ព័ត៌មានជាតិ
លោកអភិបាលរងខេត្តថា ស្រុកជីក្រែងគឺជាស្រុកទី១ដែល ទទួលបានវិញ្ញាបនបត្រសម្គាល់ម្ចាស់អចលនវត្ថុ ប័ណ្ណកម្មសិទ្ធិ
សៀមរាប ៖ នៅព្រឹកថ្ងៃទី២៨ ខែមេសា ឆ្នាំ២០២៣នេះ មន្ទីររៀបចំដែនដី នគរូបនីយកម្ម សំណង់ និងសុរិយោដីខេត្តសៀមរាប សហការជាមួយរដ្ឋបាលស្រុកជីក្រែង បានធ្វើការប្រកាសចែកវិញ្ញាបនបត្រ សម្គាល់អចលនវត្ថុរបស់កម្មវិធី អនុវិស័យរដ្ឋបាលដីធ្លី ដែលគាំទ្រថវិកាដោយរាជរដ្ឋាភិបាលកម្ពុជា ជូនដល់ប្រជាពលរដ្ឋនៅក្នុងភូមិពោធិ៍សេរី ឃុំកំពង់ក្តី ស្រុកជីក្រែង ក្រោមអធិបតីភាពលោក លី សំរិទ្ធ អភិបាលរងនៃគណៈអភិបាលខេត្តសៀមរាប។
លោក បូ ម៉េងទ្រី អភិបាលនៃគណៈអភិបាលស្រុក ជីក្រែង បានឲ្យដឹងថា យោងតាមលទ្ធផលនៃដំណើរការចុះ បញ្ជីដីធ្លីមានលក្ខណៈជាប្រព័ន្ធ សម្រាប់ភូមិពោធិ៍សេរី ឃុំកំពង់ក្តី មានក្បាលដីសរុបចំនួន ៩១២ក្បាលដី ហើយអាចចេញវិញ្ញាបនបត្រសម្គាល់ម្ចាស់អចលនវត្ថុ (ប័ណ្ណកម្មសិទ្ធិ) បានសរុបចំនួន ៨០៩ក្បាលដី និងក្បាលដីចំនួន ១០៣ក្បាលដី ទៀតដែលមិនទាន់អាចចេញវិញ្ញាបនបត្រសម្គាល់ម្ចាស់អចលនវត្ថុ (ប័ណ្ណកម្មសិទ្ធិ) ជូនបាន ដោយសារពាក់ព័ន្ធនឹងក្បាលពីគ្មានទិន្នន័យ ជំទាស់តវ៉ាពាក់ព័ន្ធនឹងផ្លូវ ប្រឡាយ និងក្បាលដី ជាប់បុរាណដ្ឋានជាដើម ហើយគណៈកម្មការរដ្ឋបាលនឹងបន្តដោះស្រាយ ជាបន្ត បន្ទាប់ទៀត ហើយក្បាលដីពាក់ព័ន្ធនឹងបុរាណដ្ឋាន រដ្ឋបាលខេត្តបាននឹងបន្តសហការជាមួយអាជ្ញាធរ ជាតិអប្សរា មន្ទីរ អង្គភាពពាក់ព័ន្ធ ពិនិត្យនិងដោះស្រាយតាមនីតិវិធីជាបន្ថែមទៀត។
លោក ហ៊ី សាយ ប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្ត មានប្រសាសន៍ថា ថ្ងៃនេះ ភូមិពោធិ៍សេរី ត្រូវបានទទួលវិញ្ញាបនបត្រសម្គាល់ម្ចាស់អចលនវត្ថុ (ប័ណ្ណកម្មសិទ្ធិ) ចំពោះតែក្បាលដីណាដែលមិនមានទំនាស់តវ៉ា ឬ ជាប់ពាក់ ព័ន្ធនឹងបុរាណដ្ឋាន។ ចំពោះក្បាលដី ជាប់ព័ន្ធនឹង ទំនាស់តវ៉ាផ្សេងៗ គណៈកម្មការរដ្ឋបាលនឹងបន្ត ពិនិត្យ និងដោះ ស្រាយតាមនីតិវិធីជាបន្តបន្ទាប់ ដើម្បីឈានទៅដល់ការចេញប័ណ្ណជូនម្ចាស់ដីជាបន្តទៀត។
ដោយឡែកចំពោះក្បាលដីជាប់ពាក់ព័ន្ធនឹងតំបន់ បុរាណដ្ឋាន ដែលបានការពារដោយអាជ្ញាធរជាតិអប្សរា និងមន្ទីរធម៌និងវិចិត្រសិល្បៈរដ្ឋបាលខេត្តបាននឹងបន្ត សហការ ដោះស្រាយតាមនីតិវិធីបន្ថែមទៀត។
