ព័ត៌មានជាតិ

ការរៀបចំបាវខ្សាច់ការពារច្រាំងទន្លេបាក់ស្រុតនៅស្រុកស្រីសន្ធរ និងស្រុកកងមាសសម្រេចបាន៣៥ភាគរយហើយ

បានផុស

៤ years មុន

នៅ

ថ្ងៃសុក្រ ១៤ ឧសភា ២០២១

ដោយ

អាជ្ញាធរខេត្តកំពង់ចាមបានឲ្យដឹងថា ការរៀបចំបាវខ្សាច់ការពារច្រាំងទន្លេដែលបានបាក់ស្រុតនៅស្រុកស្រីសន្ធរ និងស្រុកកងមាសបានបូមខ្សាច់ធ្វើទ្រនាប់បាតច្រាំង និងបានដាក់បាវខ្សាច់ តម្រៀបនៅជាន់ក្រោម សម្រេចបានប្រមាណ៣៥%ក្នុងចំណោមប្រវែង២.០០០ម៉ែត្រហើយគ្រោងនឹងធ្វើឲ្យរួចរាល់នៅមុនរដូវទឹកឡើងខាងមុខនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ហេង វណ្ណនី អភិបាលរងខេត្តកំពង់ចាមដែលបានចុះពិនិត្យវឌ្ឍនភាពរៀបចំបាវខ្សាច់ការពារច្រាំងទន្លេនៅស្រុកទាំងពីរខាងលើនេះនៅរសៀលថ្ងៃទី១៣ ខែឧសភាបានបន្តថា គម្រោងនេះអនុវត្តដោយក្រុមហ៊ុន រីវើសាយ ឌីវើឡុបមិនបច្ចុប្បន្នក្រុមហ៊ុនការបូមខ្សាច់ធ្វើទ្រនាប់បាតច្រាំង និងបានដាក់បាវខ្សាច់ តម្រៀបនៅជាន់ក្រោម សម្រេចបានប្រមាណ៣៥% ក្នុងនោះ១-ឃុំឫស្សីស្រុក ស្រុកស្រីសន្ធរ អនុវត្តបានប្រវែង ៨០០ម៉ែត្រ ក្នុងការបូមខ្សាច់ដាក់ទ្រនាប់បាត និងរៀបបាវខ្សាច់ផ្នែកខាងក្រោមបាន១០០ម៉ែត្រ នៃ ច្រាំងដែលបាក់ស្រុត ដែលត្រូវសាងសង់ សរុបប្រវែង ១.០០០ម៉ែត្រ។

២.ឃុំកោះអណ្តែត ស្រុកស្រីសន្ធរ អនុវត្តបាន ៥០០ម៉ែត្រ ក្នុងការបូមខ្សាច់ដាក់ទ្រនាប់បាត និង រៀបបាវខ្សាច់ផ្នែកខាងក្រោម នៃប្រវែងច្រាំងដែលបាក់ស្រុត ដែលត្រូវសាងសង់ សរុបប្រវែង ៥០០ម៉ែត្រ។

៣.ឃុំសូគង ស្រុកកងមាស អនុវត្តបាន ២៥០ម៉ែត្រ ក្នុងការបូមខ្សាច់ដាក់ទ្រនាប់បាត និងរៀបបាវខ្សាច់ផ្នែកខាងក្រោម នៃប្រវែងច្រាំងដែលបាក់ស្រុត ដែលត្រូវសាងសង់ សរុបប្រវែង ៥០០ម៉ែត្រ។