បង្ហាញមុខ តារាពិភពលោកជើងស្អុយ ៦ ដួង

តារាល្បីមានសម្រស់ស្រស់ស្អាតធ្វើឲ្យអ្នកគាំទ្រគិតថាពួកគេល្អគ្រប់ដប់បូករួមទាំងក្លិនខ្លួនផងដែរ ផ្ទុយទៅវិញតារាក៏ចេះស្អុយជើងដូចគ្នា ។ មកស្គាល់ពីតារាពិភពលោកជើងស្អុយទាំង ៦ ៖

១. Britney Spears

អតីតអង្គរក្សរបស់ Britney ឈ្មោះ Fernando Flores ទម្លាយថា Britney អាចមិនមុជទឹក មិនដុះធ្មេញ មិនលុញក្លៀក និងមិនពាក់ស្រោមជើងជាច្រើនថ្ងៃ ។ ជើងដ៏ស្អុយរបស់ Britney ធ្លាប់ភាយពេញយន្តហោះដែលនាងធ្វើដំណើរពី ​LA ទៅញូវយ៉ក ដល់ថ្នាក់អ្នកដំណើរផ្សេងទៀតសំណូមពរឲ្យនាងពាក់ស្បែកជើងវិញ ។

២. Lindsay Lohan

យោងតាមមិត្តជិតស្និទ្ធរបស់នាងបានឲ្យដឹងថា បញ្ហាស្អុយជើងរបស់ Lindsay កើតឡើងតាំងពីវ័យជំទង់ ហើយក្នុងកិច្ចសម្ភាសន៍ជាមួយ Oprah Winfrey ក៏នាងបានទទួលស្គាល់ពីជើងស្អុយរបស់ខ្លួនដែរ ។ ពេល Lindsay ទៅណាមកណា នាងតែងតែរងឥទ្ធិពលដោយសារជើងស្អុយ ថែមទាំងធ្លាប់ត្រូវគេថតបានជើងលាបម្សៅទៀតផង ដូច្នេះហើយទើប Lindsay មិនចូលចិត្តភោជនីយដ្ឋានជប៉ុន ។

៣. Kate Hudson

Kate មិនខ្មាសអៀននឹងប្រាប់គេពីជើងស្អុយរបស់នាងទេ លើសពីនេះវាគឺជាមូលហេតុមួយដែលជួយឲ្យនាងបានស្រលាញ់គ្នាជាមួយអតីតស្វាមី Chris Robinson ព្រោះលោកគិតថា Kate គួរឲ្យស្រលាញ់ ។

៤. Elvis Presley

Elvis ឧស្សាហ៍ប្រើទឹកអប់ជាជាងមុជទឹកសម្អាតកាយ អតីតអ្នកភ្លេងរបស់គាត់ម្នាក់ធ្លាប់រអ៊ូរឿងក្លិនជើងដ៏ស្អុយរបស់លោក សូម្បីម្ដាយបង្កើតក៏ទ្រាំមិនបានដែរពេលបោកខោអាវឲ្យ Elvis ម្ដងៗ ។

៥. Kimberly Stewart

មានពាក្យចចាមអារ៉ាមបាននិយាយថា កូនស្រី Rod Stewart ឈ្មោះ Kimberly Stewart តែងតែលាងជើងមុនចូលធ្វើក្រចក ។ ថ្ងៃមួយ Kim បានចូលទៅក្នុងហាងធ្វើក្រចកដ៏ល្បីនៅហូលីវូដ ស្រាប់តែជាងក្រចកនិយាយតៗគ្នាថា “ជើងនាងស្អុយខ្លាំងណាស់ មិនមានជាងណាធ្វើឲ្យនាងទេ” ។

៦. Kanye West

Kim Kardashian អតីតភរិយាបាននិយាយថា នាងស្រលាញ់ Kanye ប៉ុន្តែជើង​គាត់ស្អុយដូចឈីស ទើបនាងបង្ខំឲ្យ Kanye លាងជើង ហើយលាបម្សៅរាល់យប់មុនចូលគេងជាមួយគ្នា ។

តាមពិតក្លិនជើងមិនល្អបណ្ដាលមកពីញើស បាក់តេរី និងជំងឺផ្សិត ជួនកាលមូលហេតុចម្បងនោះគឺ អនាម័យខ្លួនប្រាណ ។ ដើម្បីជើងមានក្លិនល្អ អ្នកគួរលាងសម្អាតវាជាប្រចាំ និងថែទាំមិនឲ្យជើងសើមផ្អាប់រយៈពេលយូរដែលអាចបង្កជាមេរោគផ្សិត ឬទឹកស៊ីជើងជាដើម ៕

ប្រែសម្រួល ៖ វារី

ចុចអាន ៖ តារាអន្តរជាតិ ៦ រូប មានក្លិនអាក្រក់ចេញពីមាត់ និងរាងកាយ