ព័ត៌មានអន្ដរជាតិ
លោក គីម ជុងអ៊ុន នាំរដ្ឋមន្ត្រីការពារជាតិ រុស្ស៊ី ទស្សនាអាវុធទំនើបៗរបស់ កូរ៉េខាងជើង
ប្រព័ន្ធផ្សព្វផ្សាយរដ្ឋ KCNA បានរាយការណ៍កាលពីថ្ងៃពុធថា មេដឹកនាំកូរ៉េខាងជើង លោក គីម ជុងអ៊ុន បាននាំរដ្ឋមន្ត្រីការពារជាតិរុស្ស៊ីលោក Sergei Shoigu ទស្សនាការតាំងពិព័រណ៍ការពារជាតិដែលបង្ហាញពីកាំជ្រួចមីស៊ីលផ្លោងរបស់ទីក្រុងព្យុងយ៉ាង បន្ទាប់ពីអ្នកទាំងពីរបានជួបពិភាក្សាគ្នាស្ដីពីការបង្កើនទំនាក់ទំនង ។
ទន្ទឹមនោះ ក្នុងអំឡុងពេលដំណើរទស្សនាក្នុងការតាំងបង្ហាញអាវុធ និងឧបករណ៍យោធាទើបនឹងបង្កើតថ្មី ដែលត្រូវបានរៀបចំឡើងដើម្បីប្រារព្ធខួបលើកទី ៧០ នៃបទឈប់បាញ់សង្គ្រាមកូរ៉េ, លោក គីម ក៏បានចែករំលែកមតិយោបល់ជាមួយលោក Shoigu លើនិន្នាការនៃការអភិវឌ្ឍន៍សព្វាវុធ និងយុទ្ធសាស្ត្ររបស់ពិភពលោកផងដែរ ។
ក្នុងជំនួបនោះទៀតសោត លោក Shoigu ក៏បានប្រគល់លិខិតមួយច្បាប់របស់ប្រធានាធិបតីរុស្ស៊ីលោក វ្ល៉ាឌីមៀរ ពូទីន ទៅកាន់លោក គីម ផងដែរ ខណៈមេដឹកនាំកូរ៉េខាងជើងរូបនេះបានថ្លែងអំណរគុណចំពោះលោក ពូទីន សម្រាប់ការបញ្ជូនគណៈប្រតិភូយោធាដែលដឹកនាំដោយលោក Shoigu ហើយលោក គីម ថែមទាំងបានសង្កត់ធ្ងន់ផងដែរថា កិច្ចប្រជុំនេះបានធ្វើឲ្យទំនាក់ទំនង “យុទ្ធសាស្ត្រ និងប្រពៃណី” រវាងកូរ៉េខាងជើង និងរុស្ស៊ីកាន់តែស៊ីជម្រៅ ។
ស្របពេលជាមួយគ្នានេះ KCNA ក៏បានបង្ហាញពីរូបភាពជាច្រើនសន្លឹករបស់លោក គីម ដឹកនាំសមភាគីរបស់លោកទស្សនាសាលតាំងពិពណ៌ដ៏ធំមួយដែលបង្ហាញកាំជ្រួចមីស៊ីលផ្លោងមួយចំនួនរបស់កូរ៉េខាងជើងដែលដាក់នៅលើជើងទម្របាញ់បង្ហោះ ក៏ដូចជាយន្តហោះដ្រូនថ្មីៗជាដើម ។
បន្ថែមពីនេះ ក្រៅពីរុស្ស៊ី ក៏មានគណៈប្រតិភូចិន រួមទាំងសមាជិកការិយាល័យនយោបាយបក្សកុម្មុយនិស្តចិន លោក Li Hongzhong បានអញ្ជើញទៅប្រទេសកូរ៉េខាងជើងដើម្បីប្រារព្ធខួបដែលទីក្រុងព្យុងយ៉ាងចាត់ទុកជា “ទិវាជ័យជម្នះ” លើសហរដ្ឋអាមេរិក ។
គួរបញ្ជាក់ថា គណៈប្រតិភូនៃប្រទេសទាំងពីរ គឺជាឥស្សរជនដ៏លេចធ្លោដំបូងគេដែលអញ្ជើញទៅកាន់ប្រទេសកូរ៉េខាងជើង ចាប់តាំងពីការចាប់ផ្តើមនៃជំងឺរាតត្បាតកូវីដ ១៩ ស្របពេលដែលទីក្រុងព្យុងយ៉ាង សម្លឹងមើលការពង្រឹងទំនាក់ទំនងរបស់ខ្លួនជាមួយទីក្រុងប៉េកាំង និងទីក្រុងមូស្គូ ដោយស្វែងរកចំណុចរួមនៅក្នុងការប្រកួតប្រជែងជាមួយនឹងទីក្រុងវ៉ាស៊ីនតោន ៕
ប្រែសម្រួលដោយ ៖ ជីវ័ន្ត
ប្រភព ៖ Reuters
ចុចអាន ៖ ទីក្រុងព្យុងយ៉ាង អញ្ជើញ២ប្រទេស ឲ្យចូលរួម ខួបនៃបទឈប់បាញ់សង្គ្រាមកូរ៉េ
-
ព័ត៌មានជាតិ២ ថ្ងៃ ago
លោក សុខ ធា ត្រូវបានប្រកាសចូលកាន់តំណែងជានាយប៉ុស្តិ៍នគរបាលច្រកទ្វារអាកាសយានដ្ឋានអន្តរជាតិភ្នំពេញ
-
ជីវិតកម្សាន្ដ៦ ថ្ងៃ ago
ពូ ណុយ និង យ៉ែម ស្រីពេជ្រ ត្រៀមចូលរោងការដើមខែក្រោយ
-
សេចក្ដីជូនដំណឹង៤ ថ្ងៃ ago
ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!
-
ព័ត៌មានជាតិ៤ ថ្ងៃ ago
Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា
-
ព័ត៌មានអន្ដរជាតិ៦ ថ្ងៃ ago
មូលហេតុ ៣ ដែលអធិរាជ ឈានឡុង នៃរាជវង្ស Qing បញ្ជាឲ្យកាត់ក្បាលគ្រូទាយល្បីម្នាក់
-
កីឡា៣ ថ្ងៃ ago
ស្ថាបនិក KSF ផ្តល់តម្លៃ ឈឿង ល្វៃ ខ្ពស់បំផុតសម្រាប់កំណត់ត្រាជូនជាតិ
-
ព័ត៌មានជាតិ៤ ថ្ងៃ ago
បង្កើតផ្លូវថ្មីតភ្ជាប់ពីផ្លូវជាតិលេខ១ រហូតដល់គល់ស្ពានព្រែកប្រា-ចាក់អង្រែ
-
ព័ត៌មានអន្ដរជាតិ២៤ ម៉ោង ago
ត្រៀមខ្លួន! ឆ្នាំក្រោយ ព្យុះព្រះអាទិត្យ នឹងវាយប្រហារភពផែនដី កាចសាហាវជាងឆ្នាំនេះទៀត