កាសែតអាមេរិក ផ្សាយឲ្យអ្នកទេសចរ មកលេងខេត្តសៀមរាប ក្នុងឆ្នាំ២០២៤នេះ

នាពេលថ្មីៗនេះ សារព័ត៌មាន USA Today របស់សហរដ្ឋអាមេរិក បានបង្ហាញតំបន់ទេសចរណ៍ចំនួន១២ ដែលត្រូវទៅលេងកម្សាន្តតាមខែនីមួយៗ សម្រាប់ឆ្នាំ២០២៤នេះ ហើយក្នុងនោះ ក៏មានខេត្តសៀមរាបរបស់ប្រទេសកម្ពុជាដែរ ដែលសារព័ត៌មានខាងលើចុះផ្សាយថា គ្រប់គ្នាមិនត្រូវរំលង គួរទៅលេងនៅខែវិច្ឆិកា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ម្ចាស់អត្ថបទកាសែតនេះ សរសេរថា “មិនដឹងជាត្រូវរៀបរាប់បែបណាឲ្យសមនឹងតម្លៃនៃបទពិសោធន៍ មើលព្រះអាទិត្យរះលើប្រាសាទអង្គរវត្ត ដែលជាសំណង់សាសនាដ៏ធំបំផុតលើពិភពលោកទេ។ នោះជា​ទីតាំង​ប្រវត្តិសាស្ត្រ​ដ៏​អស្ចារ្យ​មួយ ​ដែលហ៊ុមព័ទ្ធ​ដោយ​ព្រៃប្រឹក្សា។ ខ្ញុំ​មិន​ដែល​ឃើញ​អ្វី​ដូចនេះសោះពីមុនមក យើងទៅ​ប្រាសាទ​ធំ​មុន​ពេល​ព្រឹកព្រហាម ហើយ​មើល​ព្រះអាទិត្យ​រះ ហើយឥឡូវការធ្វើដំណើរទៅខេត្តសៀមរាប កាន់តែមានភាពងាយស្រួល ដោយសារតែអាកាសយានដ្ឋានអន្តរជាតិថ្មី។ មានរឿងសប្បាយៗជាច្រើននៅក្រុងសៀមរាប ប៉ុន្តែ​ទិសដៅសំខាន់​គឺត្រូវទៅ​ប្រាសាទ។ អ្នកត្រូវចំណាយពេល២ទៅ៣ថ្ងៃ ដើម្បីទស្សនាប្រាសាទនានា ហើយអ្នកនឹងមិនអាចបំភ្លេចរឿងគ្រប់យ៉ាងនៅទីនោះបានឡើយ”។

ខាងក្រោមនេះ គឺជាតំបន់ទេសចរណ៍ទាំង១២ ដែលសារព័ត៌មាន USA Today ណែនាំគួរទៅកម្សាន្តតាមខែនីមួយៗ៖

• ខែមករា៖ តំបន់អង់តាកទិក
• ខែកុម្ភៈ៖ ទីក្រុង ដូហា ប្រទេស កាតា
• ខែមីនា៖ ទីក្រុង Christchurch ប្រទេស នូវែលសេឡង់
• ខែមេសា៖ ទីក្រុង ក្យូតូ ប្រទេស ជប៉ុន
• ខែឧសភា៖ ទីក្រុង Hoi An ប្រទេស វៀតណាម
• ខែមិថុនា៖ ទីក្រុង Fukuoka ប្រទេស ជប៉ុន
• ខែកក្កដា៖ ទីក្រុង Santiago ប្រទេស ឈីលី
• ខែសីហា៖ ទីក្រុង សេអ៊ូល ប្រទេស កូរ៉េខាងត្បូង
• ខែកញ្ញា៖ ទីក្រុង Los Angeles សហរដ្ឋអាមេរិក
• ខែតុលា៖ ខេត្ត ឈៀងរ៉ៃ ប្រទេស ថៃ
• ខែវិច្ឆិកា៖ ខេត្តសៀមរាប ប្រទេស កម្ពុជា
• ខែធ្នូ៖ ទីក្រុង Hobart នៃរដ្ឋ Tasmania ប្រទេស អូស្រ្តាលី  

ប្រែសម្រួល៖ Vann Vann

ប្រភព៖ USA Today

ចុចអាន៖ អង្គរវត្ត ជាប់លេខ៦ ជាកន្លែងមើលថ្ងៃលិច ល្អដាច់គេលើលោក