សេដ្ឋកិច្ច

កម្ពុជាអនុម័តគម្រោងវិនិយោគ ១០៥ ជាមួយទុនជាង ៩០០ លានដុល្លារ ត្រឹមរយៈពេល ២ ខែ

បានផុស

៤ ខែ មុន

នៅ

ថ្ងៃព្រហស្បតិ៍ ១២ មីនា ២០២៦

ដោយ

គិតចាប់ពីខែមករាដល់ខែកុម្ភៈ ឆ្នាំ ២០២៦ ក្រុមប្រឹក្សាអភិវឌ្ឍន៍កម្ពុជា បានអនុម័តគម្រោងវិនិយោគសរុបចំនួន ១០៥ គម្រោង ជាមួយទំហំទុនវិនិយោគ ៩៦៦ លានដុល្លារ និងអាចបង្កើតការងារបានប្រមាណ ៣៩ ពាន់កន្លែង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ត្រឹមតែមួយខែកុម្ភៈ គម្រោងវិនិយោគចំនួន ៤២ ក្នុងទំហំទុនវិនិយោគ ប្រមាណ ១៦៦ លានដុល្លារ។ គ្រោងវិនិយោគដែលត្រូវបានចុះបញ្ជីក្នុងខែកុម្ភៈ មានរោងចក្រកាត់ដេរសម្លៀកបំពាក់ ស្បែកជើង និងការបូប រោងចក្រគ្រឿងបង្គុំបន្ទះសូឡា និងគ្រឿងបង្គុំអគ្គិសនី និងគម្រោងផ្សេងៗទៀត។

លោកឧបនាយករដ្ឋមន្ត្រី ស៊ុន ចាន់ថុល អនុប្រធានទី១ ក្រុមប្រឹក្សាអភិវឌ្ឍន៍កម្ពុជា មានប្រសាសន៍ថា កំណើននៃទុនវិនិយោគជាបន្តបន្ទាប់ឆ្លុះបញ្ចាំងពីទំនុកចិត្តរបស់អ្នកវិនិយោគនៅកម្ពុជា ខណៈរាជរដ្ឋាភិបាលបានខិតខំប្រឹងប្រែងធ្វើកំណែទម្រង់ ដើម្បីបង្កភាពងាយស្រួលដល់អ្នកវិនិយោគ។

ក្រុមប្រឹក្សាអភិវឌ្ឍន៍កម្ពុជា បានអនុម័តគម្រោងវិនិយោគចំនួន ៦៣០ គម្រោង ក្នុងទំហំទឹកប្រាក់ ១០ ពាន់លានដុល្លារ នៅក្នុងឆ្នាំ ២០២៥ កើនឡើង ៤៥% ធៀបនឹងឆ្នាំ ២០២៤៕