ព័ត៌មានអន្ដរជាតិ
ទីបំផុត ចិន បិទព្រំដែនលែងឲ្យកុងតឺន័រ វៀតណាម ចូលប្រទេសខ្លួន
ប្រទេសចិនបានដាក់បម្រាមរយៈពេល ៤ សប្តាហ៍លើការនាំចូលផ្លែស្រកានាគតាមច្រកព្រំដែនសំខាន់ៗរបស់វៀតណាម បន្ទាប់ពីបានរកឃើញកូវីដនៅក្នុងការដឹកជញ្ជូនពីមុនមួយចំនួន ។
ការហាមប្រាមនេះមានរយៈពេលរហូតដល់ថ្ងៃទី ២៦ ខែមករា លើការដឹកជញ្ជូនតាមច្រកព្រំដែន Huu Nghi ក្នុងខេត្ត Lang Son អនុវត្តចំពោះផ្លែស្រកានាគចំនួន ៤ ប្រភេទដែលត្រូវបានដឹកជញ្ជូនពីខេត្ត Binh Thuan ភាគកណ្តាល និងខេត្ត Long An ភាគខាងត្បូង ។
លោក Vo Huy Hoang ប្រធានសមាគមផ្លែស្រកានាគខេត្ត Binh Thuan បាននិយាយថា Huu Nghi គឺជាច្រកព្រំដែនធំទី ២ សម្រាប់ការនាំចេញផ្លែស្រកានាគទៅកាន់ប្រទេសចិនដែលមានចំនួន ៥ ភាគរយនៃចំនួនសរុប ខណៈដើមឡើយប្រទេសចិនក៏បានហាមឃាត់ការនាំចូលតាមច្រកព្រំដែនដ៏ធំបំផុតគឺ Tan Thanh នៅក្នុងខេត្តដូចគ្នាដែលមានចំនួន ៩០ ភាគរយនៃផ្លែស្រកានាគដែលបានដឹកជញ្ជូនទៅកាន់ប្រទេសនោះ ។
លោកបានបន្តថា ដោយសារការហាមឃាត់នេះ រថយន្តកុងតឺន័រប្រមាណ ៤០០ គ្រឿងបានត្រឡប់ពីព្រំដែនទៅលក់ផ្លែឈើនៅប្រទេសវៀតណាមក្នុងការខាតបង់ប្រមាណ ៣០ ភាគរយ ។ ពួកគេនឹងលក់ផ្លែឈើនៅទីក្រុងហាណូយក្នុងតម្លៃ ២,៥០០ ដុង (០.១១ ដុល្លារ) ក្នុងមួយគីឡូក្រាម ឬ ១០ ភាគរយនៃតម្លៃនាំចេញ ។
លោកបញ្ជាក់ថា ដោយសារផ្លែស្រកានាគរក្សាបានត្រឹមតែមួយខែ អ្នកបើកបរជាច្រើនត្រូវចែកចាយផ្លែឈើយ៉ាងប្រញាប់ប្រញាល់ ដោយសារពួកគេបានចំណាយពេលជាច្រើនថ្ងៃក្នុងការធ្វើដំណើរទៅ និងរង់ចាំនៅព្រំដែន ។
ទន្ទឹមនោះ កសិផលផ្សេងទៀតក៏កំពុងជួបការលំបាកក្នុងការចូលទៅកាន់ប្រទេសចិនផងដែរ ដែលជាប្រទេសនាំចូលផ្លែឈើវៀតណាមច្រើនជាងគេ ចាប់តាំងពីវាបានរឹតបន្តឹងវិធានការសុវត្ថិភាពកូវីដអស់រយៈពេលជាងមួយខែមកហើយ ខណៈនៅខេត្ត Lang Son រថយន្តចំនួន ៣,៨៣៨ គ្រឿងកំពុងរង់ចាំឆ្លងកាត់ព្រំដែនគិតត្រឹមថ្ងៃទី ២៨ ខែធ្នូ ដែលភាគច្រើនជាផលិតផលកសិកម្ម ។
ស្របពេលជាមួយគ្នានេះ អ្នកបើកបរមួយចំនួនបានបោះបង់ចោលផែនការឆ្លងព្រំដែន ហើយជំនួសមកវិញបានលក់ខ្នុររបស់ពួកគេនៅទីក្រុងហាណូយក្នុងតម្លៃ ៨,០០០ ទៅ ១៥,០០០ ដុងក្នុងមួយគីឡូក្រាម ដែលទាបជាងតម្លៃនាំចេញពី ៦០ ទៅ ៧០ ភាគរយ ។
គួរបញ្ជាក់ថា ប្រទេសចិនបាននាំចូលផលិតផលកសិកម្មរបស់វៀតណាមក្នុងតម្លៃ ៨.៤ ពាន់លានដុល្លារក្នុងរយៈពេល ១១ ខែដំបូងនៃឆ្នាំ ២០២១ ពោលធ្លាក់ចុះ ១៧ ភាគរយពីមួយឆ្នាំទៅមួយឆ្នាំ ៕
ប្រែសម្រួលដោយ ៖ ជីវ័ន្ត
ប្រភព ៖ VNExpress
ចុចអាន ៖ រថយន្តដឹកផ្លែឈើ វៀតណាម រាប់ពាន់គ្រឿងជាប់នៅព្រំដែន ចិន កំពុងភ័យស្អុយរលួយ (មានវីដេអូ)
-
ជីវិតកម្សាន្ដ១ សប្តាហ៍ ago
ពិធីករម្នាក់ រងការរិះគន់យ៉ាងចាស់ដៃទង្វើខ្វះសីលធម៌ អង្គុយគងអន្ទាក់ខ្លាពេលសម្ភាសន៍អ្នកនិពន្ធ សុខ ចាន់ផល
-
ជីវិតកម្សាន្ដ៣ ថ្ងៃ ago
ពូ ណុយ និង យ៉ែម ស្រីពេជ្រ ត្រៀមចូលរោងការដើមខែក្រោយ
-
ព័ត៌មានជាតិ៧ ថ្ងៃ ago
មន្ត្រីគាំទ្រគម្រោងព្រែកជីកហ្វូណនម្នាក់ ចោទសួរ The Cambodia Daily ហេតុអ្វីផ្សាយព័ត៌មានប្រឆាំងប្រយោជន៍ជាតិ?
-
ព័ត៌មានអន្ដរជាតិ៣ ថ្ងៃ ago
មូលហេតុ ៣ ដែលអធិរាជ ឈានឡុង នៃរាជវង្ស Qing បញ្ជាឲ្យកាត់ក្បាលគ្រូទាយល្បីម្នាក់
-
ព័ត៌មានជាតិ១ ថ្ងៃ ago
Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា
-
សេចក្ដីជូនដំណឹង១៥ ម៉ោង ago
ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!
-
ព័ត៌មានអន្ដរជាតិ១ សប្តាហ៍ ago
៥០ ឆ្នាំមកនេះ បុរាណវិទូ ចិន នៅតែឈឺចាប់ ក្រោយកំណាយឃើញទ័ពដីឥដ្ឋអធិរាជ ឈិនស៊ី
-
ព័ត៌មានជាតិ១ សប្តាហ៍ ago
សត្វព្រៃដែលបាត់វត្តមានចាប់ពី ៣០ ឆ្នាំ ទើបប្រកាសថាផុតពូជពីដែនព្រៃធម្មជាតិ