ជប៉ុនបញ្ចេញ ទឹកសំណល់ពីរោងចក្រនុយក្លេអ៊ែរ ហ្វូគូស៊ីម៉ា ចូលទៅក្នុងមហាសមុទ្រប៉ាស៊ីហ្វិក

ទឹកសំណល់ពីរោងចក្រនុយក្លេអ៊ែរ ហ្វូគូស៊ីម៉ា ដែលរងគ្រោះដោយរលកយក្សស៊ូណាមិ ត្រូវប្រទេសជប៉ុន បញ្ចេញចូលទៅក្នុងមហាសមុទ្រប៉ាស៊ីហ្វិកហើយ កាលពីថ្ងៃព្រហស្បតិ៍ ទី២៤ ខែសីហា ។

ទឹកប្រហែល ១.៣៤ លានតោន បានប្រមូលផ្តុំ ចាប់តាំងពីរលកយក្សស៊ូណាមិឆ្នាំ ២០១១ បំផ្លាញរោងចក្រនេះ ហើយទឹកនឹងត្រូវបញ្ចេញក្នុងរយៈពេល ៣០ ឆ្នាំ បន្ទាប់ពីការបន្សុទ្ធ ។

តាមពិតទៅទឹកសំណល់វិទ្យុសកម្មឆ្លងកាត់ប្រព័ន្ធចម្រោះដើម្បីយកអ៊ីសូតូមវិទ្យុសកម្មចេញ ដោយបន្សល់ទុកតែទ្រីទីយ៉ូម ដែលជាអ៊ីសូតូបវិទ្យុសកម្មមួយក្នុងចំណោមពីរនៃអ៊ីដ្រូសែន ។ ទោះបីជាទ្រីទីយ៉ូមមានជាតិពុល ក៏អ្នកជំនាញបានអះអាងថា បរិមាណទ្រីទីយ៉ូមនៅក្នុងបរិស្ថាននឹងមានតិចតួចបំផុតដោយសារតែការលាយជាមួយទឹកសមុទ្រ ។

មួយវិញទៀតការត្រួតពិនិត្យរយៈពេលពីរឆ្នាំរបស់ទីភ្នាក់ងារថាមពលបរមាណូអន្តរជាតិ IAEA បានរកឃើញថា យុទ្ធសាស្ត្ររបស់ប្រទេសជប៉ុននឹងមានផលប៉ះពាល់តិចតួចដល់មនុស្ស និងបរិស្ថាន ។

មិនតែប៉ុណ្ណោះ លោក Nigel Marks អ្នកជំនាញខាងកាកសំណល់វិទ្យុសកម្ម និងជាសាស្ត្រាចារ្យរងនៅសាកលវិទ្យាល័យ Curtin បានឱ្យដឹងថា “ការ​ទទួល​ទាន​គ្រឿង​សមុទ្រ​មានប្រភពមកពីទឹកក្បែរនោះមួយជីវិត ស្មើនឹងការស្រូបទ្រីទីយ៉ូមប៉ុនចេកមួយម៉ាត់ប៉ុណ្ណោះ”​៕

ប្រែសម្រួល៖ វារី

ប្រភព៖ bloomberg

ចុចអាន៖ ខានស្អែក ជប៉ុន នឹងបញ្ចេញទឹកសំណល់ពីរោងចក្រនុយក្លេអ៊ែរ ហ្វូគូស៊ីម៉ា ចូលមហាសមុទ្រប៉ាស៊ីហ្វិក