បើតាមការបញ្ជាក់របស់លោក ប៊ូ ជុំសម្បត្តិ អនុប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្ត បានឲ្យដឹងថា ការមកទទួលយកវិញ្ញាបនបត្រ សម្គាល់ម្ចាស់អចលនវត្ថុនេះ គឺមានរយៈពេល ៣សប្តាហ៍ គិតចាប់ពីនៅថ្ងៃទី២៨ ខែមេសា ឆ្នាំ២០២៣នេះតទៅ មានទីតាំងស្ថិតនៅការិយាល័យរៀបចំដែនដី នគរូបនីយកម្មសំណង់ និងសុរិយោដីភូមិបាលស្រុកជីក្រែង ដោយផ្ទាប់មកជាមួយប័ណ្ណសម្គាល់សិទ្ធិ និងអត្តសញ្ញាណប័ត្រ ប៉ុន្តែបើផុតរយៈពេលកំណត់ខាងលើនេះ ម្ចាស់ដី ឬ អ្នកកាន់កាប់ដីត្រូវ ទៅទទួលវិញ្ញាបនបត្រ សម្គាល់ម្ចាស់អចលនវត្ថុ នៅមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្តសៀមរាប ដែល មានទីតាំងស្ថិតនៅក្នុងមណ្ឌលរដ្ឋបាលមន្ទីរខេត្តសៀមរាប។
លោក លី សំរិទ្ធ អភិបាលរងខេត្ត មានប្រសាសន៍ថា បច្ចុប្បន្នរដ្ឋបាលខេត្ត បានអនុវត្តការងាររបស់ខ្លួនលើការងារចុះបញ្ជីដីធ្លីនេះទទួលបានលទ្ធផលជាច្រើន ដូចនេះដើម្បីជំរុញឱ្យកិច្ចការនេះដំណើរការបានកាន់តែល្អប្រសើរ សូមបងប្អូនប្រជាពលរដ្ឋចូលរួមសហការជាមួយអាជ្ញាធរមាន សមត្ថកិច្ច និងក្រុមការងាររបស់មន្ទីរជំនាញក្នុងការងារចុះបញ្ជីដីធ្លីនេះ។
លោកអភិបាលរងខេត្តបន្តថា ស្រុកជីក្រែង គឺជាស្រុកទី១ ដែលទទួលបាន វិញ្ញាបនបត្រសម្គាល់អចលនវត្ថុ (ប័ណ្ណកម្មសិទ្ធិ) នេះជាលទ្ធផល ដែលរដ្ឋ និងប្រជាពលរដ្ឋជាម្ចាស់ ដី ឬនិងអ្នកកាន់កាប់ដី ទទួលបាននូវសារប្រយោជន៍ ដូចជា រដ្ឋគ្រប់គ្រងបានដីធ្លី ទាំងដីរដ្ឋ និងដីឯកជន ដែលធ្វើឲ្យរដ្ឋមានការងាយស្រួលក្នុងការងាររៀបចំ ដែនដីរដ្ឋបាលដីធ្លី ការបែងចែកដី ការលើកស្ទួយកម្រិតជីវភាពរស់នៅរបស់ប្រជាពលរដ្ឋ និងការកាត់បន្ថយទំនាស់ដីធ្លី ធានាសុវត្ថិភាពក្នុងការកាន់កាប់ដីធ្លី របស់ប្រជាពលរដ្ឋ ទទួលបាននូវសិទ្ធិស្របច្បាប់ ក្លាយជាម្ចាស់ដីពិតប្រាកដ ដែលត្រូវបានការពារដោយច្បាប់ និងធានា ដោយរដ្ឋ និងអាចធ្វើការបង្កបង្កើនផល ឬប្រកបមុខរបរផ្សេងៗទៀតលើដីធ្លីរបស់ខ្លួនដោយគ្មានការព្រួយបារម្ភ និងអាចប្រើប្រាស់វិញ្ញាបនបត្រសម្គាល់ម្ចាស់អចលនវត្ថុ ដើម្បីផលប្រយោជន៍ផ្សេងៗក្នុងការប្រកបមុខរបរ ឬ អាជីវកម្មរបស់ខ្លួនជាដើម៕
ដោយ ៖ គឿនវេត
