ព័ត៌មានជាតិ
លោក ទៀ សីហា ព្រមានចាត់វិធានការផ្លូវច្បាប់ចំពោះមន្ដ្រីដែលចូលទៅកាន់កាប់ដីព្រៃលិចទឹកនៅបឹងទន្លេសាបក្រោយការកាត់ឆ្វៀល
ដីព្រៃលិចទឹកតំបន់៣នៅក្នុងស្រុក ក្រុងចំនួន៦ គឺមិនត្រូវមានឈ្មោះមន្ដ្រី ឬអាជ្ញាធរណាមួយកាន់កាប់ឡើយ។ នេះ គឺជាការលើកឡើងរបស់ លោក ទៀ សីហា អភិបាលខេត្ដសៀមរាបនៅក្នុងកិច្ចប្រជុំត្រួតពិនិត្យ និងវាយតម្លៃទិន្នន័យក្បាលដីប្រជាពលរដ្ឋដែលបានកាន់កាប់អាស្រ័យផលមុនឆ្នាំ២០១២ ស្ថិតនៅក្នុងតំបន់៣ នៃបឹងទន្លេសាប ភូមិសាស្ត្រខេត្តសៀមរាប នៅរសៀលថ្ងៃសៅរ៍នេះ។
លោក ទៀ សីហា បន្ថែមថា ដីព្រៃលិចទឹកនៅតំបន់៣នៃបឹងទន្លេសាប ដែលគ្រោងដាក់សំណើទៅរាជរដ្ឋាភិបាល ដើម្បីចុះពិនិត្យបន្ដ និងកាត់ឆ្វៀលជូនប្រជាពលរដ្ឋនេះ ចាំបាច់ត្រូវសិក្សាឱ្យបានច្បាស់លាស់ បើសិនរកឃើញថា ជារបស់មន្ត្រី ឬអាជ្ញាធរណាមួយនោះ រដ្ឋបាលខេត្ត នឹងមានវិធានការផ្លូវច្បាប់។
របាយការណ៍នៃកិច្ចប្រជុំ បានបង្ហាញថា អនុវត្តន៍តាមអនុសាសន៍របស់សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា រដ្ឋបាលខេត្តសៀមរាប បានរៀបចំបង្កើតក្រុមការងារត្រួតពិនិត្យ និងអង្កេតវាស់វែង ប្រមូលទិន្នន័យក្បាលដីប្រជាពលរដ្ឋ ដែលបានកាន់កាប់អាស្រ័យផលមុនឆ្នាំ២០១២ ស្ថិតនៅក្នុងតំបន់៣ នៃបឹងទន្លេសាប ស្ថិតនៅក្នុងភូមិសាស្ត្រក្រុង-ស្រុកទាំង៦ ក្នុងខេត្តសៀមរាប។ ក្រុង ស្រុកទាំង៦នេះ រួមមាន ក្រុងសៀមរាប ស្រុកជីក្រែង ស្រុកសូទ្រនិគម ស្រុកប្រាសាទបាគង ស្រុកពួក និងស្រុកក្រឡាញ់ គ្របដណ្តប់លើផ្ទៃដី ១២ម៉ឺនហិកតា ក្នុងនោះ មានភូមិករស្ថិតនៅក្នុងតំបន់៣ ទាំងស្រុងសរុបចំនួន ២៣ភូមិ។
របាយការណ៍ដដែលបង្ហាញថា លទ្ធផលនៃការចុះពិនិត្យ និងវាយតម្លៃទិន្នន័យក្បាលដីរបស់ប្រជាពលរដ្ឋស្ថិតក្នុងតំបន់បី និងបានកាន់កាប់អាស្រ័យផលមុនឆ្នាំ២០១២ នៃបណ្ដាក្រុង ស្រុកទាំង៦ មានផ្ទៃដីជាង២ម៉ឺនហិកតា និងផ្ទៃដីលំនៅឋានប្រមាណជាង ១៦០ហិកតា។ ក្នុងនោះ ផ្ទៃដីដែលបានកាត់ឆ្វៀលនៅឆ្នាំ២០១២ មានជាង៨ពាន់៦រយហិកតា ផ្ទៃដីអាស្រ័យផលមុនឆ្នាំ២០១២ ដែលមិនទាន់កាត់ឆ្វៀលមានចំនួន ៦ពាន់៦រយហិកតា។ ផ្ទៃដីអាស្រ័យផលឆ្នាំ២០១២ ដល់ឆ្នាំ២០២១ មានចំនួនជាង៦ពាន់២រយហិកតា ផ្ទៃដីលំនៅឋានសរុបចំនួនជាង ១៦០ហិកតា និងផ្ទៃដីគម្រោងអេកូហ្សូនចំនួនជាង ៣៨ហិកតា ដែលស្មើរនឹង១៥ក្បាលដី។
សូមបញ្ជាក់ថា កាលពីថ្ងៃទី២៧ ខែឧសភា ឆ្នាំ២០២២ សម្ដេចតេជោ ហ៊ុន សែន បានដាក់បទបញ្ជាឱ្យអាជ្ញាធរពាក់ព័ន្ធ ចុះសិក្សាដីរបស់ប្រជាពលរដ្ឋ ដែលស្ថិតក្នុងតំបន់២ និងតំបន់៣ នៃបឹងទន្លេសាប ត្រូវធ្វើការកាត់ឆ្វៀលជូនប្រពលរដ្ឋដែលបានរស់នៅ និងអាស្រ័យផលចាប់ពី ១០ឆ្នាំឡើងទៅតាមភាពជាក់ស្ដែង និងយោងអនុក្រឹត្យលេខ ១៩៧ អនក្រ.បក ចុះថ្ងៃទី២៩ ខែសីហា ឆ្នាំ២០១១ ស្តីពីការកំណត់បង្កើតដែនព្រៃលិចទឹក៕
ដោយ៖ គឿន វេត
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៧ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ២ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