ជីវិតកម្សាន្ដ

Taew បញ្ចេញរូបគូស្នេហ៍នៅសមុទ្រ មហាជនសង្ស័យថា អាចនឹងមានដំណឹងរៀបការឆាប់

បានផុស

៣ years មុន

នៅ

ថ្ងៃអង្គារ ២៨ មីនា ២០២៣

ដោយ

តារាសម្ដែង Taew Natapohn និងមិត្តប្រុសសេដ្ឋីទើបតែបញ្ចេញរូបភាពច្រើនសន្លឹកបង្ហាញពីសកម្មភាពផ្អែមល្ហែមរបស់ពួកគេដើរលេងនៅឯមាត់សមុទ្រជាមួយក្រុមគ្រួសារខាងស្រី ខណៈអ្នកគាំទ្រគិតថា គូស្នេហ៍ហៃសូអាចនឹងមានដំណឹងល្អឆាប់ៗខាងមុខ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈបណ្ដាញសង្គមទាំង Taew និងសេដ្ឋី Hiso Nai បង្ហោះរូបភាពប៉ុន្មានសន្លឹកបែបផ្អែមល្ហែម ជាមួយនឹងភាពគួរឲ្យស្រលាញ់របស់ពួកគេទាំងពីរគ្រប់សន្លឹកគ្មានចន្លោះ។ ប៉ុន្តែបែរធ្វើឲ្យអ្នកគាំទ្រមានក្ដីរំភើបនិងសង្ស័យថា គូស្នេហ៍នេះអាចនឹងមានដំណឹងល្អឆាប់ៗ ដោយសារគេសង្កេតឃើញថាគ្រួសារសងខាងតែងជួបគ្នាញឹកញាប់ណាស់។ ជាពិសេសកាលពីប៉ុន្មានថ្ងៃមុន Taew ទើបតែធ្វើប្រារព្ធពិធីខួបកំណើតឲ្យមិត្តប្រុស ក្រោមការជួបជុំគ្រួសារសងខាងផងដែរ។

ទោះយ៉ាងណា តារាសម្ដែងស្រី Taew Natapohn ទើបតែចេញមុខបកស្រាយពីមូលហេតុដែលនាងមិនបានទៅចូលរួមកម្មវិធី ខួប៥៣ឆ្នាំ នៅប៉ុស្ដិ៍លេខ៣ រហូតធ្វើឲ្យក្រុមអ្នកនិយមលេងអ៊ីនធឺណិតមានការសង្ស័យយ៉ាងខ្លាំងថា នាងអាចនឹងមិនចុះសម្រុងនឹងនរណាម្នាក់ ដែលតាមពិត Taew ថា គឺដោយសារនាងមានបញ្ហាសុខភាពតាំងពីដើមឆ្នាំ ហើយត្រូវសម្រាកដើម្បីសង្គ្រោះបន្ទាន់ប៉ុណ្ណោះ៕