ជីវិតកម្សាន្ដ
កែវ កល្យាណ ជូនពរយ៉ាងពិសេសថ្ងៃខួបកំណើត អម្ពរ ទេវី អ្នកគាំទ្ររំភើបជំនួស
តារាសម្ដែងជើងចាស់ល្បីឈ្មោះអ្នកនាង អម្ពរ ទេវី កាលពីថ្មីៗនេះ បានប្រារព្ធខួបកំណើតរបស់ខ្លួនគម្រប់អាយុ ៥៣ ឆ្នាំ (១៨ កក្កដា ឆ្នាំ ២០២៣) ដោយមានមិត្តភ័ក្ដិអ្នកធ្លាប់រួមអាជីពជាច្រើនបានផ្ញើសារជូនពរនាងជាបន្តបន្ទាប់ ខណៈស្វាមីនាង លោក Pauly Hap ក៏បានលើកនំខេកជូន ហើយថើបនាងដោយក្ដីស្រលាញ់។
ដោយឡែកសម្រាប់មិត្តភ័ក្ដិសិល្បៈរួមអាជីព ទោះបីបច្ចុប្បន្នការរស់នៅ និងមិត្តភាពហាក់នៅឆ្ងាយពីគ្នាបន្តិចមែន តែសម្រាប់តារាស្រីពីរដួងរួមជំនាន់សិល្បៈ គឺ អ្នកនាង កែវ កល្យាណ និង អម្ពរ ទេវី នៅតែរក្សាបានទំនាក់ទំនងល្អជាមួយគ្នាដោយមិនប្រួលប្រែឡើយ។ ហេតុផលនេះហើយ ទើបធ្វើឲ្យមហាជន និងអ្នកគាំទ្រ ថ្លែងការសរសើរគ្រប់គ្នា។
ឱកាសថ្ងៃខួបកំណើត អ្នកនាង កែវ កល្យាណ ក៏បានចេញសារជូនពរអ្នកនាង អម្ពរ ទេវី ពីចម្ងាយ ថា ”ជូនពរពួកម៉ាកមានក្ដីសុខក្នុងក្រុមគ្រួសារ សម្រស់ស្រស់ស្អាតរហូត និងមានសុខភាពល្អ អាយុវែង នៅមើលថែប្ដី និងកូនបានយូ”។ ភ្លាមនោះ អ្នកនាង អម្ពរ ទេវី បានតបសារទៅអ្នកនាង កល្យាណ វិញថា ”ខ្ញុំសូមអរគុណសម្លាញ់ កែវ កល្យាណ”។ ក្នុងនោះដែរ ដោយឃើញការឆ្លើយឆ្លងគ្នាតាមរយៈពាក្យពេចន៍ផ្អែមល្ហែម ទើបធ្វើឲ្យអ្នកគាំទ្រលើកឡើងថា សិល្បៈគំរូ។
សូមបញ្ជាក់ថា តារាសម្ដែងអ្នកនាង អម្ពរ ទេវី បានកើតនៅឆ្នាំ ១៩៧០ ហើយនាងបានឈានជើងចូលប្រឡូកក្នុងវិស័យភាពយន្តនាឆ្នាំ ១៩៨៧ ដល់ ឆ្នាំ ២០០១ ពោលរយៈពេល ២២ ឆ្នាំហើយ ដែល នាងបានចាកចេញពីអាជីពចាស់មួយនេះ។ ប៉ុន្តែតាំងពីចេញទៅរស់នៅអាមេរិកជាង ១០ ឆ្នាំនោះ អ្នកនាង អម្ពរ ទេវី ធ្លាប់បានមកថតភាពយន្តចំនួន ២ លើក មកហើយ ដូចជានៅឆ្នាំ ២០១៧ អ្នកនាង បានមកសម្ដែងរឿង”ទឹកចិត្តម្ដាយសម័យថ្មី” របស់ផលិតកម្មផ្កា ៥ ដឹកនាំដោយលោកស្រី ពាន់ ភួង បុប្ផា និងរឿង”ឆន្ទា”របស់ LD។
ក្រោយប្រារព្ធខួបកំណើតអាយុជាង ៥០ ឆ្នាំនេះ អ្នកនាង ទេវី នឹងចុះមកខ្មែរជាថ្មីនៅអំឡុងខែតុលា ឆ្នាំ ២០២៣ ខាងមុខនេះ ដើម្បីថតរឿង”អប្សរាមហាអង្គរ” ដែលដឹកនាំដោយលោក ហ្វៃ សំអាង។នេះបើតាមលោក សំអាង បានប្រាប់នាពេលកន្លងមកថា ភាពយន្តនោះកំពុងដំណើរការថតសម្រាប់តួអង្គក្នុងស្រុក ចំណែកប្លង់អ្នកនាង អម្ពរ ទេវី នឹងសម្រុកថតនៅខែ ១០ អំឡុងពេលដែលគាត់ចុះមក និងវិលទៅវិញមានថ្ងៃកំណត់ជាក់លាក់នោះ៕
អត្ថបទ ៖ ចាន់រ៉ា
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ១ សប្តាហ៍ ago
ថ្ងៃពិសេសកូនប្រុសម្ដង ភរិយាសេដ្ឋី Ambani ពាក់គ្រឿងអលង្ការតម្លៃ ៦៦.៥ លានដុល្លារបង្អួតភ្នែកមហាជន