ព័ត៌មានជាតិ
បំណែកគណបក្ស “សង្គ្រោះជាតិ” មួយក្រុមទៀត ចេញបង្កើតគណបក្សថ្មី
អតីតថ្នាក់ដឹកនាំ និងសកម្មជន នៃអតីតគណបក្សសសង្រ្គោះជាតិមួយក្រុមទៀត បានចេញទៅបង្កើតគណបក្សមួយទៀត ដែលមានឈ្មោះថា “គណបក្សកម្ពុជានិយម” ហើយគណបក្សនេះ ត្រូវបានក្រសួងមហាផ្ទៃ អនុញ្ញាតឱ្យបង្កើតរួចហើយ តែនៅមានបែបបទ និងលក្ខខណ្ឌមួយចំនួនទៀត ដែលត្រូវបំពេញ។
ក្រសួងមហាផ្ទៃ តាមរយៈលិខិតមួយច្បាប់ចុះថ្ងៃទី២៣ ខែកក្កដា ឆ្នាំ២០២១ ដែលផ្ញើជូនលោក អូក អ៊ី តំណាងស្ថាបនិកគណក្សកម្ពុជានិយមថា សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានសម្រេចអនុញ្ញាតឱ្យបង្កើត “គណបក្សកម្ពុជានិយម” ដើម្បីចូលរួមការប្រកួតប្រជែងក្នុងការបោះឆ្នោតជាបន្តបន្ទាប់នាពេលខាមុខ។
គណបក្សកម្ពុជានិយម សរសេរជាអក្សរកាត់ “ប.ក” និងមានអាសយដ្ឋាននៅបុរីពិភពថ្មី កួរស្រូវ៣ ផ្ទះលេខ៥២-៥៤ ផ្លូវបេតុង៩ម៉ែត្រ ភូមិកណ្តាល សង្កាត់រលួស ខណ្ឌដង្កោ រាជធានីភ្នំពេញ។ លិខិតរបស់សម្តេចក្រឡាហោម ស ខេង បញ្ជាក់ថា ដើម្បីអាចធ្វើសកម្មភាពនយោបាយបានដោយស្របច្បាប់ ក្នុងរយៈពេល១៨០ថ្ងៃ បន្ទាប់ពីបានបង្កើតរួចហើយ គណបក្សនេះត្រូវរៀបចំបែបបទ និងបំពេញលក្ខខណ្ឌស្នើសុំចុះបញ្ជីនៅក្រសួងមហាផ្ទៃ ស្របទៅតាមមាត្រា៩ មាត្រា១៨ថ្មី មាត្រា១៩ថ្មី និងមាត្រា២០ នៃច្បាប់ស្តីពីគណបក្សនយោបាយ។
ទាក់ទងការបង្កើតគណបក្សថ្មីនេះ “កម្ពុជាថ្មី” នៅមិនទាន់អាចស្វែងរកការបញ្ជាក់ពីលោក អូក អ៊ី ដែលជាតំណាងស្ថាបនិកគណក្សកម្ពុជានិយមបាននៅឡើយទេ ប៉ុន្តែយោងតាមប្រភពមួយចំនួនបានអះអាងថា ស្ថាបនិកគណក្សកម្ពុជានិយមឈ្មោះ អូក អ៊ី គឺជាអតីតយុវជន និងជាសកម្មជន នៃអតីតគណបក្សសង្គ្រោះជាតិ ហើយជាក្រុមមនុស្សរបស់លោក យ៉ែម បុញ្ញប្ញទ្ធិ តំណាងរាស្រ្តមណ្ឌលព្រៃវែង នៃអតីតគណបក្សសង្រ្គោះជាតិ។
សូមបញ្ជាក់ថា រហូតមកដល់ពេលនេះ មានអតីតមន្ត្រីជាន់ខ្ពស់ ក៏ដូចជាអតីតថ្នាក់ដឹកនាំ នៃអតីតគណបក្សសង្គ្រោះជាតិ ចំនួន២៤នាក់ហើយ ត្រូវបានព្រះមហាក្សត្រ និងប្រមុខរដ្ឋស្តីទី ផ្តល់នីតិសម្បទាឱ្យធ្វើនយោបាយឡើងវិញ ក្រោយពីអ្នកទាំងនោះ ត្រូវបានហាមឃាត់មិនឱ្យធ្វើសកម្មភាពនយោបាយរយៈពេល ៥ឆ្នាំ តាមអំណាចសាលដីការបស់តុលាការកំពូល ចុះថ្ងៃទី ១៦ ខែវិច្ឆិកា ឆ្នាំ២០១៧ ដែលបានសម្រេចរំលាយអតីតគណបក្សសង្គ្រោះជាតិ។
រហូតមកដល់ពេលនេះ មានគណបក្សនយោបាយចំនួន៦ហើយ ដែលបានបង្កើតឡើងដោយអតីតមន្ត្រីគណបក្សប្រឆាំង រួមមាន “គណបក្សឆន្ទៈខ្មែរ” របស់លោក គង់ មូនីកា កូនប្រុសរបស់លោក គង់ គាំ “គណបក្សខ្មែរអភិរក្ស” របស់លោក រៀល ខេមរិន្ទ “គណបក្សខ្មែរស្រឡាញ់ជាតិ” របស់លោក ជីវ កត្តា “គណបក្សកំណែទម្រង់កម្ពុជា” របស់លោក ប៉ុល ហំម និងលោក អ៊ូ ច័ន្ទរ័ត្ន “គណបក្សបេះដូងជាតិ” ដែលត្រូវបានគេអះអាងថា ជារបស់លោក ថាច់ សេដ្ឋា និង “គណបក្សកម្ពុជានិយម” នេះ៕
អត្ថបទ៖ កោះកែវ
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត