ជីវិតកម្សាន្ដ

ម៉េង កែវពេជ្ជតា ស្នើម្ចាស់ Channel YouTube កែតម្រូវឡើងវិញឈ្មោះម្ចាស់បទ”បងល្អលើសគេ”

បានផុស

២ years មុន

នៅ

ថ្ងៃព្រហស្បតិ៍ ១៦ វិច្ឆិកា ២០២៣

ដោយ

តារាចម្រៀងសំនៀងផ្អែមអ្នកនាង ម៉េង កែវពេជ្ជតា ចេញប្រតិកម្ម បន្ទាប់ពីថ្មីៗនេះ មាន Channel You Tube ចំនួនពីរ បានលើកយកបទចម្រៀងពីដើម ចំណងជើង “បងល្អលើសគេ” មកបង្ហោះផ្សព្វផ្សាយឡើងវិញ ប៉ុន្តែមិនបានដាក់ត្រូវនឹងឈ្មោះម្ចាស់សំនៀងដើមឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពាក់ព័ន្ធរឿងនេះ តារាចម្រៀងអ្នកនាង ម៉េង កែវពេជ្ជតា បានស្នើឲ្យម្ចាស់ Channel YouTube ទាំងពីរនោះ កែតម្រូវឡើងវិញ ដោយដាក់ឈ្មោះម្ចាស់ដើម នៃបទ”បងល្អលើសគេ” ច្រៀងដោយអ្នកនាង ម៉េង កែវពេជ្របុប្ផា ជាបងស្រីបង្កើតរបស់ខ្លួន។

អ្នកនាង ម៉េង កែវពេជ្ជតា បានលើកឡើងថា «បទ”បងល្អលើសគេ” ជាបទចម្រៀងល្បីខ្លាំង និងមានអាយុកាលជិតសាមសិបឆ្នាំហើយ ដែលសំនៀងដើមរបស់បងស្រីធំ ម៉េង កែវពេជ្របុប្ផា ជាបុត្រីច្បង នៃស្តេចទ្រសោ ម៉េង ហ៊ុន និងរាជនីអាយ៉ៃ កែវ សង្វាពេជ្រ ក៏ជាតារាចម្រៀងមួយដួងដែលមានកេរ្តិ៍ឈ្មោះថ្លៃថ្នូរដោយសារមានបទចម្រៀងល្បីៗ ផ្ទាល់ខ្លួនជាច្រើនបទ»។

កំពូលតារាចម្រៀង ម៉េង កែវពេជ្ជតា បញ្ជាក់ថា «យើងបានឃើញ Channel YouTube ពីរនេះយកសំនៀងរបស់បងស្រី ម៉េង កែវពេជ្របុប្ផា ប៉ុន្តែដាក់ឈ្មោះអ្នកផ្សេង? លើសពេកហើយ មិនដឹងថាជាចេតនាចង់បន្លំ ចង់លេងសើច ឬជាអចេតនាទេ ប៉ុន្តែបើទោះជាក្នុងករណីណាក្តី យើងសំណូមពរដល់ម្ចាស់ YouTube Channel ទាំងពីរ និងផ្សេងៗទៀត មេត្តាកុំលេងបែបនេះ សូមកែតម្រូវវិញផង»។