ការប្រកួតគូរគំនូរសម្រាប់កុមារ និងមនុស្សពេញវ័យ អាចបានប្រាក់រង្វាន់ធំ ១ពាន់ដុល្លារ

កម្មវិធីប្រកួតគូរគំនូរដោយសេរីសម្រាប់វ័យកុមារ និងមនុស្សពេញវ័យកំពុងតែចាប់ផ្តើមបើកទទួលពាក្យហើយ ប្រាក់រង្វាន់សម្រាប់ជ័យលាភីលេខ១ ទទួលបាន១ពាន់ដុល្លារ។

កម្មវិធី “ការប្រកួតស្នាដៃសិល្បៈគំនូរ White Canvas Cambodia រដូវកាលទី៤” កំពុងចាប់ផ្តើមបើកទទួលពាក្យជាមួយនឹងគំនូរសេរី។ ប៉ុន្តែ អ្នកចូលរួម តម្រូវឱ្យគូររូប និងរៀបរាប់ពីអត្ថន័យរបស់គំនូរភ្ជាប់ជាមួយនឹងគំនូរដោយថតជាវីដេអូ រួចបំពេញពាក្យស្នើ ភ្ជាប់ជាមួយវីដេអូនោះតាមរយៈ តេលេក្រាមលេខ ០៩៦ ២១ ៨១ ២១៩។ កម្មវិធីនេះ ឈប់ទទួលពាក្យថ្ងៃទី ១៥ ខែសីហា ឆ្នាំ២០២៣។

ចំពោះលក្ខខណ្ឌចូលរួមវិញ មនុស្សពេញវ័យ ត្រូវមានអាយុចាប់ពី១៦ឆ្នាំឡើងទៅ ហើយកុមារ​ត្រូវមានអាយុ ១៥ឆ្នាំចុះក្រោម។ ប្រធានបទគឺសេរី តម្រូវឱ្យគូរលើផ្ទៃរាបដូចជា ផ្ទាំងក្រណាត់ ក្រដាស។ សម្រាប់ទំហំ​តូចបំផុត ៣០ X ៣០ សង់ទីម៉ែត្រ ធំបំផុត ១០០ X ១០០ សង់ទីម៉ែត្រ (មិនកំណត់ទំហំសម្រាប់កុមារ)។

របៀបដាក់ពាក្យ គឺងាយស្រួលណាស់ បេក្ខជនផលិតស្នាដៃដោយខ្លួនឯង រួចហើយថតរូបភាពគំនូរ និងវីដេអូពន្យល់អំពីអត្ថន័យគំនូរ បន្ទាប់មកបំពេញពាក្យស្នើសុំ ផ្ញើរូបភាព និងវីដេអូទោកាន់តេលេក្រាម ០៩៦ ២១ ៨១ ២១៩។

រង្វាន់សម្រាប់មនុស្សពេញវ័យមានដូចជា ពានរង្វាន់មាស ជាមួយទឹកប្រាក់ ១ពាន់ដុល្លារ ពានរង្វាន់ប្រាក់ ជាមួយទឹកប្រាក់ ៥រយដុល្លារ និងពានរង្វាន់សំរិទ្ធ ជាមួយទឹកប្រាក់​ ២រយដុល្លារ។ រីឯ ពានរង្វាន់សម្រាប់កុមារមានដូចជា សម្រាប់បានរង្វាន់មាស គឺទទួលបានពានរង្វាន់ជាមួយ iPad mini មួយគ្រឿង។ ពានរង្វាន់ប្រាក់ និងសម្ភារៈគំនូរមួយឈុតធំ ចុងក្រោយពានរង្វាន់សំរិទ្ធ និងសម្ភារៈគំនូរពិសេសមួយឈុត។ កម្មវិធីនេះរៀបចំឡើងដោយ Social Compass និង SPUTNIK ដោយមានការគាំទ្រពីស្ថានទូតជប៉ុនប្រចាំកម្ពុជាផងដែរ៕