សេដ្ឋកិច្ច

តម្លៃហាងឆេងមាសកើនឡើងជិត ៥១០០ ដុល្លារ មួយតម្លឹងនៅថ្ងៃច័ន្ទនេះ

បានផុស

៦ ខែ មុន

នៅ

ថ្ងៃចន្ទ ១ ធ្នូ ២០២៥

ដោយ

តម្លៃហាងឆេងមាសបានហក់ឡើងវិញដល់ ៥០៩៦ ដុល្លារ ក្នុងមួយតម្លឹង គិតត្រឹមព្រឹកថ្ងៃច័ន្ទនេះ នៅមុនពេលដែលធនាគារកណ្ដាលសហរដ្ឋអាមេរិក ត្រៀមកាត់បន្ថយអត្រាការប្រាក់នៅថ្ងៃទី ១០ ខែធ្នូ ឆ្នាំ ២០២៥។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ឡុង សំណាង ប្រធានផ្នែកប្រឹក្សាយោបល់ហិរញ្ញវត្ថុក្រុមហ៊ុន PP Link securities ប្រាប់កម្ពុជាថ្មីថា ធនាគារកណ្ដាលអាមេរិកនឹងកាត់បន្ថយអត្រាការប្រាក់ ០.២៥ បន្ថែមទៀត ដែលបញ្ជាក់ពីកម្សោយប្រាក់ដុល្លារ។ ភាគរយនៃការកាត់បន្ថយអត្រាការប្រាក់ខ្ពស់ដែលធនាគារកណ្ដាលអាមេរិក មានគោលដៅទម្លាក់មកនៅ ៣.៧៥% ខណៈអត្រាការប្រាក់ចាស់ឈរនៅ ៤% ដែលព័ត៌មាននេះ រុញច្រានឱ្យតម្លៃមាសកើនឡើង។

លោក ឡុង សំណាង បន្ថែមថា៖ «ការកាត់បន្ថយអត្រាការប្រាក់បញ្ជាក់ពីប្រាក់ដុល្លារខ្សោយ ពេលដែលកាត់ទៅបានន័យថា លុយដុល្លារ នឹងធ្លាក់ថ្លៃ លុយដុល្លារប្រៀបធៀបជាមួយតម្លៃហាងឆេងមាស ដល់ពេលធ្លាក់ថ្លៃចំនួនប្រាក់ដុល្លារ មិនថែម ឧទាហរណ៍ថា ១ តម្លឹង ៤៩០០ ពេលដែលដុល្លារធ្លាក់ថ្លៃ វាឡើង ៥០០០ ឬ៥២០០ អញ្ចឹងនេះជាឱកាសមួយសម្រាប់បងប្អូនទិញមាសចូលដែរ»។

លោក ឡុង សំណាង បានបញ្ជាក់ថា នៅពេលមានវិបត្តិសេដ្ឋកិច្ចកើតឡើង វិនិយោគិនធំៗ និងធនាគារឯកជននៅលើពិភពលោកគិតថា មានតែហាងឆេងមាសទេ ដែលមានសុវត្ថិភាព ហើយនាំគ្នាសម្រុកទិញមាសទុក ដោះស្រាយនៅពេលប្រទេសរបស់ខ្លួនមានបញ្ហា ដែលនាំឱ្យមាសកើនឡើង។

សម្រាប់ហាងនានាក្នុងរាជធានីភ្នំពេញ លក់ចេញក្នុងតម្លៃ ៥០៩ ដុល្លារ ក្នុងមួយជីនៅព្រឹកថ្ងៃទី ០១ ខែធ្នូ ឆ្នាំ ២០២៥៕

អត្ថបទ៖ ឡេង ដេត