ព័ត៌មានជាតិ
អង្គការសម្ព័ន្ធមិត្តសត្វព្រៃរៀបចំតាំងពិព័រណ៍ដំរីឡាក់គី ផ្ញើសារឲ្យមនុស្សជំនាន់ក្រោយចេះស្រឡាញ់សត្វព្រៃ
អង្គការសម្ព័ន្ធមិត្តសត្វព្រៃនៅថ្ងៃទី ៤ ខែតុលា ២០២២ បានរៀបចំពិធីសម្ពោធនៃការតាំងពិព័រណ៍ដំរីឡាក់គី នៅវិចិត្រសាលនៃសណ្ឋាគារ Rosewood។ ការតាំងពិព័រណ៍នេះបានបង្ហាញអំពីផ្ទាំងគំនូរក្រណាត់ដ៍អស្ចារ្យចំនួន ១៧ ផ្ទាំងដែល ឡាក់គី ជាវិចិត្រករ និងជាទូតសុច្ឆន្ទៈដំរីនៃមជ្ឈមណ្ឌលសង្គ្រោះសត្វព្រៃភ្នំតាម៉ៅ។
ការដាក់តាំងពិព័រណ៍នេះ គឺចង់រំឭកអំពីភ្នំតាម៉ៅ ដែលជាដែនជំរកសត្វព្រៃដែលត្រូវបានជាប់អន្ទាក់ ឬត្រូវបានជួញដូរខុសច្បាប់។ ការតាំងពិព័រណ៍នេះបានបង្ហាញពីសារសំខាន់ នៃការការពារសត្វព្រៃ និងព្រៃឈើ។
ដែនជម្រកសត្វព្រៃភ្នំតាម៉ៅបានធ្វើឲ្យសត្វទាំងនេះមានអារម្មណ៍ថាមានសុវត្ថិភាព ហើយក៏បានជួយឲ្យសត្វទាំងទាំងនេះ មានភាពប្រសើឡើងវិញទាំងផ្លូវកាយ និងផ្លូវចិត្ត ដើម្បីឲ្យសត្វរស់នៅបានល្អប្រសើជាងមុន។ ភ្នំតាម៉ៅគឺជាផ្ទះទី២ របស់ពួកគេ ក៏ជាទីកន្លែងដែលបង្ហាញពីសេចក្ដីស្រឡាញ់ និងការចូលចិត្តដែលសត្វព្រៃទាំងនេះ មានចំពោះមនុស្ស និងអ្នកមើលថែ និងចិញ្ចឹមពួកគេ។
ក្រៅពីនេះអង្គការសម្ពន្ធមិត្តសត្វព្រៃក៏បានដាក់តាំងបង្ហាញជើងសិប្បនិម្មិតរបស់សត្វជើងដំរីមួយក្បាលដែលមានឈ្មោះថាឈូកផងដែរ។ ឈូកគ្រាន់តែជាកូនដំរីតូចមួយពេលដែលគាត់ត្រូវបានជាប់ក្នុងអន្ទាក់ហើយបាត់ជើងម្ខាងរបស់ខ្លួន។ នាយកផ្នែកសង្គ្រោះ និងថែទាំសត្វព្រៃ របស់អង្គការសម្ព័ន្ធមិត្តសត្វព្រៃ លោក Nick Marx និងក្រុមការងារបានជួយសង្គ្រោះសត្វដំរីមួយក្បាលនេះ។
ដោយមានការជួយមើលថែទាំពីសំណាក់ពេទ្យសត្វជំនាញ និងអ្នកមើលថែសត្វ ក្រុមការងារអាចផ្ដល់ឲ្យឈូកនូវជើងសិប្បនិម្មិតដើម្បីឲ្យគាត់អាចដើរឡើងវិញបាន។ ជើងសិប្បនិម្មិតដំបូងបង្អស់របស់ឈូក នឹងត្រូវដាក់បង្ហាញដើម្បីជាការរំឭកដល់សត្វព្រៃទាំងអស់ដែលត្រូវទទួលបានសិទ្ធិរស់នៅដូចមនុស្សដទៃទៀតផងដែរ។
