ជើងហោះហើរ​ពី​ចិន​ដឹកភ្ញៀវទេសចរ ១១៧ នាក់ចុះចតនៅព្រលាន​យន្តហោះ​ខេត្តព្រះសីហនុ

យន្តហោះ ១ គ្រឿងដឹកភ្ញៀវទេសចរជនជាតិចិនចំនួន ១១៧ នាក់មកពីក្រុងគុនមីងប្រទេសចិន ចុះចតដោយសុវត្ថិភាពនៅអាកាសយាន្តដ្ឋានអន្តរជាតិខេត្តព្រះសីហនុនៅព្រឹកថ្ងៃទី១៧ ខែកុម្ភៈ ឆ្នាំ២០២៣នេះ។

យោងតាមរបាយការណ៌របស់សមត្ថកិច្ចបានឲ្យដឹងថា ជើងហោះហើរលេខ DR ៥០៣១ ពីប្រទេស​ចិន​បានចុះចតនៅម៉ោង​ ១១ និង ០៥ នាទីព្រឹកថ្ងៃទី១៧ ខែកុម្ភៈ ឆ្នាំ២០២៣។

នេះជាលើកទី ២ ចាប់តាំងពីប្រទេសចិនបានប្រកាសបើកប្រទេសឡើងវិញ ដែល​ព្រលានយន្តហោះ​ខេត្ត​ព្រះសីហនុ​​ទទួល​បាន​ជើង​ហោះហើរដឹក​ភ្ញៀវ​ទេសចរ​ពីប្រទេស​ចិន​ ដោយលើកទី១ នៅថ្ងៃទី២៧ ខែមករា មាន​ភ្ញៀវទេសចរ​ចិនចំនួន ១០៤ នាក់បានជិះយន្តហោះ ១ គ្រឿងមកពីក្រុងគុនមីង បានចុះចតនៅអាកាសយាន្តដ្ឋានអន្តរជាតិខេត្តព្រះសីហនុ​។ សរុបទាំងលើកនេះមានភ្ញៀវទេសចរជនជាតិចិនចំនួន២១៥នាក់បានធ្វើដំណើរតាមយន្តហោះមកកាន់ខេត្តព្រះសីហនុ៕

អត្ថបទ៖ ស៊ុយ ចាន់ធា