ព័ត៌មានជាតិ

បុរសម្នាក់ មានមុខរបរបើកត្រាក់ទ័រភ្ជួរដីតាំងពីសម័យអ៊ុនតាក់ រកប្រាក់ចំណូលផ្គត់ផ្គង់គ្រួសារ

បានផុស

២ years មុន

នៅ

ថ្ងៃសៅរ៍ ២៤ មិថុនា ២០២៣

ដោយ

បុរសម្នាក់ឈ្មោះ ឡាយ រស់នៅភូមិព្រែករការ ឃុំសោប ស្រុកព្រែកប្រសប់ ខេត្តក្រចេះ មានមុខរបរបើកត្រាក់ទ័រជិត ៣០ ឆ្នាំមកហើយ។

ត្រាក់ទ័ររបស់គាត់ទិញមកតាំងពី ១៩៩៣ មកម៉្លេះគឺសម័យអុនតាក់ ជាប្រភេទត្រាក់ទ័រចាស់ប្រើផងជួសជុលផង ព្រោះជំនាន់នោះមិនសូវមានត្រាក់ទ័រដូចសព្វថ្ងៃនេះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីមុន គាត់អាចរកចំណូលបានច្រើនព្រោះនៅក្នុងភូមិមិនមានត្រាក់ទ័រច្រើនដូចឥលូវទេ។ កម្រៃស៊ីឈ្នួលភ្ជួរដី ១ ហិតតាអាចបានជាង ៣០ ម៉ឺនរៀលសម្រាប់ចិញ្ចឹមគ្រួសារ។

យ៉ាងណាមិញ បើតាមបុរសវ័យជាង ៥០ ឆ្នាំរូបនេះ របរបើកត្រាក់ទ័រហត់បន្តិច ព្រោះផ្លូវមិនល្អហើយចូលព្រៃទៀត។ ដីពីមុនភាគច្រើនសំបូរព្រៃ។ ឥលូវគាត់មានវ័យច្រើន មិនមានកម្លាំងបើកត្រាក់ទ័រដូចមុនទេ។ ម្យ៉ាងទៀតសម័យឥលូវក៏សំបូរត្រាក់ទ័រផង គាត់រកចំណូលក៏មិនសូវបានដែរ។

ខុសពីប្អូនប្រុសម្នាក់ទៀតឈ្មោះ ចិន ដែលរស់នៅក្នុងភូមិព្រែកប្រលូង ឃុំសោប ស្រុកព្រែកប្រសប់ ដែលមានមុខរបរជាអ្នកបើកត្រាក់ទ័រដែរនោះ ក្នុងមួយថ្ងៃៗមិនសូវទំេនេរទេមានអតិថិជនច្រើន ដោយសារមានបច្ចេកទេសភ្ជួរបានល្អមិនត្រឹមតែភ្ជួរដីទេ រុញព្រៃធ្វើភ្លឺស្រែផងដែរ។

យុវជនរូបនេះអះអាងថា ដោយសារតម្លៃសមរម្យហេតុដូច្នេះហើយទើបគាត់មានបងប្អូនកសិករគាំទ្រច្រើន។ បុរសវ័យក្មេងបន្តទៀតថា ក្នុងមួយថ្ងៃអាចរកបានចំណូលត្រឹម ១ លានរៀល បើគិតពីភ្ជួរផាល ៣ ព្រោះផាល ៣ តម្លៃចន្លោះពី ២៥ ម៉ឺន រៀលទៅ ៣០ ម៉ឺនរៀល ក្នុង ១ ហិកតា។ ចំពោះផាល ៣ គេប្រើទៅលើដីមានគល់រឺដីរានដំបូងបន្ទាប់មកទើបគេភ្ជួរផាល ៧ ដើម្បីឲ្យដីសប់ល្អ។

យុវជនរូបនេះបន្តថា នៅពេលដីស្អាតហើយដល់រដូវភ្ជួរប្រើតែផាល ៧ បានហើយតែត្រូវភ្ជួរ ២ ជើងទើបផុសដីល្អ។

បើកាត់ថ្លៃប្រេងប្អូនសល់ ៤០ ម៉ឺនរៀលទៅ ៥០ ម៉ឺនរៀលដែរ។ យ៉ាងណាមិញ បើតាមយុវជនរូបនេះ ពេលខ្លះក៏មានផលពិបាកដែរព្រោះត្រាក់ទ័រខូចត្រូវចំណាយពេលជួសជុលផង។ បើមិនសូវខូចអាចរកចំណូលបានច្រើនគួរសមដែរ សម្រាប់គ្រួសារប្អូន៕

អត្ថបទ៖ លី រតនា