កីឡា

កីឡាការិនីឆ្នើម ប៉ាល់ ឆរស្មី ទទួលបានប្រាក់រង្វាន់មេដាយស៊ីហ្គេមជាង២០០លានរៀល

បានផុស

២ years មុន

នៅ

ថ្ងៃពុធ ២៨ មិថុនា ២០២៣

ដោយ

នៅក្នុងពិធីប្រគល់ប្រាក់រង្វាន់ដល់ជ័យលាភីមេដាយស៊ីហ្គេម លើកទី៣២ និងកីឡាអាស៊ានប៉ារ៉ាហ្គេម លើកទី១២ ក្រោមអធិបតីភាពសម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ កាលពីព្រឹកថ្ងៃទី២៧ ខែមិថុនា ឆ្នាំ២០២៣ នៅក្រសួងការពារជាតិ កីឡាការិនីឆ្នើម ប៉ាល់ ឆរស្មី ទទួលបានប្រាក់រង្វាន់ចំនួន ២០៦លានរៀលដែលជាប្រាក់រង្វាន់ច្រើនជាងគេក្នុងចំណោមម្ចាស់មេដាយទាំងអស់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាការិនីវ៉ូវីណាមជម្រើសជាតិកម្ពុជា ប៉ាល់ ឆរស្មី បានឈ្នះមេដាយមាស៤គ្រឿង ប្រាក់១គ្រឿង និងសំរិទ្ធ១គ្រឿង ក្នុងព្រឹត្តិការណ៍កីឡាស៊ីហ្គេមលើកទី៣២ ដែលសរុបជាប្រាក់រង្វាន់ បានចំនួន ២០៦លានរៀល (ជាង៥ម៉ឺនដុល្លាអាមេរិក)។ នៅក្នុងការប្រកួតកីឡាការិនីរូបនេះធ្វើបានយ៉ាងល្អជាប់ឈ្មោះជាកីឡាការិនីឆ្នើមដែលទទួលបានមេដាយច្រើនជាងគេគឺ មេដាយមាស២គ្រឿងលើវិញ្ញាសាឯកត្តជន មេដាយមាស២គ្រឿងទៀតលើវិញ្ញាសាក្រុម ហើយទទួលបានមេដាយប្រាក់១គ្រឿងលើវិញ្ញាសាក្រុម និងមេដាយសំរិទ្ធ១គ្រឿងលើវិញ្ញាសាឯកត្តជន។

សូមបញ្ជាក់ផងដែរថា សម្រាប់ប្រាក់រង្វាន់ដែលទទួលបានពីការប្រកួតកីឡាស៊ីហ្គេម និងអាស៊ានប៉ារ៉ាហ្គេម មេដាយមាស១គ្រឿងទទួលបានប្រាក់រង្វាន់ ៤០លានរៀល មេដាយប្រាក់១គ្រឿងទទួលបាន៣០លានរៀល និងមេដាយសំរិទ្ធ១គ្រឿងទទួលបាន១៥លានរៀល៕