ការ​ព្យាបាល​ជំងឺ​ក្នុង​ផ្លូវ​ទឹកប្រមាត់ និង​លំពែង ដោយ​បច្ចេកទេស

ទន្ទឹម​នឹង​ការ​ជឿនលឿន​ នៃ​វេជ្ជសាស្ត្រ​សម័យ​ទំនើប​របស់​ពិភពលោក មន្ទីរពេទ្យ​កាល់ម៉ែត​ បានធ្វើ​ការ​អភិវឌ្ឍ​បន្ថែម​មួយទៀត គឺ​បច្ចេកទេស ERCP ដើម្បី​សម្រួល​ដល់​ការ​ធ្វើ​រោគវិនិច្ឆ័យ និង​ការ​ព្យា​បាល នៃ​ជំងឺ​ក្នុង​ផ្លូវ​ទឹកប្រមាត់ និង​លំពែង​។​

១- អ្វី​ទៅជា​បច្ចេកទេស ERCP?
ERCP គឺជា​បច្ចេកទេស ​នៃ​ការ​សុង​ឆ្លុះ​ទៅក្នុង​ពោះវៀនតូច ដែល​អាច​ឆ្លង​ចូលទៅក្នុង​ផ្លូវ​ទឹកប្រមាត់ និង​ផ្លូវទឹក​លំពែង ហើយ​អាច​ផ្តល់​ឲ្យ​យើង​នូវ​ការធ្វើ​រោគវិនិច្ឆ័យ និង​ការព្យាបាល​។​

២- អត្ថប្រយោជន៍​ នៃ​បច្ចេកទេស ERCP
– ធ្វើ​រោគវិនិច្ឆ័យ និង​ព្យាបាល​ជំងឺ​គ្រួស​ក្នុង​ផ្លូវ​ទឹកប្រមាត់។​
– ធ្វើ​រោគវិនិច្ឆ័យ និង​ព្យាបាល​ជំងឺមហារីក​នៅ​ផ្លូវ​ទឹកប្រមាត់ និង​លំពែង​។​
– ព្យាបាល​ជំងឺ​រលាក​លំពែង​ស្រួចស្រាវ ដោយសារ​ការស្ទះ​គ្រួស​ក្នុង​ផ្លូវទឹកប្រមាត់។​
– ព្យាបាល​ជំងឺ​រលាក​លំពែង​រ៉ាំរ៉ៃ​។​

៣-ពេលណា​ត្រូវធ្វើ ERCP (indication)?
– ការឡើង​លឿង​ដែល​សង្ស័យថា​មានការ​ស្ទះ​ទឹកប្រមាត់ ​។​
– ជំងឺ​រលាក​លំពែង​ស្រួចស្រាវ រួមជាមួយ​នឹង​ជំងឺ​រលាក​ផ្លូវទឹកប្រមាត់ ឬ​ការ​ស្ទះ​ផ្លូវ​ទឹកប្រមាត់ ​។​
– ជំងឺ​គ្រួស​នៅ​ផ្លូវ​ទឹកប្រមាត់ (Bile Duct Stones)​។​
– ជំងឺ​ស្ទះ​ផ្លូវ​ទឹកប្រមាត់។​
– ធ្វើការ​ពង្រីក​ផ្លូវ​ទឹកប្រមាត់ (Dilation of ductal strictures)​។​
– ការដាក់​កូន​បំពង់​បង្ហូរ (biliary stents) ទៅក្នុង​ផ្លូវ​ទឹកប្រមាត់ និង​ផ្លូវទឹក​លំពែង​។​
– ជំងឺ​រលាក​លំពែង​រ៉ាំរ៉ៃ ឬ​មាន​គីស​នៅ​លំពែង​។​
– ជំងឺ​រលាក​លំពែង​ដោយ​មិនដឹង​ពី​មូលហេតុ​។​
– ជំងឺ​គីស​នៅ​ផ្លូវ​ទឹកប្រមាត់ (Biliary cysts)​។​
– ការព្យាបាល​សម្រន់ ក្នុង​ជំងឺមហារីក​នៅ​ផ្លូវទឹក​ប្រ​ម៉ាត់ និង​លំពែង ដែល​មិនអាច​វះកាត់​បាន​(Palliative care)​។​
– ការ​កាត់​ដុំ​សាច់​ស្លូត នៅ​ចុង​ផ្លូវទឹក​ប្រ​ម៉ាត់ (Ampullectomy of the major papilla)​។​
– ការយក​កោសិកា​ពី​ផ្លូវ​ទឹកប្រមាត់ និង​លំពែង​ដើម្បី​ពិនិត្យ​។​

ក្រុម​គ្រូពេទ្យ​គ្រប់​ជំនាញ​ឯកទេស ​នៃ​មន្ទីរពេទ្យ​កាល់ម៉ែត សូម​ស្វាគមន៍​រាល់​ការ​មក​ពិគ្រោះ​យោ​បល់ និង​ពន្យល់​លំអិត​បន្ថែម​លើ​រាល់​ជម្រើស ​នៃ​ការ​ព្យាបាល ទៅតាម​ស្ថានភាព​សុខភាព និង​ស្ថាន​ភាព​ជំងឺ​នីមួយៗ​៕
អត្ថបទ ៖ ​រស្មី​

ចុចអាន៖កត្តា​ប្រឈម​អ្វីខ្លះ ដែល​បណ្តាលឲ្យ​ឈឺចង្កេះ​?

ចុចអាន៖ស្វែងយល់​អំពី​ប្រភេទ​ថ្នាំ និង​ការ​ទុកដាក់​ឲ្យបាន​ត្រឹមត្រូវ​