Taylor Swift ខំចិត្តល្អ ឲ្យលុយធីបដល់សន្ដិសុខ បែរគេរិះគន់ថា សម្ដែងយកមុខ (មានវីដេអូ)

កាលពីថ្មីៗនេះ អ្នកលេងបណ្ដាញសង្គមបានថតជាប់សកម្មភាពរបស់តារាចម្រៀងស្រីអន្តរជាតិដ៏ល្បីល្បាញ Taylor Swift ខណៈពេលដែលនាងកំពុងតែដើរចេញពីកម្មវិធីជប់លៀង after party ក្រោយពីចប់កម្មវិធីប្រគល់រង្វាន់ Grammy 2025។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងនោះ គេបានឃើញ Taylor ដើរចេញពីកម្មវិធីជាមួយនឹងក្រុមការងាររបស់នាង ហើយឆ្លៀតឈប់ ដើម្បីឲ្យលុយធីប ទៅកាន់ក្រុមការងារ បុគ្គលិក ដែលឈរនៅខាងក្រៅគ្រប់ៗគ្នា។ ជាមួយគ្នានេះដែរ​ វីដេអូសកម្មភាពនេះ ទទួលបានអ្នកទស្សនាជាង១លាននាក់ បន្ទាប់ពីបានបង្ហោះចូលទៅក្នុងបណ្ដាញសង្គម X។

យ៉ាងណាមិញ អ្នកគាំទ្រជាច្រើន បានចែករំលែកតៗគ្នា និងមានការសរសើរចំពោះទឹកចិត្តរបស់ Taylor ដែលនាងគិតគូរទៅដល់ក្រុមការងារប៉ុន្មាននាក់នោះ។ ខណៈមនុស្សមួយចំនួនទៀត ខមិនថា តារាស្រីរូបនេះ សម្ដែង ដើម្បីទាញប្រជាប្រិយភាព ព្រោះតែនាងកំពុងតែបាត់បង់អ្នកគាំទ្រ ដែលធ្វើឲ្យនាងមិនទទួលបានពានរង្វាន់ Grammy៕