សុខភាព

តើពិបាកក្នុងការមានគភ៌នៅវ័យបន្តពូជមែនទេ?

បានផុស

៥ years មុន

នៅ

ថ្ងៃសុក្រ ១៥ មករា ២០២១

ដោយ

ការពិបាកក្នុងការមានគភ៌ (infertilité) គឺជាការលំបាក ឬពុំអាចមានលទ្ធភាពនឹងមានគភ៌។ ដូច្នេះជំនួយការវេជ្ជសាស្ត្រ ក្នុងការឲ្យមានគភ៌ ឬការបង្កកំណើតក្នុងមន្ទីរពិសោធន៍វេជ្ជសាស្ត្របន្តពូជ(procréation médicalement assistée) គឺជាមធ្យោបាយមួយដែលដើរតួយ៉ាងសំខាន់ ក្នុងការជួយឲ្យមានគភ៌។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការលំបាក ឬពុំអាចមានលទ្ធភាពនឹងមានគភ៌ បច្ចុប្បន្នមានអត្រាកើនឡើងជាលំដាប់ជារៀងរាល់ឆ្នាំ។ ប្រេវ៉ាឡង់ដៃគូស្វាមីភរិយា ដែលអសមត្ថភាព ក្នុងការមានគភ៌នៅប្រទេសជឿនលឿន គឺស្ថិតនៅអត្រាចន្លោះ ពី ១៥ ដល់ ២៥% ។ ដោយឡែកនៅក្នុងប្រទេសកម្ពុជាយើងវិញ នាពេលបច្ចុប្បន្ននេះ អត្រានៃគូស្វាមីភរិយា ដែលមកពិគ្រោះនូវបញ្ហាពាក់ព័ន្ធទៅនឹងករណីពិបាកមានគភ៌នៅក្នុងវ័យបន្តពូជ ក៏មានការកើនឡើងគួរឲ្យកត់សំគាល់។

ក) មូលហេតុ

មូលហេតុនៃការអសមត្ថភាពមានគភ៌ បណ្តាលមកពី

– បញ្ហាសុខភាពបន្តពូជស្ត្រី ២៤% ហើយក្នុងចំណោមបញ្ហាទាំងនេះមានដូចជា៖

+វិបត្តិនៃការបញ្ចេញមេជីវិតញី ៣៣%

+ការស្ទះរន្ធដៃស្បូន ២៦%

+អង់ដូមេទ្រីយ៉ូល ៣៧%

+រំអិលនៃមាត់ស្បូន និងរូបសណ្ឋានខុសប្រក្រតី ២%

+ការកើនឡើងអរម៉ូន ប្រូឡាក់ទីនក្នុងឈាម ១% ហើយសល់ពីនេះ មានដូចជា ការបង្ករោគលើប្រដាប់បន្តពូជ និង DES Syndrome ស្ទើរគ្មាន។

– ចំណែកបញ្ហាសុខភាពបន្តពូជបុរសមាន ១៦%។

– ចំពោះបញ្ហារួមទាំងបុរស និងស្ត្រីមាន ៣០%។

– បញ្ហាដែលនៅសល់ គឺពុំទាន់រកឃើញមូលហេតុច្បាស់លាស់នៅឡើយមាន ៣០%។

ខ) ការព្យាបាល

ដំណោះស្រាយ នៅលើបញ្ហាពាក់ព័ន្ធករណីវិបាកមានគភ៌មានដូចជា

– ការព្យាបាលដោយប្រើប្រាស់ថ្នាំ នៅលើគូស្វាមីទាំងសងខាង។

– ការព្យាបាលដោយការវះកាត់ ស្របតាមមូលហេតុផ្សេងៗ ដែលការវះកាត់មានការដាក់កាមេរ៉ាតាមលើពោះ ឬមាត់ទ្វារស្បូន។

ដំណោះស្រាយជាចម្បង យើងត្រូវស្វែងរកមូលហេតុ និងកត្តាប្រឈមទាំងឡាយណា ដែលផ្តល់ផលប៉ះពាល់ដល់បញ្ហាពាក់ព័ន្ធនឹងវិបត្តិគ្មានគភ៌។

ដើម្បីស្វែងរកមូលហេតុ និងដំណោះស្រាយ ព្រមទាំងឈានទៅរកការព្យាបាល ដែលត្រឹមត្រូវនិងសមស្រប នៅលើបញ្ហាពាក់ព័ន្ធនឹងវិបត្តិគ្មានគភ៌ សូមអញ្ជើញលោកអ្នក មកពិគ្រោះពិភាក្សាជាមួយគ្រូពេទ្យជំនាញនៅមន្ទីរពេទ្យកាល់ម៉ែត រៀងរាល់ថ្ងៃច័ន្ទ ដល់ សុក្រ ចាប់ពីម៉ោង ១៤:០០ដល់ម៉ោង ១៦:០០៕

អត្ថបទ៖ រស្មី

សូមចុចអាន៖ ហេតុអ្វីចាំបាច់ ត្រូវបំបៅកូនដោយទឹកដោះម្តាយ