ជីវិតកម្សាន្ដ
លោក ហេង ឡុង មិនចាត់ទុកបុគ្គលពាក់ព័ន្ធសិល្បៈប្រើបណ្ដាញសង្គមគ្មានសីលធម៌ ជាអ្នកសិល្បៈទេ
តាមការកត់សម្គាល់អំឡុងមួយរយៈនេះមានបុគ្គលមួយចំនួនតាំងខ្លួនជ្រកក្រោមដំបូលជាអ្នកសិល្បៈ ពុំមានអាជីពក្នុងវិស័យនេះច្បាស់លាស់ បានប្រើប្រាស់បណ្ដាញសង្គមធ្វើជាខែលទាញយកប្រយោជន៍ ដោយប្រព្រឹត្តិទង្វើអសីលធម៌ បង្កការរិះគន់ និងធ្វើឲ្យប៉ះពាល់កិត្តិយសខ្លាំងដល់អ្នកសិល្បៈអាជីពត្រឹមត្រូវ។
សកម្មភាពគ្មានសីលធម៌ក្លាយជាទង្វើបំពុលសង្គម រហូតធ្វើឲ្យមហាជន និងអ្នកគាំទ្រ ស្នើដល់ក្រសួងវប្បធម៌ និងវិចិត្រសិល្បៈ និងសមាគមសិល្បករខ្មែរ ពិនិត្យញែកឲ្យដាច់រវាងអ្នកសិល្បៈ ឬ បុគ្គលក្រៅសិល្បៈ ត្រូវបានលោក ហេង ឡុង ប្រធានសមាគមមិត្តសិល្បៈស្ម័គ្រចិត្តជួយសង្គម បានចេញមុខបញ្ជាក់ថា បុគ្គលដែលពាក់ព័ន្ធនឹងសិល្បៈប្រើប្រាស់បណ្ដាញសង្គមដោយគ្មានសីលធម៌ គឺមិនចាត់ទុកថាជាអ្នកសិល្បៈឡើយ។
ប្រធានសមាគមរូបនេះ បានលើកឡើងថា «បងប្អូនដែលមានការងារពាក់ព័ន្ធនឹងសិល្បៈ ហើយប្រើប្រាស់បណ្ដាញសង្គមដោយគ្មានសីលធម៌ មិនចាត់ទុកថាជាអ្នកសិល្បៈឡើយ»។
យ៉ាងណាក៏មានអ្នកគាំទ្រលើកឡើងថា សមាគមសិល្បៈគួរមានតួលេខចុងក្រោយ នៃសមាជិករបស់ខ្លួន និងគួរធ្វើការឲ្យបានសកម្មលើការចេញប័ណ្ណជូនសមាជិកខ្លួន និងដកហូតប័ណ្ណវិញ ក្រោយឃើញថាសមាជិកខ្លួនអសកម្ម ឬសមាជិកនោះបានប្រព្រឹត្តខុសនឹងលក្ខខណ្ឌរបស់សមាគម។
សូមបញ្ជាក់ថា កន្លងមកលោក ហេង ឡុង ធ្លាប់បានប្រកាសដោយបានចាត់ទុកដែរថា អ្នកដែលមានបទពិសោធន៍ចាប់ពី ៣ ឆ្នាំ គឺជាអ្នកសិល្បៈអាជីពត្រឹមត្រូវ។ លោកថា សូមបែងចែករវាងតារាហ្វេសប៊ុក និងសិល្បករ-សិល្បការិនី។ បើគ្មានបទពិសោធន៍ក្នុងអាជីពសិល្បៈយ៉ាងតិច ៣ ឆ្នាំ នោះទេ សមាគមសិល្បករខ្មែរ មិនចាត់ទុកថាជាសិល្បករអាជីពឡើយ។
លោក ហេង ឡុង បន្តថា ក្នុងនាមជាប្រធានសមាគម សូមអំពាវនាវដល់សិល្បករ-សិល្បការិនី សូមមេត្តាប្រើប្រាស់បណ្ដាញសង្គមហ្វេសប៊ុក ដើម្បីជាប្រយោជន៍ដល់ខ្លួនឯង និងសង្គមជាតិ សូមកុំយកបណ្ដាញសង្គមជាឈ្នាន់បង្កើតរឿងបំពុលសង្គម ទង្វើអសីលធម៌ ឬ សិចស៊ីជ្រុល ដើម្បីទាញចំណាប់អារម្មណ៍ពីមហាជន៕
អត្ថបទ ៖ ចាន់រ៉ា
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