បុរសម្នាក់​ត្រឡប់មកពីធ្វើការចង.ក ធ្វើ​អត្តឃាត​បងប្អូន​មក​ដល់​ទើប​ភ្ញាក់ផ្អើល

ភ្នំពេញ៖​ មានការភ្ញាក់ផ្អើលមួយបានកើតឡើងនៅយប់ថ្ងៃទី ២៨ ខែមករានៅចំណុចផ្ទះ​ជួល​លេខ​២៨០ ក្រុម ៨ ភូមិ​ឬស្សី ៣ សង្កាត់ស្ទឹងមានជ័យ ២ ខណ្ឌមានជ័យ ដោយសារតែមានកម្មករកាត់ដេរម្នាក់បានសម្រេចចិត្តធ្វើអត្តឃាតដោយចង.ក សម្លាប់ខ្លួននៅបន្ទប់ផ្ទះជួលខាងលើ។

យោងតាមប្រភពពីលោក សេង វ៉ាន់ថា ចៅរងទី១សង្កាត់ស្ទឹងមានជ័យ២បានប្រាប់កម្ពុជាថ្មីថា ករណីធ្វើអត្តឃាតនេះ​គឺ​ជនរងគ្រោះឈ្មោះ ទឹម ង៉ែត ភេទប្រុសអាយុ ២៩ ឆ្នាំមុខរបរកម្មកររោងចក្ រស្នាក់នៅបន្ទប់ជួលនិង​មាន​ជំងឺសរសៃប្រសាទ។

បើតាមការបញ្ជាក់ពីបងប្រុសបង្កើតជនរងគ្រោះ មុនពេលកើតហេតុជនរងគ្រោះបាន​ចេញ​ពីធ្វើការមកផ្ទះជួល​មុនគេដោយឡែកបងប្អូនបានចេញមកក្រោយ។ លុះមកដល់បន្ទប់ជួល ក៏ស្រាប់តែឃើញជនរងគ្រោះធ្វើអត្តឃាតដោយចង.កសម្លាប់ខ្លួនបាត់ទៅហើយ។

កន្លងមកជនរងគ្រោះតែព្យាយាមធ្វើអត្តឃាតច្រើនលើកច្រើនសារ ប៉ុន្តែត្រូវបានបងប្អូនជួយឃាត់ទាន់។ ចំពោះ​សពជនរងគ្រោះត្រូវបានដឹកយកទៅធ្វើបុណ្យនៅឯស្រុកកំណើតក្នុងស្រុកជុំគីរីខេត្តកំពតទាំងយប់៕

អត្ថបទ៖ នរា