សេដ្ឋកិច្ច

តម្លៃហាងឆេងមាសដាំក្បាលចុះ នៅថ្ងៃចន្ទនេះ

បានផុស

១ ខែ មុន

នៅ

ថ្ងៃចន្ទ ១៨ ឧសភា ២០២៦

ដោយ

តម្លៃហាងឆេងមាសបានដាំក្បាលចុះដល់ ៥៤២៦ ដុល្លារ ក្នុងមួយតម្លឹងនៅថ្ងៃចន្ទទី ១៨ ឧសភា ២០២៦នេះ ខណៈអ្នកវិនិយោគកំពុងតាមដានដំណោះស្រាយទំនាស់រវាងសហរដ្ឋអាមេរិក និងអ៊ីរ៉ង់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ឡុង សំណាង នាយកអភិវឌ្ឍអាជីវកម្មនៃក្រុមហ៊ុន PP Link securities ប្រាប់កម្ពុជាថ្មីថា តម្លៃមាសបានធ្លាក់ចុះខ្លាំងក្រោមសម្ពាធនៃប្រាក់ដុល្លារផងដែរ ដោយសារប្រាក់ដុល្លារឡើងថ្លៃខ្លាំង។

លោក ឡុង សំណាង បញ្ជាក់ថា៖ «មានកត្តា ២ ដែលធ្វើឱ្យប្រាក់ដុល្លារ ឡើងថ្លៃ ទី១ តម្លៃប្រេងដែលយកប្រាក់ដុល្លារទៅទិញ ដែលមានតម្លៃជាង ១០០ ដុល្លារ ទី២ ជំនូបរវាងមេដឹកនាំអាមេរិក-ចិន ដែលទទួលបានផ្លែផ្កាច្រើន ដែលរុញច្រានប្រាក់ដុល្លារឱ្យកើនឡើង និងធ្វើឱ្យហាងឆេងមាសធ្លាក់ចុះ»។

បើតាមលោក ឡុង សំណាង ដោយសារលក្ខខណ្ឌសម្ពាធសង្គ្រាមរវាងសហរដ្ឋអាមេរិក និងអ៊ីរ៉ង់ បានធ្វើឱ្យសម្ពាធនៃការប្រែប្រួលតម្លៃហាងឆេងមាស មានកម្រិតខ្ពស់ក្នុងការកែប្រែប្រួលឡើងចុះ ខណៈគំនាបមួយនេះ គឺជាគំនាបដ៏តឹងតែង ដែលអាចឱ្យតម្លៃហាងឆេងមាស ស្ថិតនៅតម្លៃជាង ៥ ពាន់ដុល្លាររយៈពេលយូរ៕