ព័ត៌មានអន្ដរជាតិ

ជប៉ុនផ្តល់វ៉ាក់សាំង AZ ១.២៤លានដូសឥតគិតថ្លៃដល់តៃវ៉ាន់ រំពឹងដល់ល្ងាចនេះ

បានផុស

៥ years មុន

នៅ

ថ្ងៃសុក្រ ៤ មិថុនា ២០២១

ដោយ

ប្រទេសជប៉ុនបានសម្រេចផ្តល់វ៉ាក់សាំងការពារកូវីដ-១៩ AstraZeneca ចំនួន ១.២៤លានដូសទៅឲ្យកោះតៃវ៉ាន់ដោយឥតគិតថ្លៃ។ នេះបើតាមរដ្ឋមន្ត្រីក្រសួងការបរទេសលោក Toshimitsu Motegi និយាយនៅថ្ងៃសុក្រ ទី៤ ខែមិថុនានេះប៉ុន្មានម៉ោងមុនពេលដឹកជញ្ជូនទៅ។

លោក Motegi ប្រាប់អ្នកសារព័ត៌មាននៅទីក្រុងតូក្យូថា ៖«យើងទទួលបានសំណើរសុំពីប្រទេស និងតំបន់ជាច្រើនអំពីវ៉ាក់សាំង»។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

«ប្រការនេះ យើងបានបញ្ចប់ចំពោះការរៀបចំតាមសំណើររបស់តៃវ៉ាន់។ ហើយយើងនឹងផ្តល់វ៉ាក់សាំង AstraZeneca ចំនួន១.២៤លានដូសដោយឥតគិតថ្លៃ ដែលវ៉ាក់សាំងនេះផលិតនៅប្រទេសជប៉ុន»។ លោកបានបញ្ជាក់។

លោក Motegi បន្ថែមថា វ៉ាក់សាំងទាំងនេះនឹងត្រូវរៀបចំពិធីប្រគល់ជូននៅស្ថានទូតរបស់ជប៉ុនប្រចាំកោះតៃវ៉ាន់ ហើយអាចនឹងទៅដល់នាល្ងាចថ្ងៃសុក្រនេះ។

កោះតៃវ៉ាន់បានកំពុងប្រយុទ្ធនឹងរលកផ្ទះកូវីដ-១៩ក្នុងស្រុកអាក្រក់ ហើយការចាក់វ៉ាក់សាំងដល់ប្រជាជនរបស់ខ្លួយមិនទាន់បាន៣%ផង។

ប្រទេសជប៉ុនបានចុះកិច្ចសន្យាទទួលយកវ៉ាក់សាំងការពារកូវីដ-១៩ជាង៣០០លានដូសពីវ៉ាក់សាំង Pfizer, Moderna និង AstraZeneca ដែលចំនួននេះលើសចំនួនប្រជាជនរបស់ខ្លួនទៀតផង។

រដ្ឋមន្ត្រីក្រសួងការបរទេសបាននិយាយក្នុងសេចក្តីប្រកាសមួយថា ៖«ទំនាក់ទំនងរវាងកោះតៃវ៉ាន់ និងជប៉ុនកាន់តែជិតស្និទ្ធ ហើយសម្ព័ន្ធភាពរបស់យើងរឹងមាំ និងស៊ីជម្រៅ។ នៅពេលណាក៏ដោយ ឲ្យតែមានគ្រោះមហន្តរាយ ឬគ្រោះថ្នាក់អ្វីកើតឡើង ភាគីទាំងពីរតែងតែជួយគ្នាទៅវិញទៅមកភ្លាមៗ ហើយបញ្ជូនទាន់ពេលវេលាតាមសេចក្តីត្រូវការ»។

ជប៉ុនបានអនុម័តជាផ្លូវការលើវ៉ាក់សាំង AstraZeneca កាលពីខែមុន និងបានចុះកុងត្រាទិញចំនួន១២០លានដូស។ ប៉ុន្តែមិនមានផែនការត្រូវការប្រើប្រាស់វ៉ាក់សាំងនេះភ្លាមៗទេ ចំពេលមានក្តីបារម្ភជុំវិញករណីឈាមកកដែលត្រូវបានរាយការណ៍នៅក្រៅប្រទេស៕

ប្រែសម្រួល៖ វីរបុត្រ
ប្រភព៖ focustaiwan

Related Topics:ប្រទេសជប៉ុន កោះតៃវ៉ាន់

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា