ជីវិតកម្សាន្ដ

សួស វីហ្សា រំភើបខ្លាំង ក្រោយនាង និងស្វាមី ទទួលបានមេដាយគ្រឿងឥស្សរិយយស

បានផុស

៣ years មុន

នៅ

ថ្ងៃព្រហស្បតិ៍ ១៥ មិថុនា ២០២៣

ដោយ

តារាចម្រៀងអ្នកនាង សួស វីហ្សា បានសម្ដែងអារម្មណ៍រំភើប និងត្រេកអរខ្លាំង បន្ទាប់ពីនាង និងស្វាមី គឺ លោក ថមមី ទទួលបានគ្រឿងឥស្សរិយយសម្នាក់មួយគ្រឿងពីថ្នាក់ដឹកនាំ កាលពីថ្មីៗមុននេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាស្រីអ្នកនាង សួស វីហ្សា បានរៀបរាប់អារម្មណ៍បែបនេះថា «នាងខ្ញុំសូមគោរពអរគុណដល់ឯកឧត្ដមប្រធានបណ្ឌិត ហ៊ុន ម៉ាណែត តំណាងដ៏ខ្ពង់ខ្ពស់ សម្ដេចពុកអគ្គមហាសេនាបតីតេជោ ហ៊ុន សែន និង សម្ដេចម៉ែកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែលបានបំពាក់នូវមេដាយ(គ្រឿងឥស្សរិយយសព្រះរាជាណាចក្រកម្ពុជាថ្នាក់មហាសេរីវឌ្ឍន៍ជូនស្វាមីនាងខ្ញុំ) និង(គ្រឿងឥស្សរិយយស សម្ដេចព្រះមហាក្សត្រីយានី ព្រះស៊ីសុវត្តិមុនីវង្ស កុសៈមៈនារីរ័ត្ន ជូនដល់នាងខ្ញុំផងដែរ)»។

តារាចម្រៀង សួស វីហ្សា បានលើកឡើងទៀតថា នាងរឹតតែសូមអរគុណ ជាពិសេសសូមអរគុណស្វាមីដែលតែងតែលើកមុខមាត់ និងជួយជ្រោមជ្រែងដល់ប្រពន្ធគ្រប់ពេល គ្រប់ភារកិច្ចការងារទាំងអស់ មិនថារឿងតូច-ធំទេ។ អ្នកនាងបញ្ជាក់ថា ពិធីនេះគឺប្រារព្ធធ្វើឡើងស្ថិតក្នុងសង្កាត់ស្នោរ ខណ្ឌកំបូល រាជធានីភ្នំពេញ កាលពីថ្ងៃពុធ ទី ១៤ ខែមិថុនា ឆ្នាំ ២០២៣។

តាមរយៈដំណឹងនេះដែរ ក៏មានអ្នកគាំទ្រ និងប្រើប្រាស់បណ្ដាញសង្គមហ្វេសប៊ុកជាច្រើន បានចូលរួមការអបអរដល់តារាចម្រៀង សួស វីហ្សា និងលោក ថមមី។ ឆ្លើយតបទៅកាន់អ្នកគាំទ្រ តារាស្រី សួស វីហ្សា បាននិយាយថា «នាងខ្ញុំសូមគោរពអរគុណចំពោះមិត្តភ័ក្ដិបងប្អូនអ៊ំពូមីងទាំងអស់គ្នា ដែលបានចូលរួមអបអរចំពោះនាងខ្ញុំ និងស្វាមី សូមគោរពជូនពរជួបតែសេចក្ដីសុខសុភមង្គលគ្រប់ក្រុមគ្រួសារ»៕

អត្ថបទ ៖ ចាន់រ៉ា

Related Topics:សួស វីហ្សា តារាខ្មែរ លោក ថមមី

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា