ថៃ​ រំលាយ​សភា ​មុន​ការ​បោះឆ្នោត​សកល​ ​ខែ​ឧសភា

នៅថ្ងៃចន្ទទី២០ខែមីនា ព្រះមហាក្សត្រថៃ Maha Vajiralongkorn បានចេញព្រះរាជក្រឹត្យស្តីពីការរំលាយសភា ដោយនេះនឹងត្រួសត្រាយផ្លូវសម្រាប់ការបោះឆ្នោតសកល នៅក្នុងខែឧសភា។

ព្រះរាជក្រឹត្យ​ដែល​ចេញ​នៅ​ថ្ងៃ​ទី១៧ខែ​មីនា គឺបានចូល​ជា​ធរមាន​នៅ​ថ្ងៃ​ចន្ទ ខណៈរដ្ឋធម្មនុញ្ញ​ថៃ​ចែង​ថា ការ​បោះឆ្នោត​ត្រូវ​ធ្វើឡើង​ចន្លោះ​ពី ៤៥ ទៅ ៦០ ថ្ងៃ​បន្ទាប់​ពី​ការ​រំលាយ​សភា។

នេះ​មាន​ន័យ​ថា ការ​បោះ​ឆ្នោត​នឹង​ធ្វើ​ឡើង​នៅ​ចន្លោះ​ថ្ងៃ​ទី​៤ ដល់​ថ្ងៃ​ទី​១៩ ខែ​ឧសភា។

ទោះបីជាយ៉ាងណាក៏ដោយ កាល​បរិច្ឆេទ​ពិតប្រាកដ​នៃ​ការ​បោះ​ឆ្នោត ​នឹង​ត្រូវ​ប្រកាស​ដោយ​គណៈកម្មាធិការ​រៀបចំ​ការ​បោះ​ឆ្នោត។

គួរបញ្ជាក់ថា ប្រទេសថៃបានរៀបចំការបោះឆ្នោតលើកមុន នៅថ្ងៃទី២៤ខែមីនា ឆ្នាំ២០១៩ ដែលជាការផ្លាស់ប្តូរពីរបបយោធាជិតប្រាំឆ្នាំ ឆ្ពោះទៅរកការបង្កើតរដ្ឋាភិបាលជាប់ឆ្នោតតាមបែបប្រជាធិបតេយ្យឡើងវិញ៕

ប្រែសម្រួល៖ Vann Vann

ប្រភព៖ CNA

ចុចអាន៖ ជិតបោះឆ្នោត លោក ប្រាយុទ្ធ ធានាថា ថៃ នឹងលែងមានរដ្ឋប្រហារទៀតហើយ