ព័ត៌មានជាតិ

សិក្ខាកាមជាន់ខ្ពស់ នៃសាលាភូមិន្ទរដ្ឋបាលបានទទួលបទពិសោធន៍ថ្មីៗពីអគ្គនាយកមន្ទីរពេទ្យកាល់ម៉ែត

បានផុស

៣ years មុន

នៅ

ថ្ងៃពុធ ១៨ មករា ២០២៣

ដោយ

ភ្នំពេញ ៖ ដើម្បីស្វែងយល់ទាំងទ្រឹស្ដី និងការអនុវត្តជាក់ស្តែង នៅមន្ទីរពេទ្យកាល់ម៉ែតជាមន្ទីរពេទ្យថ្នាក់ជាតិមួយសិក្ខាកាមជាន់ខ្ពស់លើកទី៤ នៃសាលាភូមិន្ទរដ្ឋបាល វគ្គភាពជាអ្នកដឹកនាំ និងនវានុវត្តន៍ នៅថ្ងៃទី១៨ ខែមករា ឆ្នាំ២០២៣ បានមកទស្សនកិច្ចសិក្សា ដើម្បីស្វែងយល់ទាំងទ្រឹស្តី និងការអនុវត្តជាក់ស្តែង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកសាស្ត្រាចារ្យ ឈាង រ៉ា អគ្គនាយកមន្ទីរពេទ្យកាល់ម៉ែត ឯកឧត្តមសាស្ត្រាចារ្យ ឈាង រ៉ា ក្នុងនាមជាថ្នាក់ដឹកនាំគ្រឹះស្ថានសុខាភិបាលសាធារណៈ បានចែករំលែកនូវបទពិសោធន៍ការងារ នៃភាពជាអ្នកដឹកនាំរបស់ឯកឧត្តម ទៅកាន់សិក្ខាកាម។

ក្នុងនោះលោកអគ្គនាយក បានចែករំលែកនូវទស្សនផ្ទាល់ខ្លួនថា អ្នកដឹកនាំ គឺជាកត្តាកំណត់សម្រាប់ដំណើរការទាំងមូល នៃនិរន្តរភាព, ធ្វើជាអ្នកដឹកនាំ ត្រូវមានចក្ខុវិស័យវែងឆ្ងាយ កុំមានការត្អូញត្អែរ និងមានភាពក្លាហាន ក្នុងភាពត្រឹមត្រូវ។

ជាមួយគ្នានោះ លោកស្រី ឈី វិជ្ជរ៉ា អនុរដ្ឋលេខាធិការ ក្រសួងមុខងារសាធារណៈ ដែលបានដឹកនាំសិក្ខាកាម ចុះទស្សនកិច្ចសិក្សា បានលើកឡើងថា សិក្ខាកាមមានភាពរំភើបចិត្ត ចំពោះចំណេះដឹង និងបទពិសោធន៍ ក្នុងការដឹកនាំ និងនវានុវត្តន៍ នៅមន្ទីរពេទ្យកាល់ម៉ែត។

លោកស្រី បានឯកភាព ចំពោះភាពក្លាហាន នៃការដឹកនាំរបស់លោកសាស្ត្រាចារ្យ ឈាង រ៉ា ដែលធ្វើឲ្យក្រុមការងារមន្ទីរពេទ្យទាំងមូល មានភាពក្លាហាន និងមានការរីកចម្រើន ដោយមានការទទួលស្គាល់ និងគាំទ្រ ពីសំណាក់ក្រសួងសុខាភិបាល និងរាជរដ្ឋាភិបាលកម្ពុជា៕

ដោយ ៖ អ៊ូច ប៊ុនថា