ថៃ រំលោភច្បាប់អន្តរជាតិ ដោយវាយប្រហារបង្កការខូចខាតដល់ប្រាសាទព្រះវិហាររបស់ កម្ពុជា
សម្ដេចតេជោ ទម្លាយថា«ឆ្នាំ២០០៤ ថាក់ស៊ីនសម្លាប់រង្គាលលើពលរដ្ឋថៃ កាន់សាសនាឥស្លាមនៅភាគខាងត្បូងប្រទេស»
លោក ហេង សួរ អំពាវនាវកម្មករ-និយោជិត កុំជ្រួលច្របល់នឹងហេតុការណ៍ផ្ទុះអាវុធ នៅព្រំដែន និងត្រូវជឿជាក់លើការដឹកនាំរបស់រាជរដ្ឋាភិបាលកម្ពុជា
ជារឿងចម្លែក ស្ត្រីវៀតណាមម្នាក់ មានតម្រងនោមចំនួន ៤ ពេលពិនិត្យឈឺឆ្អឹងខ្នង
ធនាគារជាតិនៃកម្ពុជាសិក្សាពីធនាគារហ្សកហ្ស៊ីលើការជំរុញការប្រើប្រាស់រូបិយវត្ថុក្នុងស្រុក
ថាក់ស៊ីន ត្រូវពលរដ្ធថៃប្រមាថ ដល់ថ្នាក់បិទបញ្ចេញមតិ ក្រោយថា កម្ពុជាបាញ់មុន
អត់ខ្មាស់ពិភពលោក បាញ់មកកម្ពុជាមុន តែ ផែថងតាន ថា ខាងខ្លួនខំអត់ធ្មត់ និងចាស់ទុំជាងគេទៅវិញ
សារព័ត៌មានថៃសម្រុកផ្សាយពីភាពរងគ្រោះរបស់ខ្លួន ខណៈកងទ័ពថៃជាអ្នកបង្កហេតុ
អាមេរិក អាចចាត់វិធានការលើថៃ បើរកឃើញថា ថៃ បំពានលក្ខខណ្ឌប្រើ F-16 វាយប្រហារកម្ពុជា
សារព័ត៌មានល្បីៗផ្សាយថា ថៃបើកការបាញ់ប្រហារកម្ពុជា និងឆ្លងចូលទឹកដីកម្ពុជា
-
ព័ត៌មានអន្ដរជាតិ៥ ថ្ងៃ agoព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
-
ព័ត៌មានអន្ដរជាតិ៣ ថ្ងៃ agoរដ្ឋមន្ត្រីអប់រំថៃ ស្លៀកខោខូវប៊យរហែកជង្គង់ ពេលធ្វើគណអធិបតីអង្គប្រជុំ ត្រូវគេរិះគន់ពេញប្រទេស
-
ព័ត៌មានជាតិ៦ ថ្ងៃ agoអគ្គនាយកស៊ីម៉ាក់បង្ហាញរូបភាពទ័ពថៃជីកដីដាក់មីនខណៈនៅឡាំប៉ាចោទកម្ពុជា
-
ព័ត៌មានអន្ដរជាតិ១៦ ម៉ោង agoថាក់ស៊ីន ត្រូវពលរដ្ធថៃប្រមាថ ដល់ថ្នាក់បិទបញ្ចេញមតិ ក្រោយថា កម្ពុជាបាញ់មុន
-
ព័ត៌មានអន្ដរជាតិ៤ ថ្ងៃ agoមេភូមិភាគ២ថៃ ប្រកាសលែងចាំស្តាប់បញ្ជារដ្ឋាភិបាលក្រុងបាងកកទៀតហើយ រឿងឆ្លើយតបជាមួយកម្ពុជា
-
បច្ចេកវិទ្យា៥ ថ្ងៃ agoជោគជ័យលើសពីការរំពឹងទុក! OPPO Reno14 Series 5G First Sale Event មានមនុស្សចូលរួមច្រើនធ្វើឲ្យកក្រើកពេញផ្សារ AEON MALL តែម្តង
-
ព័ត៌មានអន្ដរជាតិ២១ ម៉ោង agoអត់ខ្មាស់ពិភពលោក បាញ់មកកម្ពុជាមុន តែ ផែថងតាន ថា ខាងខ្លួនខំអត់ធ្មត់ និងចាស់ទុំជាងគេទៅវិញ
-
ព័ត៌មានអន្ដរជាតិ២ ថ្ងៃ agoថៃ បាក់មុខមិនស្ទើរ ក្នុងកិច្ចប្រជុំជាមួយអនុព័ន្ធយោធាអន្តរជាតិ ស្តីពីបញ្ហាទាហានខ្លួនជាន់មីន