ព័ត៌មានជាតិ
អភិបាលខេត្តកំពង់ចាម ប្រគល់ឈាបនដ្ឋានដល់វត្តជោតនារាមបឹងកុកក្រោយសាងសង់រួចជាស្ថាពរ
កំពង់ចាម ៖ បន្ទាប់ពីបានជួសជុលកែលម្អ និងកសាង រួចរាល់ជាស្ថាពរហើយ ឈាបនដ្ឋានថ្មី ១កន្លែង ស្ថិតក្នុងវត្តជោតនារាមបឹងកុក នៃសង្កាត់បឹងកុក ក្រុងកំពង់ចាម ខេត្តកំពង់ចាម ត្រូវបានលោក អ៊ុន ចាន់ដា អភិបាលខេត្តកំពង់ចាម និងជាប្រធានគណៈកម្មការខេត្គ ប្រយុទ្ធប្រឆាំងជំងឺកូវីដ-១៩ និងលោក ខ្លូត ផន ប្រធានក្រុមប្រឹក្សាខេត្ត បានប្រារព្ធពិធីវេរប្រគេនព្រះសង្ឃ និងប្រគល់ជូនគណៈកម្មការ អាចារ្យ វត្តជោតនារាមបឹងកុក ទុកសម្រាប់ប្រើប្រាស់ទៅតាមតម្រូវការ នៃព្រះពុទ្ធសានា នាព្រឹកថ្ងៃទី០៧ ខែធ្នូ ឆ្នាំ២០២១នេះ។
លោក អ៊ុន ចាន់ដា មានប្រសាសន៍ថា «ក្នុងរយៈពេលកន្លងមក យើងបានយកឈាបនដ្ឋាន ក្នុងទីតាំងវត្តបឹងកុកនេះ ធ្វើជាទីកន្លែង សម្រាប់បូជាសព ជូនដល់ប្រជាពលរដ្ឋ ដែលបានស្លាប់បាត់បង់ជីវិត ដោយសារជំងឺកូវីដ ១៩ ។ ប៉ុន្តែដោយឈាបនដ្ឋាន នៅក្នុងអារាមនេះ មានសភាពចាស់ទ្រុឌទ្រោម មិនអាចរ៉ាប់រងដល់កិច្ចការបូជាសព បានចំនួនច្រើនក្នុង ១ថ្ងៃៗ ដែលជាការឆ្លើយតប ទៅនឹងតម្រូវការតាមវិធានការណែនាំ របស់រដ្ឋាភិបាល លោកអភិបាលខេត្ត បានសម្រេចចិត្តកសាងនូវឈបនដ្ឋានថ្មីបន្ថែមទៀត និងជួសជុលកែលម្អឈាបនដ្ឋានចាស់ ឡើងវិញ នៅលើទីតាំងចាស់ ដើម្បីទុកជាប្រយោជន៍ដល់ប្រជាពលរដ្ឋប្រើប្រាស់ ទៅតាមតម្រូវការជាក់ស្ដែង» ។ ទន្ទឹមនឹងនោះដែរ ដើម្បីសម្រួលដល់ប្រជាពលរដ្ឋ ក៏ដូចជាកិច្ចការអាជ្ញាធរ បានជ្រើសរើសយកទីតាំង ២កន្លែង គឺស្ថិតនៅវត្តតាមាង និងវត្តកោះប្រាក់ ដើម្បីធ្វើការបូជាសពអ្នកបាត់បង់ជីវិត ដោយសារជំងឺកូវីដ-១៩ ជាបណ្ដោះអាសន្ន ទម្រាំឈាបនដ្ឋានថ្មីនេះ បានជួសជុល និងសាងសង់ រួចរាល់ជាស្ថាពរនោះ ។
បន្ទាប់ពីឈាបនដ្ឋានថ្មី បានស្ថាបនារួចរាល់ជាស្ថាពរ គណៈអភិបាលខេត្ត បានប្រារព្ធពិធីវេរប្រគេន ឬប្រគល់ជូនព្រះសង្ឃ ដើម្បីយកសមិទ្ធផលនេះ ទៅចាត់ចែងប្រើប្រាស់ តាមតម្រូវការ នៃព្រះពុទ្ធសាសនាតទៅថ្ងៃអនាគត ។
ឆ្លៀតក្នុងឱកាសនោះដែរ លោកអភិបាលខេត្ត បានថ្លែងអំណរគុណព្រះគុណ ដល់ព្រះគ្រូចៅអធិការ និងគណៈកម្មការ អាចារ្យវត្តទាំង៣ ដែលតែងតែសហការល្អ ជាមួយអាជ្ញាធរខេត្ត ក៏ដូចជាប្រមុខរាជរដ្ឋាភិបាល ក្នុងការចូលរួមចំណែក ប្រយុទ្ធប្រឆាំងនឹងជំងឺកូវីដ-១៩ នៅក្នុងខេត្តកំពង់ចាម ក៏ដូចជានៅក្នុងប្រទេសកម្ពុជាទាំងមូលផងដែរ ។ ព្រះចៅអធិការវត្តបឹងកុក ក៏បានសម្ដែងនូវទឹកព្រះទ័យសប្បាយរីករាយ ចំពោះការទទួលបានឈាបនដ្ឋានថ្មីនេះ៕
អត្ថបទ ៖ ហុង ម៉េងហៀ
-
ជីវិតកម្សាន្ដ៥ ថ្ងៃ ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ជីវិតកម្សាន្ដ១ សប្តាហ៍ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ៤ ថ្ងៃ ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ២១ ម៉ោង ago
ក្នុងករណីក្ដៅខ្លាំងលើស៤០អង្សារ សម្ដេចធិបតី ណែនាំឱ្យគណៈគ្រប់គ្រងសាលាផ្អាកការសិក្សាបន្ទាន់
-
ព័ត៌មានជាតិ៤ ថ្ងៃ ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
ព័ត៌មានជាតិ១ សប្តាហ៍ ago
អតីតប្រធានអង្គការភូមិកុមារ SOS ធ្លាប់ជួយកុមារលើពិភពលោកជិត៣ទសវត្សរ៍ បានទទួលមរណភាព
-
ជីវិតកម្សាន្ដ១ សប្តាហ៍ ago
តារាថៃ Wit បង្ហាញមុខមាត់ថ្មី ក្រោយកែសម្ផស្សលើកដំបូងក្នុងវ័យ ៥៤ ឆ្នាំ
-
ព័ត៌មានអន្ដរជាតិ៦ ថ្ងៃ ago
ជប៉ុន នឹងធ្វើរនាំងកម្ពស់២ម៉ែត្រកន្លះបាំងទេសចរមិនឲ្យមើលឃើញទេសភាពភ្នំហ្វូជី