ព័ត៌មានជាតិ
ខេត្តក្រចេះមានរោងចក្រពីរកន្លែង មួយថ្ងៃអាចកែច្នៃផលដំឡូងមីរាប់រយតោនពីកសិករ
ខេត្តក្រចេះមានរោងចក្រកែច្នៃដំឡូងមីពីរកន្លែងដែលវិនិយោគដោយកូរ៉េនិងចិន ដែលក្នុងមួយថ្ងៃអាចប្រមូលទិញកសិផលរបស់កសិករនិងកែច្នៃផលដំឡូងមីរាប់រយតោន។
កាលពីពេលថ្មីៗនេះ លោក រាជ រ៉ា រដ្ឋលេខាធិការក្រសួងពាណិជ្ជកម្ម និងជាអនុប្រធានក្រុមការងារអចិន្ត្រៃយ៍នៃក្រុមការងារអន្តរស្ថាប័នសម្រាប់ពិនិត្យ តាមដាន វាយតម្លៃការអនុវត្តគោលនយោបាយជាតិស្តីពីដំឡូងមី ២០២០-២០២៥បានដឹកនាំគណៈប្រតិភូចុះទៅទស្សនកិច្ចក្រុមហ៊ុន Sing Song Industrial (Cambodia) Co., Ltd. ដើម្បីស្វែងយល់បន្ថែមអំពីខ្សែច្រវាក់ផលិតកម្មរបស់ក្រុមហ៊ុន មានទីតាំងស្ថិតភូមិអូរឫស្សី២ សង្កាត់អូរឫស្សី ក្រុងក្រចេះ ខេត្តក្រចេះ។
ក្រុមហ៊ុន Sing Song Industrial (Cambodia) Co., Ltd វិនិយោគដោយកូរ៉េ។ ក្រុមហ៊ុននេះបានបោះទុនប្រមាណ ៣០ លានដុល្លារអាមេរិក សាងសង់រោងចក្រកែច្នៃដំឡូងមីលើផ្ទៃដីទំហំជិត ២៣ ហិកតា ស្ថិតនៅខេត្តក្រចេះ ដោយចាប់ផ្តើមដំណើរការតាំងពីឆ្នាំ ២០១៦ ដោយប្រមូលទិញដំឡូងពីប្រជាកសិករនៅក្នុងខេត្តកែច្នៃជាម្សៅដំឡូងមី។
ក្រុមហ៊ុនមានសមត្ថភាពអាចផលិតចេញជាម្សៅដំឡូងមីបានក្នុងមួយថ្ងៃចំនួន ២៤០ តោន និងតម្រូវការដំឡូងមីស្រស់ជារៀងរាល់ថ្ងៃប្រមាណ ៨៩០តោន។
ទន្ទឹមនេះ ខេត្តក្រចេះក៏នៅមានរោងចក្រកែច្នៃដំឡូងមីស្រស់ចេញជាម្សៅដំឡូងមីមួយទៀតគឺ Green Leader (Cambodia) Co., Ltd ក្រោមការដាក់ទុកវិនិយោគរបស់ក្រុមហ៊ុនចិន លើទំហំទឹកប្រាក់ប្រមាណជា ២០លានដុល្លារអាមេរិក ស្ថិតនៅក្នុងតំបន់សេដ្ឋកិច្ចពិសេសស្រុកស្នួល ខេត្តក្រចេះ។
ក្រុមហ៊ុនមួយនេះ បានដំណើរការកែច្នៃម្សៅដំឡូងមី កាលពីកំឡុងខែឧសភា ឆ្នាំ២០១៩ កន្លងទៅ ដែលមានសមត្ថភាពផលិតម្សៅដំឡូងមីបានប្រមាណ ១៣០ពាន់ក្នុងមួយឆ្នាំ និងស្រូបយកវត្ថុធាតុដំឡូងមីស្រស់ចំនួន ៥០០ពាន់តោនផងដែរ។
តាមមរបាយការណ៍របស់រដ្ឋបាលខេត្តក្រចេះនៅក្នុងសន្និសីទ «ភាពជោគជ័យរយៈពេល ៥ ឆ្នាំរបស់ខេត្តក្រចេះ» ខេត្តក្រចេះមានក្រុមហ៊ុនចំនួន ៤៨ ក្រុមហ៊ុន បានមកវិនិយោគសម្បទានដីសេដ្ឋកិច្ចលើផ្ទៃដី ១៩៨.៩៧០ ហិកតា ដែលក្នុងនោះលើការដាំដុះកៅស៊ូចំនួន ៥៤.៤៤៥ហិកតា, ដំឡូងមីចំនួន ១.០០០ហិកតា, ចេកអំបូងលឿងចំនួន ៣.៤៥៥ ហិកតា, អំពៅចំនួន ៦.០០០ ហិកតា, ម៉ៃសាក់ចំនួន ១.៦៥១ ហិកតា, ស្វាយចន្ទីចំនួន ៣.៤៩៧ ហិកតា និងឈើហូបផ្លែចំនួន ៦៨១ ហិកតា៕
-
ព័ត៌មានអន្ដរជាតិ១២ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