ថ្ងៃទី ១៧ ខែវិច្ឆិកា ឆ្នាំ ២០២៥ ត្រង់ចំណុចអគារបន្ទប់ជួលជាន់ទី ២ ពីខាងមុខបន្ទប់ជួលលេខ ៨០ ផ្លូវបេតុង ភូមិព្រៃទីទុយ សង្កាត់ព្រៃ.ស ខណ្ឌដង្កោ រាជធានីភ្នំពេញ។
សមត្ថកិច្ច បានឲ្យដឹងថា សពជនរងគ្រោះឈ្មោះ ក្រឹង រតនៈ ភេទប្រុស អាយុ ២២ ឆ្នាំ មុខរបរកម្មករ មានទីលំនៅភូមិជ័យសម្បត្តិ ឃុំតំបែរ ស្រុកតំបែរ ខេត្តត្បូងឃ្មុំ ស្នាក់នៅបន្ទប់ជួលលេខ ៨០ ជាន់ទី ២ ទីតាំងកើតហេតុខាងលើ។
តាមការបំភ្លឺពីឈ្មោះ ឃិត ស្រីនិត ភេទស្រី អាយុ ២១ ឆ្នាំ ជាមិត្តភ័ក្ដិស្នាក់នៅជាមួយជនរងគ្រោះ បានឲ្យដឹងថា រូបគាត់ និងជនរងគ្រោះ ព្រមទាំងមិត្តភ័ក្ដិចំនួន ៣ នាក់ទៀត បានជួលបន្ទប់ស្នាក់នៅជាមួយគ្នា។ កន្លងមក ជនរងគ្រោះ តែងតែយកអង្រឹងចងដេកមុខបន្ទប់។ លុះនៅវេលាម៉ោងប្រហែល ២៣ និង ៥៥ នាទី ថ្ងៃទី ១៦ ខែវិច្ឆិកា ឆ្នាំ ២០២៥ ជនរងគ្រោះបានត្រឡប់មកដល់បន្ទប់វិញដោយអាការស្រវឹងស្រាខ្លាំង ដើរទ្រេតទ្រោត រួចក៏យកអង្រឹងទៅចងដេកមុខបន្ទប់ដូចសព្វដង។ លុះមួយសន្ទុះក្រោយមក ស្រាប់តែឮសំឡេងលាន់ស័ង្កសីប្រាវ ដោយគិតថាឆ្មាលោត។ រហូតនៅវេលាម៉ោងប្រហែល ៥ និង ៣០ នាទី ព្រឹកថ្ងៃទី ១៧ វិច្ឆិកា នេះ ក៏មានមនុស្សផ្អើលឆោឡោថាមានមនុស្សស្លាប់ ទើបរូបគាត់ និងគ្នីគ្នា បានបើកបន្ទប់ចេញមកក្រៅមើលទៅក្រោមឃើញសាកសពជនរងគ្រោះស្លាប់នៅលើសាបជាន់ក្រោមពីខាងក្រោមបង្កាន់ដៃបន្ទប់។
ដោយឡែកយោងតាមរូបភាពកាមេរ៉ាសុវត្ថិភាពឃើញថា នៅវេលាម៉ោង ០០ និង ៣០ នាទី ថ្ងៃទី ១៧ ខែវិច្ឆិកា ឆ្នាំ ២០២៥ ជនរងគ្រោះបានឈរនោមនៅពីខាងមុខបន្ទប់នៅជាន់ទី ២ រួចក៏មានអាការដើរទ្រេតទ្រោត ហើយក៏ដើរទៅមុខវិញតោងឡើងបង្កាន់ដៃ និងបានរបូតដៃធ្លាក់ចុះទៅក្រោមតែម្នាក់ឯង មិនឃើញមានអ្នកណានៅក្បែរនោះទេ។
តាមការពិនិត្យកន្លែងកើតហេតុពីឧកញ៉ាវេជ្ជបណ្ឌិត នង សុវណ្ណរ័ត្ន គ្រូពេទ្យកោសល្យវិច័យអមតុលាការរាជធានីភ្នំពេញ បានសន្និដ្ឋានថា ជនរងគ្រោះស្លាប់ដោយប៉ះទង្គិចក្បាល និងខ្លួនប្រាណធ្ងន់ធ្ងរ (ធ្លាក់ពីលើបង្កាន់ដៃអគារជាន់ទី ២)។ បច្ចុប្បន្ន សាកសព ត្រូវបានប្រគល់ជូនក្រុមគ្រួសារយកទៅធ្វើបុណ្យតាមប្រពៃណី៕
អត្ថបទ ៖ សុខា
-
ព័ត៌មានអន្ដរជាតិ១៤ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