លោក ផៃ ប៊ុនឈឿន ត្រូវបានព្រះមហាក្សត្រ តែង តាំងជារដ្ឋមន្ត្រីប្រតិភូអមនាយករដ្ឋមន្ត្រី

លោក ផៃ ប៊ុនឈឿន ត្រូវបានព្រះមហាក្សត្រនៃកម្ពុជា ត្រាស់បង្គាប់តែងតាំងមុខតំណែងជារដ្ឋមន្ត្រីប្រតិភូអមនាយករដ្ឋមន្ត្រី។ នេះបើយោងតាមព្រះរាជក្រឹត្យរបស់ព្រះមហាក្សត្រនៃកម្ពុជា ចុះថ្ងៃទី២៣ ខែមករា ឆ្នាំ២០២៤។

មាត្រា១ នៃព្រះរាជក្រឹត្យ គឺព្រះករុណា ព្រះបាទ សម្តេចព្រះ នរោត្តម សីហមុនី ព្រះមហាក្សត្រនៃកម្ពុជា បានត្រាស់បង្គាប់តែងតាំង លោក ផៃ ប៊ុនឈឿន ជារដ្ឋមន្រ្តីប្រតិភូអមនាយករដ្ឋមន្រ្តី។

មុនទទួលបានការតែងតាំងមុខតំណែងជារដ្ឋមន្ត្រីប្រតិភូអមនាយករដ្ឋមន្ត្រីនេះ លោក ផៃ ប៊ុនឈឿន មានតំណែងជារដ្ឋលេខាធិការប្រចាំការក្រសួងបរិស្ថាន។ លោក ផៃ ប៊ុនឈឿន ក៏ត្រូវបានប្រមុខរាជរដ្ឋាភិបាលកម្ពុជា ចាត់តាំងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តស្ទឹងត្រែង និងត្រូវបានសម្តេចតេជោ ហ៊ុន សែន ប្រធានគណបក្សប្រជាជនកម្ពុជា ចាត់តាំងជាអនុប្រធានក្រុមការងារគណបក្សប្រជាជនកម្ពុជាចុះមូលដ្ឋានស្ទឹងត្រែង ផងដែរ៕