ជីវិតកម្សាន្ដ
ដាភ្លេង សម្រេចចាកចេញពីទ្រនំចាស់ធ្លាប់សាងឈ្មោះជិត១០ឆ្នាំដោយសារហេតុផលមួយនេះ
ភ្នំពេញ ៖ ទីបំផុតអ្នកនិពន្ធបទភ្លេងល្បីឈ្មោះប្រចាំផលិតកម្មថោនគឺលោក ដាភ្លេង បានប្រកាសសម្រេចចិត្តចាកចេញពីផលិតកម្មថោនជាផ្លូវការបន្ទាប់ពីសាងកេរ្តិ៍ឈ្មោះមានរយៈពេលជិត១០ឆ្នាំកន្លងទៅនេះ។
ការប្រកាសចាកចេញពីផលិតកម្មចាស់ថោន ពីសំណាក់អ្នកនិពន្ធ ដាភ្លេង នាពេលនេះកំពុងធ្វើឲ្យទស្សនិកជនជាច្រើនមានការចាប់អារម្មណ៍និងភ្ញាក់ ផ្អើលគ្រប់គ្នាចំពោះមូលហេតុដែលនាំឲ្យលោកសម្រេចចិត្តបែបនេះ។ ប៉ុន្តែបើតាមការបង្ហើបពីសាមីខ្លួនថា ការចាកចេញនេះគឺពុំមានបញ្ហាអ្វីឡើយពោលគឺលោកគ្រាន់តែចង់ផ្លាស់ប្តូរបទពិសោធន៍ថ្មីៗប៉ុណ្ណោះ។
លោក ដាភ្លេង បានឲ្យដឹងខ្លីទៀតថា សម្រាប់ពេល វេលាដែលលោកនឹងត្រូវចាកចេញពីថោនគឺនៅអំឡុងថ្ងៃ ទី៣០ ខែមករា ឆ្នាំ២០២១នេះ។ ដោយឡែកនៅលើហ្វេសប៊ុករបស់ ដាភ្លេង ក៏បានរៀបរាប់ភ្ជាប់ស្នាដៃនិពន្ធជាច្រើនថានេះជាស្នាដៃដំបូងរបស់ខ្ញុំបាទ ដាភ្លេង ដែលមានឱកាសក្លាយជា Composer (អ្នកនិពន្ធបទភ្លេង)នៅក្នុងផលិតកម្មថោន ក្រោមការមេត្តករុណា ការផ្តល់ឱកាស នឹងការផ្តល់កម្លាំងចិត្តរបស់ លោកនាយក នឹងនាយិកាTown Production Town Group Co., Ltdo., Ltd ឲ្យខ្ញុំខំប្រឹង តស៊ូបង្កើតស្នាដៃជាច្រើនរាប់មិន អស់ ហើយមានការគាំទ្រ យ៉ាងច្រើនពីសំណាក់ បងប្អូនខ្មែរយើងទូទាំងប្រទេស។
រហូតដល់ថ្ងៃមួយក៏បានគុណលោកនាយកផ្តល់ឱកាសឲ្យខ្ញុំបានបញ្ចេញសមត្ថភាពពីកំណើតនឹងជាចំណង់ចំណូលចិត្តតាំងពីក្មេង គឺចេញបទចម្រៀងក្នុងផលិតកម្មថោនដំបូងគេគឺបទ មិនយល់ (ហេតុអ្វីធ្វើដូចស្រលាញ់ខ្ញុំម្ល៉េះ?) ,នឹកនា , អារាម្មណ៍សល់ ខណៈបទទាំងនេះគឺមានការគាំទ្រយ៉ាង ច្រើនពីសំណាក់បងប្អូនយុវវ័យ អ៊ុពូមីងរហូតដល់ រាប់លាន ការចូលមើល។ នេះជាសម្តី ដាភ្លេង បន្ត។
លោកបញ្ជាក់ទៀតថា នៅថ្ងៃទី៣០ខែមករានេះ ក៏ជាថ្ងៃចុងក្រោយដែលខ្ញុំបម្រើការងារជូនផលិតកម្មថោន ខ្ញុំបាទពិតជាស្រលាញ់ទ្រនំមួយនេះណាស់ ពិតជាជាកន្លែងដែលត្រជាក់ជុំប្រកបដោយសេចក្តីមេត្តា ករុណា។ អស់រយៈពេលក្បែរ១០ឆ្នាំខ្ញុំពិតជាសប្បាយចិត្ត ដែលមានមេល្អ ក្រុមការងារល្អ ដែលតែងតែសហការណ៍ បានយ៉ាងល្អ កន្លងមក៕
ដោយ ៖ ចាន់រ៉ា
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង