នយោបាយ
នាយឧត្តមសេនីយ៍ ខៀវ សុភ័គ បញ្ជាក់ពីគ្រោងរៀបចំសមាជរបស់គណបក្សភ្លើងទៀន នៅទី២២ សីហា ខាងមុខ
មន្ត្រីជាន់ខ្ពស់គណបក្សភ្លើងទៀនបានបង្ហើបឲ្យដឹងថា “គណបក្សភ្លើងទៀន (Candle Light Party)” ដែលមានដើមកំណើតពីអតីត “គណបក្ស សម រង្ស៊ី” គ្រោងរៀបចំសមាជវិសាមញ្ញរបស់ខ្លួន នៅថ្ងៃអាទិត្យ ទី២២ ខែសីហា ឆ្នាំ២០២១ ខាងមុខនេះ ដើម្បីធ្វើវិសោធនកម្មប្រការមួយចំនួននៃលក្ខន្តិកៈ និងជ្រើសរើសថ្នាក់ដឹកនាំអាណត្តិថ្មី ហើយក្នុងនោះ ក៏មានការកំណត់យុទ្ធសាស្ត្រនយោបាយរបស់គណបក្សផងដែរ។
ចំពោះការរៀបចំសមាជនេះ កម្ពុជាថ្មីមិនអាចទំនាក់ទំនងសុំការបញ្ជាក់ពីលោក ទាវ វណ្ណុល ប្រធានគណបក្សភ្លើងទៀនបានទេ ប៉ុន្តែលោកបានប្រាប់អ្នកសារព័ត៌មានថា គណបក្សភ្លើងទៀន គ្រោងរៀបចំសមាជសាមញ្ញរបស់ខ្លួន នៅសណ្ឋាគារសាន់វេ (Sunway Hotel Cambodia) ប៉ុន្តែដោយសារតែមានបម្រាមសុខាភិបាល ខាងសណ្ឋាគារអនុញ្ញាត ដែលអនុញ្ញាតិឲ្យចូលរួមតែ១៥នាក់ ដូច្នេះគណបក្សកំពុងរៀបចំឲ្យថ្នាក់ដឹកនាំ និងសកម្មជននៅក្នុង និងក្រៅប្រទេសចូលរួមតាមប្រព័ន្ធអនឡាញ (Online)។
បើតាមលោក ទាវ វណ្ណុល សមាជនោះ នឹងពិភាក្សាផ្ដោតលើការជ្រើសរើសប្រធានគណបក្ស ថ្មី និងបញ្ចូលសមាជិកគណៈកម្មាធិការអចិន្ត្រៃយ៍ និងគណៈកម្មាធិការនាយក ហើយក៏នឹងធ្វើវិសោធនកម្មដោយផ្លាស់ពាក្យពេចន៍មួយចំនួននៅក្នុងរចនាសម្ព័ន្ធ និងការកំណត់អាណត្តិប្រធានគណបក្សជាដើម។
លោក ទាវ វណ្ណុល បញ្ជាក់ដែរ គណបក្សភ្លើងទៀននឹងពិចារណាចូលរួមការបោះឆ្នោតជ្រើសរើសក្រុមប្រឹក្សាឃុំ សង្កាត់ ខាងមុខនេះ ប៉ុន្តែប្រសិនស្ថានការនយោបាយរងគំរាមកំហែង និងលំហប្រជាធិបតេយ្យ មិនទាន់ល្អប្រសើរគណបក្សនេះ នឹងមិនចូលរួមការបោះឆ្នោតនោះទេ។
ទាក់ទងបញ្ហានេះ នាយឧត្តមសេនីយ៍ ខៀវ សុភ័គ អ្នកនាំពាក្យក្រសួងមហាផ្ទៃបានមានប្រសាសន៍ប្រាប់កម្ពុជាថ្មី នៅរសៀលថ្ងៃទី០៤ ខែសីហា នេះថា គណបក្សភ្លើងទៀន មិនទាន់មានបញ្ហាអ្វីជាមួយក្រសួងមហាផ្ទៃទេ ហើយគណបក្សនៅតែមានរូបភាពដដែល គ្រានតែថា គណបក្សនេះ ដំបូងជាគណបក្ស សម រង្ស៊ី ហើយបានរួបរួមគ្នាជាមួយគណបក្សសិទ្ធិមនុស្ស បង្កើតជាគណបក្សសង្គ្រោះជាតិ តែគណបក្សសង្គ្រោះជាតិរលាយបាត់ទៅហើយ ដូច្នេះគណបក្សនេះនៅដដែលមិនបានរលាយទេ (A+B=C តែ C រលាយហើយ នៅសល់តែ A និង B ) ហើយគណបក្សមានសិទ្ធធ្វើសកម្មភាពតាមច្បាប់ដែលមានចែងស្តីពីគណបក្សនយោបាយ។
បើតាមនាយឧត្តមសេនីយ៍ ខៀវ សុភ័គ ការធ្វើសមាជ ឬការជួបប្រជុំ ដែលមានមនុស្សច្រើនត្រូវតែសុំច្បាប់ទៅអាជ្ញាធរ ដូច្នេះការធ្វើបាន ឬមិនបាន អាស្រ័យទៅលើអាជ្ញាធរមូលដ្ឋាន ដែលស្នាក់ការរបស់គាត់តាំងនៅ។
សូមបញ្ជាក់ថា គណបក្សភ្លើងទៀន ជាអតីតគណបក្ស សម រង្ស៊ី ហើយគណបក្សនេះ បានប្ដូរឈ្មោះជាគណបក្សភ្លើងទៀនវិញ នៅឆ្នាំ២០១៧ គឺដើម្បីឲ្យស្របនឹងមាត្រាថ្មី នៃច្បាប់ស្តីពីគណបក្សនយោបាយ ដែលមាត្រាថ្មីក្នុងច្បាប់ស្តីពីគណបក្សនយោបាយ បានកំណត់ថា គណបក្សនយោបាយ មិនអាចយកឈ្មោះរបស់បុគ្គល ទៅធ្វើជាឈ្មោះគណបក្សនោះទេ ហើយក៏មិនអាចយករូបរបស់បុគ្គល ទៅធ្វើជាសញ្ញាសម្គាល់គណបក្សដែរ៕
ដោយ ៖ កោះកែវ
ក្រុមហ៊ុនបច្ចេកវិទ្យាទំនើបចិន ប្ដេជ្ញាជំរុញកម្មវិធីសិក្សា TVET កម្ពុជា ឱ្យស្របតាមស្តង់ដារសិក្សានៃប្រទេសចិន និងអាល្លឺម៉ង់
មន្ត្រីក្រសួងសេដ្ឋកិច្ច ៖ ម្ចាស់អាជីវកម្ម ដែលប្រឈមហានិភ័យ ត្រូវមានធានារ៉ាប់រងសម្រាប់អាជីវកម្មខ្លួន
តើគ្រោះរញ្ជួយដីកើតនៅមីយ៉ាន់ម៉ាប៉ះពាល់និងជះឥទ្ធិពលដល់ណាខ្លះ?
អ្នកនាំពាក្យ៖ បុគ្គលិកដែលរត់ចេញពីអគារខ្ពស់ៗ ព្រោះខ្លាចករណីរញ្ជួយដីពេលនេះត្រឡប់ចូលអគារវិញធម្មតា
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
-
ព័ត៌មានអន្ដរជាតិ៧ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានជាតិ១៧ ម៉ោង agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៤ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ២ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?