ព័ត៌មានជាតិ

ដឹងកាលបរិច្ឆេទបើកការដ្ឋានសាងសង់កំពង់ផែទឹកជ្រៅខេត្តព្រះសីហនុ

បានផុស

៣ years មុន

នៅ

ថ្ងៃពុធ ១៥ កុម្ភៈ ២០២៣

ដោយ

ក្រោយការសិក្សាជាច្រើនឆ្នាំ និងរងការរំខានដោយសារការរីករាលដាលនៃជំងឺកូវីដ ១៩ គម្រោងពង្រីកកំពង់ផែទឹកជ្រៅខេត្តព្រះសីហនុនឹងឈានទៅបើកការដ្ឋានសាងសង់នៅពាក់កណ្ដាលឆ្នាំ២០២៣។

ថ្លែងប្រាប់បណ្ដាញសារព័ត៌មាននៅក្នុងសន្និសីទនៅព្រឹកមិញនេះ លោក គួច ចំរើន អភិបាលនៃគណៈអភិបាលខេត្តព្រះសីហនុបានឲ្យដឹងថា ការសាងសង់កំពង់ផែទឹកជ្រៅខេត្តព្រះសីហនុជំហានទីមួយ នឹងបើកការដ្ឋានសាងសង់នៅអំឡុងខែមិថុនាពាក់កណ្ដាលឆ្នាំ ២០២៣។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបញ្ជាក់ថា បច្ចុប្បន្នកំពុងឈានដល់ដំណាក់កាលជ្រើសរើសក្រុមហ៊ុនសាងសង់ ខណៈអាជ្ញាធរខេត្តក៏បានត្រៀមទីតាំងទុកសម្រាប់ការចាប់ផ្ដើមដំណើរការសាងសង់។

បើតាមលោកគួច ចំរើន ការសាងសង់កំពង់ផែទឹកជ្រៅខេត្តព្រះសីហនុមានការសិក្សានិងឆ្លងនីតិវិធីច្រើន ហើយបើតាមលោកអភិបាលខេត្តការដេញថ្លៃជ្រើសរើសក្រុមហ៊ុនសាងសង់នឹងធ្វើឡើងនៅប្រទេសជប៉ុន។

«ខ្ញុំមិនដឹងថា ពេលដេញថ្លៃនៅប្រទេសជប៉ុន នឹងអញ្ជើញប្រតិភូខេត្តព្រះសីហនុទៅចូលរួមឬយ៉ាងណា ដោយសារគម្រោងកំពងផែនេះស្ថិតនៅក្រោមការគ្រប់គ្រងអង្គភាពស្វយ័តកំពង់ផែ និងក្រសួងសាធារណការ»។

ក្រោមការគាំទ្រពីរដ្ឋាភិបាលជប៉ុន ការពង្រីកកំពង់ផែទឹកជ្រៅខេត្តព្រះសីហនុគ្រោងសាងសង់ជា ៣ ដំណាក់កាល។ លោក ស៊ុន ចាន់ថុល រដ្ឋមន្ត្រីក្រសួងសាធារណការធ្លាប់បានបញ្ជាក់ថា ការសាងសង់កំពង់ផែទឹកជ្រៅខេត្តព្រះសីហនុដំណាក់កាលទី ១ នឹងបញ្ចប់នៅឆ្នាំ ២០២៥ ដែលអាចបម្រើសេវាកម្មដឹកជញ្ជូនប្រមាណ ៩៣% នៃនាវាធំៗទាំងអស់ដែលធ្វើដំណើរក្នុងតំបន់អាស៊ីប៉ាស៊ីហ្វិក។

ដោយឡែកដំណាក់កាលទី២ និងទី៣ នឹងត្រូវសាងសង់បន្តបន្ទាប់មានជម្រៅទឹករហូតដល់ ១៨ ម៉ែត្រ ដែលបញ្ចប់នៅឆ្នាំ២០២៨៕

Related Topics:លោក គួច ចំរើន

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា