ព័ត៌មានអន្ដរជាតិ
EU និងអាស៊ាន សម្រេចបានកិច្ចព្រមព្រៀងដឹកជញ្ជូនតាមផ្លូវអាកាស
សហភាពអឺរ៉ុប (EU) និងសមាគមប្រជាជាតិអាស៊ីអាគ្នេយ៍ (អាស៊ាន) នៅថ្ងៃចន្ទនេះបានចុះហត្ថលេខាលើកិច្ចព្រមព្រៀងដឹកជញ្ជូនតាមផ្លូវអាកាសរវាងប្លុកទាំងពីរជាលើកដំបូងដើម្បីជួយឧស្សាហកម្មនេះឲ្យងើបឡើងវិញ បន្ទាប់ពីជំងឺរាតត្បាតកូវីដ១៩ ។
![](https://www.kampucheathmey.com/wp-content/uploads/2022/10/flight.jpg)
សេចក្តីថ្លែងការណ៍រួមបានឲ្យដឹងថា “កិច្ចព្រមព្រៀងនេះនឹងផ្តល់ឱកាសកាន់តែច្រើនសម្រាប់ក្រុមហ៊ុនអាកាសចរណ៍អាស៊ាន និងសហភាពអឺរ៉ុប ដើម្បីដំណើរការសេវាដឹកអ្នកដំណើរ និងទំនិញនៃតំបន់ទាំងពីរ ហើយក៏នឹងជួយជំរុញការងើបឡើងវិញនៃការតភ្ជាប់ផ្លូវអាកាសរវាងតំបន់ទាំងពីរផងដែរ បន្ទាប់ពីជំងឺរាតត្បាតកូវីដ ១៩” ។
កិច្ចព្រមព្រៀងនេះអនុញ្ញាតឲ្យក្រុមហ៊ុនអាកាសចរណ៍ EU និងអាស៊ានឡើងជើងហោះហើរដឹកអ្នកដំណើររហូតដល់ ១៤ ជើងប្រចាំសប្តាហ៍ ខណៈជើងហោះហើរដឹកទំនិញវិញ គឺគ្មានដែនកំណត់ឡើយតាមរយៈប្រទេសទីបីណាមួយ ។
![](https://www.kampucheathmey.com/wp-content/uploads/2022/10/flight-2.jpg)
ការចរចាលើកិច្ចព្រមព្រៀងនេះបានចាប់ផ្តើមនៅឆ្នាំ ២០១៦ និងបានបញ្ចប់នៅឆ្នាំ ២០២១ ហើយឥឡូវនេះវានឹងឆ្លងកាត់ការអនុម័តដោយរដ្ឋជាសមាជិកសហភាពអឺរ៉ុប និងអាស៊ាន ។
គួរបញ្ជាក់ថា កិច្ចព្រមព្រៀងដឹកជញ្ជូនផ្លូវអាកាសមួយនេះត្រូវបានចុះហត្ថលេខានៅក្នុងកិច្ចប្រជុំរដ្ឋមន្ត្រីដឹកជញ្ជូនអាស៊ានលើកទី ២៨ នៅកោះបាលី ប្រទេសឥណ្ឌូណេស៊ី ៕
ប្រែសម្រួលដោយ ៖ ជីវ័ន្ត
ប្រភព ៖ Sputnik
-
ព័ត៌មានជាតិ៦ ថ្ងៃ ago
មន្ត្រីជំនាញមកពីគ្រប់ស្ថាប័ន ចុះពិនិត្យមើលគល់ស្ពានព្រះមុនីវង្សថ្មីមានស្នាមជ្រុះបេតុង
-
ព័ត៌មានជាតិ៧ ថ្ងៃ ago
កំពង់ផែតម្លៃ ១៥០០ លានដុល្លារ ក្នុងខេត្តកំពត នឹងសម្ពោធដាក់ឱ្យប្រើប្រាស់នៅថ្ងៃស្អែកនេះ
-
ព័ត៌មានអន្ដរជាតិ២០ ម៉ោង ago
Pre-Wedding កូនសេដ្ឋីប្រាក់លានឥណ្ឌា លើទឹកដី អ៊ីតាលី ក្លាយជាពិធីខឹងសម្បារពីប្រជាជន និងអ្នកទេសចរ
-
សន្តិសុខសង្គម៧ ថ្ងៃ ago
ទទួលបានតម្រុយពីខេត្តព្រះសីហនុ ឆែកឃើញអាវុធជាច្រើននៅផ្ទះមួយកន្លែង ក្នុងខេត្តបាត់ដំបង
-
ព័ត៌មានជាតិ១៩ ម៉ោង ago
មានតម្រុយ គ្រោងសាងសង់ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ
-
ព័ត៌មានជាតិ២ ថ្ងៃ ago
ពិព័រណ៍យន្តហោះ និងបច្ចេកវិទ្យា រដូវកាលទី៤ នឹងមកដល់ឆាប់ៗនេះ
-
ព័ត៌មានអន្ដរជាតិ១៣ ម៉ោង ago
យន្តហោះដឹកកីឡាករប្រដាល់ថៃមួយក្រុម ដាច់ម៉ាស៊ីនត្រជាក់ ម្នាក់ៗហប់សឹងដាច់ខ្យល់
-
ព័ត៌មានអន្ដរជាតិ១ សប្តាហ៍ ago
អតីតអ្នកនាំពាក្យក្រសួងការបរទេសចិន នឹងកាន់តំណែងជាឯកអគ្គរដ្ឋទូតចិនប្រចាំកម្ពុជា