កីឡា
អត្ថប្រយោជន៍ធំៗ សម្រាប់ U23 កម្ពុជា ក្នុងចូលរួមប្រកួត Asian Games 2022 នៅចិន មុនស៊ីហ្គេម ២០២៣
កាលពីពេលថ្មីៗនេះ ក្រុមបាល់ទាត់ជម្រើសជាតិកម្ពុជាអាយុក្រោម ២៣ ឆ្នាំ ត្រូវបានដឹងថានឹងត្រៀមចូលរួមប្រកួតក្នុងព្រឹត្តិការណ៍កីឡាអាស៊ី លើកទី ១៩ ឆ្នាំ ២០២២ (Asian Games 2022) នៅទីក្រុង Hangzhou ប្រទេសចិន លើប្រភេទកីឡាបាល់ទាត់ នាអំឡុងខែកញ្ញា ឆ្នាំ២០២២។
បើយោងតាមប្រសាសន៍ លោក កែវ សារ៉េត អគ្គលេខាធិការនៃសហព័ន្ធកីឡាបាល់ទាត់កម្ពុជា ប្រាប់ទៅកាន់វេបសាយ កម្ពុជាស៊ីហ្គេម២០២៣ cambodia2023.com បានឲ្យដឹងថា U23 កម្ពុជា នឹងចូលរួមព្រឹត្តិការណ៍នេះ ហើយដែលជាការបញ្ចូនក្រុមទៅប្រកួតជាលើកដំបូង ក្រោយខកខានរយៈពេល ២៤ ឆ្នាំ។
ការចូលរួមនេះត្រូវបានចាត់ទុកថានាំមកនូវអត្ថប្រយោជន៍ធំៗដល់កម្ពុជា ពោលគឺទី ១ នាំបាល់ទាត់កម្ពុជាត្រលប់មកព្រឹត្តិការណ៍កីឡាអាស៊ីនេះវិញ ដ្បិតកម្ពុជា បានខកខានចូលព្រឹត្តិការណ៍នេះអស់រយៈពេល ២៤ ឆ្នាំមកហើយ ដោយគិតចាប់តាំងពីឆ្នាំ ១៩៩៨ នៅប្រទេសថៃ។ ដោយឡែកទី ២ ដែលផ្ដល់អត្ថប្រយោជន៍បំផុតនោះគឺ ជាការត្រៀមខ្លួនកាន់តែរឹងមាំបន្ថែមទៀតសម្រាប់ស៊ីហ្គេម ឆ្នាំ២០២៣ ដែលកម្ពុជា ត្រូវធ្វើជាម្ចាស់ផ្ទះ ដ្បិតអីព្រឹត្តិការណ៍នេះប្រមូលផ្ដុំទៅដោយប្រទេសខ្លាំងៗមកពីតំបន់នានាជុំវិញទ្វីបអាស៊ី។
សូមរំលឹកថា ព្រឹត្តិការណ៍កីឡាអាស៊ី លើកទី ១៩ (Asian Games Hangzhou 2022) នៅទីក្រុង Hangzhou ប្រទេសចិន នឹងប្រព្រឹត្តទៅពីថ្ងៃទី ១០ ដល់ថ្ងៃទី ២៥ ខែកញ្ញា ឆ្នាំ ២០២២ ដោយមានកីឡា ៤០ ប្រភេទ ដាក់ឲ្យប្រកួត ស្មើនឹង ៦១ វិញ្ញាសាធំៗ ជាមួយនិងការប្រជែងយកមេដាយមាស ដល់ទៅ ៤៨២ មេដាយ បាល់ទាត់គឺជាប្រភេទកីឡាដែលគេរំពឹងថា មានប្រជាប្រិយភាពជាងគេ និងអាចមានប្រទេសដល់ទៅច្រើនជាង ៣០ ចូលរួមប្រកួត។
បញ្ជាក់ផងដែរថា ព្រឹត្តិការណ៍កីឡាអាស៊ី (Asia Games) គឺដូចគ្នាទៅនឹង ព្រឹត្តិការណ៍កីឡាអាស៊ីអាគ្នេយ៍ (SEA Games) ប៉ុន្តែព្រឹត្តិការណ៍កីឡាអាស៊ី មានទំហំធំជាងដោយមានកីឡាច្រើនប្រភេទ វិញ្ញាសាក៏ច្រើន ប្រទេសពីជុំវិញទ្វីបអាស៊ីចូលរួម ខណៈព្រឹត្តិការណ៍កីឡាអាស៊ីអាគ្នេយ៍ អាចនឹងមានតិច ប៉ុន្តែក៏អាចនឹងច្រើន និងប្រទេសតិចចូលរួមត្រឹមតែ ១១ ប្រទេសប៉ុណ្ណោះក្នុងតំបន់៕
