វប្បធម៌ ជំនឿ
បណ្ឌិត ឈត ប៊ុនថង ៖អ្នកជឿអបិយជំនឿខ្លាំងពេក នឹងវង្វេងក្នុងជំនឿ កែមិនឡើងឡើយ
លោកបណ្ឌិត ឈត ប៊ុនថង អ្នកជំនាញផ្នែកទស្សនវិជ្ជា និងកិច្ចការសង្គមនៃរាជបណ្ឌិត្យសភាកម្ពុជា បានលើកឡើងថា បុគ្គលមួយចំនួនដែលជឿលើអបិយជំនឿខ្លាំងហួសហេតុពេក គឺនឹងធ្វើឱ្យពួកគេងប់ងុលជ្រុល វង្វេងនឹងជំនឿកែមិនឡើងនោះទេ។ លោកបានលើកឡើងបែបនេះកាលពីចុងសប្តាហ៍កន្លងទៅនេះ។
ការលើកឡើងរបស់លោកបណ្ឌិត ឈត ប៊ុនថង គឺបន្ទាប់ពីមួយរយៈចុងក្រោយនេះ ឃើញមានផ្ទុះរឿងជំនឿលើព្រះសង្ឃមួយអង្គពាសពេញបណ្តាញសង្គម ដល់ថ្នាក់មានពលរដ្ឋមួយចំនួនជឿខ្លាំង បានប្រៀបធៀបការគោរពរបស់ពលរដ្ឋកម្ពុជាចំពោះព្រះអង្គ មិនស្មើការគោរពរបស់ប្រជាជនថៃចំពោះព្រះអង្គ ព្រោះជនជាតិថៃគោរពដល់ព្រះអង្គខ្លាំង។ ក្រៅពីមានអ្នកជឿខ្លាំង ក៏មានអ្នកលេងបណ្តាញសង្គមមួយចំនួនទៀត បានរិះគន់ចំពោះការជឿជំនឿហួសហេតុ មិនសមហេតុផលដែលមាននៅលើបណ្តាញសង្គមនេះ។
ទាក់ទិននឹងបញ្ហានេះ លោកបណ្ឌិត ឈត ប៊ុនថង បានលើកឡើង៣ចំណុច ជុំវិញនឹងការជឿនេះ។ លោកសរសេរថា៖ “ចំណុចទី១ បើមនុស្សធម្មតាកូរសង្គម សង្គមនោះមិនសូវរង្គើទេ ប៉ុន្តែ បើយក្សកូរសង្គមវិញ សង្គមនោះ នឹងរង្គោះរង្គើខ្លាំងណាស់។ ទី២ មនុស្សទោះបីមានឋានៈខ្ពស់ ទ្រព្យច្រើន កេរ្តិ៍ឈ្មោះល្បីល្បាញ និងមានចំនួនច្រើនយ៉ាងណាក៏ដោយ ក៏នៅតែវង្វេងដែរ ឱ្យតែពួកគេមិនស្គាល់ផ្លូវត្រូវ។ ទី៣ មនុស្សល្ងង់ហើយជឿលើអបិយជំនឿ នៅពេលពួកគេកាន់តែមានវ័យចាស់ កាន់តែមានទ្រព្យច្រើន ឬ កាន់តែមានឥទ្ធិពល ពួកគេកាន់តែចចេស និងកាន់តែជឿផ្កាប់មុខ កែមិនឡើង”។
បន្ថែមពីនេះទៀត កាលពីថ្ងៃទី២៩ ខែកញ្ញា ឆ្នាំ២០២៣ លោកបណ្ឌិត ឈត ប៊ុនថង ក៏បានលើកឡើង៥ចំណុច ជុំវិញនឹងការជឿជំនឿនេះដូចគ្នា។ ក្នុងនោះ ចំណុចសំខាន់ចំនួន២របស់លោកបានលើកឡើងថា សច្ចភាព ឬការពិត មិនអាស្រ័យលើទ្រព្យសម្បត្តិ តួនាទី ឬ បុគ្គលដែលត្រូវជឿនោះ ជាជនល្បីល្បាញ ឬ ត្រូវបានគេគោរពជឿច្រើននោះទេ ប៉ុន្តែ អាស្រ័យលើទំនាក់ទំនងរវាងហេតុ និងផល។ ហេតុ និងផលនេះ លោកបណ្ឌិតចង់សំដៅដល់ភាពសមហេតុផល ត្រឹមត្រូវ និងការស្របគ្នារវាងការអះអាង និងតថភាព ឬ បាតុភូតជាក់ស្តែង។ ចំណុចមួយទៀត លោកបណ្ឌិតលើកឡើងថា ប្រសិនបើនៅតែមានអ្នកជឿជំនឿផ្តេសផ្តាស ឬ អបិយជំនឿ នោះ នឹងនាំឱ្យនៅតែមានអ្នកបង្កើតជំនឿបែបនោះ ព្រមទាំងសម្តែងជាតួអង្គបែបនោះទៀត៕
-
ព័ត៌មានជាតិ៥ ថ្ងៃ ago
ស្ថានភាពធាតុអាកាសនៅកម្ពុជា ចាប់ថ្ងៃទី២ ដល់ថ្ងៃទី៤ ខែឧសភា ឆ្នាំ២០២៤
-
ព័ត៌មានជាតិ៦ ថ្ងៃ ago
ក្នុងករណីក្ដៅខ្លាំងលើស៤០អង្សារ សម្ដេចធិបតី ណែនាំឱ្យគណៈគ្រប់គ្រងសាលាផ្អាកការសិក្សាបន្ទាន់
-
សេដ្ឋកិច្ច២២ ម៉ោង ago
ធនាគារ SinoPac ទិញយកគ្រឹះស្ថានមីក្រូហិរញ្ញវត្ថុអម្រឹតក្នុងទឹកប្រាក់ជាង៥០០លានដុល្លារ
-
ព័ត៌មានជាតិ១ សប្តាហ៍ ago
មន្ត្រីជំនាញប្រើថវិកាជាតិលើការជួសជុលច្រាំងស្ពានវត្តគរ រហូតដល់ ៥ លើក
-
ជីវិតកម្សាន្ដ២ ថ្ងៃ ago
ក្រោយលែងលះ តារាហុងកុង Roger សល់ទ្រព្យ ១១ លានដុល្លារ ខណៈអតីតភរិយាចុះចេញតែខ្លួន
-
ព័ត៌មានជាតិ៥ ថ្ងៃ ago
ប្រភពមន្រ្តីព្រលាន៖ មានភ្ញៀវជិះពេញ សម្ពោធជើងហោះហើររបស់ Air Asia Cambodia ទៅសៀមរាប
-
ព័ត៌មានអន្ដរជាតិ៦ ថ្ងៃ ago
ផ្ទុះរោងចក្រឈើនៅវៀតណាម ផ្តាច់ជីវិតមនុស្ស ៦នាក់
-
ព័ត៌មានជាតិ៥ ថ្ងៃ ago
សម្ដេចតេជោ ចោទសួរទៅកាន់វិទ្យុមួយថា តើល្ងង់មែនទេ ដែលវាយប្រហារភរិយាសម្ដេចធិបតី?