កញ្ញាបណ្ឌិត ស៊ូវណ្ណា ហ្គោនឡែត នាយកប្រតិបត្តិនៃអង្គការសម្ព័ន្ធមិត្តសត្វព្រៃ មានប្រសាសន៍ថា ”ស្នាដៃសិល្បៈរបស់ឡាក់គីបានគូស បញ្ជាក់អំពីសារសំខាន់នៃការការពារសត្វព្រៃ និងព្រៃឈើនៅប្រទេសកម្ពុជា”។ កញ្ញា ស៊ូវណ្ណា ហ្គោនឡែត បានបន្តថា “គំនូរដ៍វិចិត្រ និងរស់រវើករបស់ឡាក់គីក៏បង្ហាញពីទំនាក់ទំនងមនោសញ្ចេតនាដែលមនុស្ស និងសត្វអាចមាននៅពេលបាននៅស្និទ្ធិស្នាលជាមួយគ្នា ក្នុងបរិយាកាសដែលមានសុវត្ថិភាព និងមានសុខភាពល្អ”។
អង្គការសម្ព័ន្ធមិត្តសត្វព្រៃសង្ឃឹមថា ស្នាដៃសិល្បៈនេះនឹងជួយឲ្យមនុស្សជំនាន់ក្រោយមើលឃើញសត្វព្រៃដ៍ស្រស់ស្អាតទាំងនេះ ដែលសត្វខ្លះជិតផុតពូជ និងបានស្វែងយល់បន្ថែមអំពីការជួញដូរសត្វព្រៃខុសច្បាប់។ ហើយសង្ឃឹមថា ការជួញដូរនឹងត្រូវកាត់បន្ថយ។
លោក Nick Marx នាយកផ្នែកសង្គ្រោះ និងថែទាំសត្វព្រៃបានថ្លែងថា “ឡាក់គីបានមកដល់ភ្នំតាម៉ៅនៅពេលដែលគាត់នៅជាមួយកូនដំរីតូចមួយក្បាល ដូច្នេះហើយឡាក់គីត្រូវការចិញ្ចឹមដោយអ្នកថែទាំ គឺលោក ស៊ីថេង។ ឥឡូវនេះ ឡាក់គីបានធំពេញវ័យហើយ ហើយដំរីនេះក៏មានចិត្តចង់ជួយយើងមើលថែសត្វដែលយើងជួយសង្គ្រោះ ហើយបានយល់ព្រមឲ្យយើងលក់គំនូររបស់ខ្លួនផងដែរ។ លក្ខខណ្ឌរបស់ឡាក់គីដំរីនេះទទួលបានរង្វាន់នូវចេក និងការ៉ុតជាបន្តបន្ទាប់ ដើម្បីផ្ដល់ថាមពលឲ្យខ្លួននៅពេលគូរគំនូរ។ គឺជាការផ្ដល់រង្វាន់ដ៍តិចតួចសម្រាប់ស្នាដៃដ៍អស្ចារ្យបែបនេ”។
លោក Daniel Simon នាយកគ្រប់គ្រង ROSEWOOD មានប្រសាសន៍ថា “ក្រុមការងារដូចជាមជ្ឈមណ្ឌលសង្គ្រោះសត្វព្រៃភ្នំតាម៉ៅ និងអង្គការសម្ព័ន្ធមិត្តសត្វព្រៃ បានដើរតួនាទីយ៉ាងសំខាន់ក្នុងការចែករំលែកសារទាំងនេះ និងជំរុញកិច្ចខិតខំប្រឹងប្រែងក្នុងការអភិរក្សនៅប្រទេសកម្ពុជា”៕
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង