Disney ហ៊ានចំណាយលុយជាង300លាន ដុល្លារទទូចអង្វរ Johnny Depp សុំត្រូវគ្នាវិញ

កាលពីពេលថ្មីៗនេះ មានព័ត៌មានមួយបានចុះផ្សាយថាផលិតកម្ម Disney បានស្នើរលុយចំនួន 300លានដុល្លាជាង ព្រមជាមួយលិខិតសុំទោសជាផ្លូវការណ៍ ផ្ញើទៅកាន់តារាសម្ដែងប្រុស Johnny Depp ដើម្បីឲ្យលោកព្រមវិលមកដើរតួអង្គកាពីទែន Jack Sparrow ក្នុងសែស្រឡាយ PIRATES OF THE CARIBBEAN វិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គួរបញ្ជាក់ដែរថា កំឡុងពេល Johnny Depp កំពុងតែមានរឿងក្ដីប្ដឹងប្ដល់ជាមួយនឹងអតីតភរិយា តារាសម្ដែងស្រី Amber Heard មិនទាន់ចប់សប់គ្រប់នៅឡើយនោះ ផលិតកម្ម Disney បានប្រកាសដកលោក Depp ចេញពី Project ធំៗទាំងអស់ រួមមានទាំង PIRATES ផងដែរ។

ក្រោយពីតារាប្រុសរូបនេះ បានឈ្នះក្ដី និងបានលាងជម្រះភាពស្អាតស្អំ ស្ដារកិត្តិយសខ្លួនត្រឡប់មកវិញ ផលិតកម្ម Disney ក៏បានងាកមុខមកសុំទោស Johnny Depp វិញ ដោយសូមអង្វរឲ្យលោកមកបន្ដសម្ដែងជាតួអង្គកាពីទែន Jack Sparrow របស់គាត់ឡើងវិញម្តងទៀត។

ចំណែកឯមហាជនវិញ មានអ្នកខ្លះកំពុងរំជើបរំជួលដែលនឹងបានឃើញ កាពីទែន Jack Sparrow ម្តងទៀត ប៉ុន្ដែអ្នកខ្លះហាក់មិនពេញចិត្តនឹងទង្វើបែបកូនក្មេងរបស់ Disney និងនាំគ្នាហាមមិនឲ្យតារាប្រុស Depp កុំយោគយល់ពី Disney ជាដាច់ខាត៕