មកដឹងពីជំនឿបណ្ដាសាភ្នែកបិសាច ឧស្សាហ៍កើតឡើងពេលយើងភ្លេចខ្លួន

ជំនឿបណ្ដាសានេះ កើតឡើងជាង៥០០០ឆ្នាំមកហើយ មកទល់បច្ចុប្បន្ន នៅតែបន្តកើតឡើងទៅលើមនុស្សដែលភ្លេចខ្លួនមិនបានប្រុងប្រយ័ត្ន។ យើងគ្រប់គ្នាប្រហែលជាធ្លាប់ជួបប្រទះបណ្ដាសានេះរួចមកហើយ មិនថាលើខ្លួនឯងឬអ្នកដទៃ វាមានលក្ខណៈធ្វើបាបមនុស្ស ដោយបំផ្លាញ និងធ្វើឲ្យខូចខាតនូវចំណុចល្អណាមួយរបស់យើង។

បណ្ដាសានេះ តែងកើតឡើងនៅពេលផ្នែកណាមួយនៃជីវិតយើងត្រូវបានទទួលការស្ងើចសរសើរដូចជា សក់ស្អាត ធ្មេញស្អាត សុខភាពល្អ ម្រាមដៃស្អាត ឬកូនគួរឲ្យស្រលាញ់ជាដើម។ ឥទ្ធិពលនៃបណ្ដាសាភ្នែកបិសាច នឹងធ្វើឲ្យអ្នកជួបគ្រោះថ្នាក់បាត់បង់និងខូចខាតកន្លែងដែលគេសរសើរនោះ បើគេសរសើរថាអ្នកមានធ្មេញស្អាត អ្នកអាចជួបគ្រោះថ្នាក់ប៉ះពាល់ដល់ធ្មេញហើយមិនស្អាតទៀតទេ។ ក្នុងករណីខ្លះទៀត អាចប៉ះពាល់ដល់មនុស្សជាទីស្រលាញ់យើងផងដែរ ជាពិសេសកូនៗដ៏ឆ្លាតវៃរបស់អ្នក។ យ៉ាងណាមិញ ជំនឿនេះក៏ប្រហាក់ប្រហែលទៅនឹងជំនឿរបស់ខ្មែរយើងដែរ គឺចាស់ៗហាមមិនឲ្យសរសើរកូនក្មេងថាគួរឲ្យស្រលាញ់អ្វីទេ គាត់ឲ្យនិយាយថា អាក្រក់ឬគួរឲ្យស្អប់ជំនួសវិញ ការពារមានរឿងអាក្រក់កើតឡើង។

ចំណែកឯវិធីការពារវិញគឺ គេនិយមយកវត្ថុរូបរាងដូចភ្នែកមកប្រើប្រាស់ធ្វើជាខ្សែដៃ ដើម្បីស្រូបយកថាមពលអវិជ្ជមានទាំងអស់ គេមានជំនឿថែមទៀតថាខ្សែដៃនោះនឹងដាច់ប្រសិនជាថាមពលអវិជ្ជមានច្រើនហួសកំណត់៕

អត្ថបទ៖ វារី

ចុចអាន៖កញ្ចក់កែវភ្នែក វត្ថុបញ្ចៀសអំពើអាក្រក់ ពពួកខ្មៅងងឹត ដែល តួកគី មានជំនឿខ្លាំង