ព័ត៌មានជាតិ

ត្រឹមថ្ងៃបើកដំបូង ផ្សារធំថ្មី មានមនុស្សជិត១ពាន់នាក់ទៅ តែគណៈកម្មការផ្សារយកចិត្តទុកដាក់ជាងមុនទ្វេដង

បានផុស

៤ years មុន

នៅ

ថ្ងៃអង្គារ ១៥ មិថុនា ២០២១

ដោយ

ផ្សារធំថ្មី ជាផ្សារធំមួយក្នុងចំណោមផ្សាររដ្ឋទាំង២៥ នៅក្នុងរាជធានីភ្នំពេញ នៅព្រឹកថ្ងៃទី១៥មិថុនា ដែលជាថ្ងៃដំបូងនៃការបើកឲ្យដំណើរការផ្សារជាធម្មតាឡើងវិញនេះ ផ្សារធំថ្មី បានទទួលប្រជាពលរដ្ឋដែលចេញ ចូលទិញឥវ៉ាន់ប្រមាណជិត១ពាន់នាក់។ ជាមួយគ្នានោះ គណៈកម្មការផ្សារបានយកចិត្តទុកដាក់ ក្នុងការទប់ស្កាត់ការរីករាលដាលជំងឺកូវីដ-១៩ ខ្លាំងជាងមុនទៀតទ្វេដង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រី ប៉ុន ដានី ប្រធានគណៈកម្មការគ្រប់គ្រងផ្សារធំថ្មី បានមានប្រសាសន៍លើកឡើងថា លោក ឃួង ស្រេង អភិបាលរាជធានីភ្នំពេញ បានយកចិត្តទុកដាក់ណាស់ ដើម្បីបង្ការនិងទប់ស្កាត់ជំងឺកូវីដ-១៩ ដោយកន្លងមកនេះផ្សារទាំង២៥នៅក្នុងរាជធានី ត្រូវបានលោក ឃួង ស្រេង ចែកម៉ាស អាល់កុល ម៉ាស៊ីនវាស់កម្ដៅជាច្រើនលើករួចមកហើយ ដើម្បីធ្វើយ៉ាងណាទប់ស្កាត់ជំងឺកូវីដ-១៩នេះឲ្យបានជោគជ័យ។ លោកស្រីបន្តថា ក្នុងផ្សារធំថ្មី អាជីវករ បានពាក់ម៉ាសគ្រប់គ្នា វាស់កម្ដៅពេលចេញចូល ដាក់QR Codeនិងបានណែនាំបងប្អូនជាប់ជាប្រចាំ ទាំងអ្នកលក់និងអ្នកចេញចូលផ្សារ លាងដៃជាមួយសាប៊ូនិងជែល ដែលក្រុមការងារបានរៀបចំរួចជាស្រេច។

លោកស្រីបញ្ជាក់ថា ការបើកផ្សារឡើងវិញលើកនេះ គណៈកម្មការផ្សារបានយកចិត្តទុកដាក់ខ្លាំងជាងមុនទ្វេ ដើម្បីទប់ស្កាត់ការរីករាលដាលជំងឺកូវីដ-១៩។ លើសពីនេះលោកស្រី ប៉ុន ដានី បានបញ្ជាក់ឲ្យដឹងបន្តនៅរសៀលថ្ងៃទី១៥ ខែមិថុនា ឆ្នាំ២០២១នេះថា រដ្ឋបាលរាជធានីភ្នំពេញ អនុញ្ញាតឲ្យបើកដំណើរការផ្សាររដ្ឋទាំងអស់ក្នុងរាជធានីភ្នំពេញឡើងវិញ។ សម្រាប់ផ្សារធំថ្មីរបស់លោកស្រីបានបើកទ្វារ៤ ច្រកបន្ថែមសរុបទាំងអស់ ១២ច្រក មានម៉ាស៊ីន វាស់កម្ដៅ ២០គ្រឿង បានប្រើប្រាស់អាល់កុលអស់ ២០ លីត្រ/ថ្ងៃ។ បានអនុវត្តន៍វិធានសុខាភិបាល បីកុំ បីការពារ ពីរចូលរួម។ ផ្សារំថ្មីមានតូប ៣,២៨០ តូប និង១៩៨គ្រែចល័ត ចំនួនតូបនិង គ្រែចល័ត មកលក់ដូរ មានចំនួន ៥២៥ ស្មើនឹង១៥%។ គិតចាប់ពីម៉ោង ៥:៣០នាទីមកដល់ម៉ោង ១១:០០នាទីភ្ញៀវចូលផ្សារមានចំនួន ៨៦៤នាក់។ បានប្រើប្រាស់កម្លាំងមាន គណៈអភិបាល សមាជិក សន្តិសុខ កម្មករអនាម័យ កម្មករ កម្លាំង ប៉ូលិសសហការសរុបមានចំនួន ៨៨នាក់៕