អត្ថបទ៖ មន្នីរ័ត្ន
គណៈកម្មការចំពោះកិច្ចប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា បង្ហាញលទ្ធផលបង្ក្រាប នៅថ្ងៃទី២២ខែកក្កដា ឆ្នាំ២០២៥ នេះ
ក្រសួងបរិស្ថាន÷ ស្ត្រីម្នាក់នៅស្រុកកំពង់លែង ខេត្តកំពង់ឆ្នាំង ត្រូវតុលាការឃាត់ខ្លួន និងឃុំខ្លួន ព្រោះតែឈូសឆាយដីរដ្ឋ
សមត្ថកិច្ចបង្ក្រាបទីតាំង បទល្មើសឆបោកតាមប្រព័ន្ធបច្ចេកវិទ្យា ឃាត់ខ្លួនបាន ១២៧នាក់
ពេលប្រទេសជាតិមានជម្លោះព្រំដែនមានតែ បក្សប្រជាជនតែមួយគត់ ចេញមុខការពារបូរណភាពទឹកដី
ស្របនឹងមានការលើកឡើងពីការធ្វើទុក្ខបុកម្នេញនៅថៃ ក្រសួងការងារ អំពាវនាវឱ្យពលករខ្មែរវិលមកស្រុកកំណើតវិញ
រដ្ឋមន្ត្រីអប់រំថៃ ស្លៀកខោខូវប៊យរហែកជង្គង់ ពេលធ្វើគណអធិបតីអង្គប្រជុំ ត្រូវគេរិះគន់ពេញប្រទេស
កម្ពុជាប្រាប់ថៃឱ្យបញ្ឈប់រាល់សកម្មភាពឯកតោភាគីនៅក្នុងតំបន់ជម្លោះ
ដំបូង ថៃថា មីនដែលទាហានខ្លួនជាន់ ជាមីនចាស់ពិបាករាវរក ចុះម្តេចឥឡូវរកឃើញមីនថ្មីៗ ស្រួលម្ល៉េះ?
ភូមិភាគ២ថៃ ប្តូរវិធីសាស្រ្តល្បាត ប្រហែលខ្លាចជាន់មីន បង្កប់ដោយខ្លួនឯង
ជនលួចវាយទាហានខ្មែរហើយរត់ ជាប់គុកតែ១៥ថ្ងៃ និងពិន័យប្រាក់តិចតួចប៉ុណ្ណោះ
-
ព័ត៌មានអន្ដរជាតិ៣ ថ្ងៃ agoព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
-
ព័ត៌មានអន្ដរជាតិ២០ ម៉ោង agoរដ្ឋមន្ត្រីអប់រំថៃ ស្លៀកខោខូវប៊យរហែកជង្គង់ ពេលធ្វើគណអធិបតីអង្គប្រជុំ ត្រូវគេរិះគន់ពេញប្រទេស
-
ព័ត៌មានជាតិ៣ ថ្ងៃ agoអគ្គនាយកស៊ីម៉ាក់បង្ហាញរូបភាពទ័ពថៃជីកដីដាក់មីនខណៈនៅឡាំប៉ាចោទកម្ពុជា
-
បច្ចេកវិទ្យា៧ ថ្ងៃ agoOPPO Reno14 Series 5G សម្ពោធផ្លូវការហើយ ជាមួយស្ទីលរចនាបថកន្ទុយទេពមច្ឆា និងមុខងារ AI សំខាន់ៗ
-
ព័ត៌មានអន្ដរជាតិ២ ថ្ងៃ agoមេភូមិភាគ២ថៃ ប្រកាសលែងចាំស្តាប់បញ្ជារដ្ឋាភិបាលក្រុងបាងកកទៀតហើយ រឿងឆ្លើយតបជាមួយកម្ពុជា
-
ព័ត៌មានជាតិ១ ថ្ងៃ agoអាជ្ញាធរស្នើអ្នកបត់ជើងតូចនៅជិតច្រកចេញមុខប្រលានយន្តហោះ ចូលខ្លួនសុំទោសជាសាធារណៈ
-
ព័ត៌មានអន្ដរជាតិ៧ ថ្ងៃ agoរដ្ឋមន្ត្រីក្រសួងថាមពលថៃ ប្រាប់ពលរដ្ឋកុំជ្រួលច្របល់ បើសង្គ្រាមផ្ទុះឡើង អ្នកខាតធំគឺខ្លួនឯង
-
សន្តិសុខសង្គម៤ ថ្ងៃ agoជនមិនស្គាល់មុខ លីបារី ១០៥ សុង ឆ្លងកាត់ច្រកអន្តរជាតិភ្នំដី ត្រូវកម្លាំងគយចាប់បាន